બાર્બરાએ કહ્યું ચોકસીએ તેને ખોટા દાગીના ભેટ આપ્યા હતા, કથિત ગર્લફ્રેન્ડે કર્યા ચોંકાવનારા ખુલાસા
બાર્બરાએ જણાવ્યું હતું કે તે ગયા વર્ષે ચોક્સીને મળી હતી અને મિત્રતાને વધારવા ચોકસીએ તેને હીરા અને બંગડી ભેટ આપી હતી, પરંતુ ઝવેરાત નકલી હતા.
મેહુલ ચોકસીની ગર્લફ્રેન્ડ તરીકે વાયરલ થયેલી બાર્બરાને ( Barbara Jabarica ) આ મામલે કેટલી સફાઈઓ આપી છે. બાર્બરાએ અપહરણની વાતને નકારી છે. મેહુલ ચોકસીએ તેના પર આરોપ લગાવ્યો હતો કે તેના અપહરણમાં તે પણ ભાગીદાર છે. અને દાવો કર્યો હતો કે તેણે મેહુલની મદદ પણ ના કરી. જોકે બાર્બરાએ કહ્યું છે કે આ ઘટના સાથે તેને કંઈ લેવા દેવા નથી. જણાવી દઈએ કે દોમેનીકા હાઇકોર્ટમાં ભાગેડુ ચોકસીની જમાનતની સુનાવણી 11 જુને સ્થગિત કરવામાં આવી છે.
બાર્બરાએ જણાવ્યું હતું કે તે ગયા વર્ષે ચોક્સીને મળી હતી અને મિત્રતાને વધારવા ચોકસીએ તેને હીરા અને બંગડી ભેટ આપી હતી, પરંતુ ઝવેરાત નકલી હતા. બાર્બરાએ આગળ કહ્યું, ‘કોઈએ મારો સંપર્ક નથી કર્યો. અપહરણ જેવું કંઈ નથી, મેં ઘણા ઈન્ટરવ્યુંમાં કહ્યું છે કે જે લોકો જોલી હાર્બર વિસ્તારથી પરિચિત છે તેઓ જાણે છે કે અહીંથી કોઈનું અપહરણ કરવું અશક્ય છે કારણ કે આ વિસ્તાર ખૂબ જ સલામત છે.
બાર્બરાને પૂછવામાં આવ્યું હતું કે શું મેહુલ ચોક્સી સિવાય અન્ય કોઈ ભારતીયએ તેનો સંપર્ક કર્યો હતો. બાર્બરાએ કહ્યું, ‘મેં સ્પષ્ટ કરી દીધું છે કે હું ચોક્સીની ગર્લફ્રેન્ડ ન હતી. મારો પોતાનો વ્યવસાય છે. મારે કોઈની પાસેથી રોકડ, સમર્થન, હોટેલ બુકિંગ, ઘરેણાં અથવા બીજું કંઈપણ લેવાની જરૂર નથી.
આ ઉપરાંત બાર્બરાએ એમ પણ કહ્યું કે “‘હું યુરોપની છું, અહીં રહું છું અને ભારતના સમાચાર અને ઘટનાઓ જોતી નથી. ગુનેગારોની યાદી, છેતરપિંડી કરનારાઓની લીસ્ટથી કોઈ મતલબ નથી. અને આ કારણે મને મેહુલના અસલ નામની જાણ નહોતી, ના તો ગયા સપ્તાહ સુધી તેના બેકગ્રાઉન્ડની જાણ હતી.
But if you ask my opinion, I can be more and more certain that Cuba could have been his (Mehul Choksi) final destination & somehow he wanted to stop by in Dominica maybe: Barbara Jabarica to ANI
— ANI (@ANI) June 9, 2021
બાર્બરાએ કહ્યું, ‘મેં તેની તસવીરો જોઈ, ત્યારે મને ખબર પડી કે તે પહેલા કેવો દેખાતો હતો. તેનું વજન ઘણું ઓછું થઈ ગયું છે અને તે સંપૂર્ણપણે અલગ દેખાય છે. મને નથી લાગતું કે વેકેસન માટે કેરેબિયન આવતું કોઈ વ્યક્તિ મેહુલ ચોકસીને ઓળખી શકશે.
બાર્બરા જબરિકાએ અગાઉ જણાવ્યું હતું કે તે મેહુલ ચોક્સીની મિત્ર છે. મેહુલે નકલી નામ ‘રાજ’ જણાવીને બાર્બરા સાથે મિત્રતા કરી હતી. જણાવી દઈએ કે પંજાબ નેશનલ બેંક કૌભાંડને લઈને દેશમાંથી ફરાર મેહુલ ચોક્સી હાલમાં ડોમિનિકા પોલીસની કસ્ટડીમાં છે. આપણે જણાવી દઈએ કે ચોક્સીએ પોતાના અપહરણનો આરોપ લગાવ્યો છે જેમાં તેની કથિત પ્રેમિકા બાર્બરા જરાબિકા સામેલ હોવાનું જણાવાયું છે.
આ પણ વાંચો: એક પછી એક મુશ્કેલીઓમાં ફસાતો ભાગેડુ ચોકસી, નાગરિકતા રદ કરવા એન્ટિગુઆ લઇ રહી છે પગલા
આ પણ વાંચો: હજારો જીવ બચાવનાર બહાદુર ઉંદર, 5 વર્ષની નોકરી બાદ થયો નિવૃત્ત, જાણો શું કરતો હતો કામ
Latest News Updates
