Radhe Shyam Trailer: જુનૂની આશિકના રોલમાં પ્રભાસે મચાવી ધમાલ, પુજા હેગડે સાથે જોવા મળ્યો રોમેન્ટિક અંદાજ

Radhe Shyam Trailer:  પ્રભાસના ફેન્સ માટે મોટા સમાચાર આવ્યા છે. આખરે પ્રભાસની (Prabhas) આગામી ફિલ્મ ‘રાધેશ્યામ’નું (Radhe Shyam)ટ્રેલર રિલીઝ થઈ ગયું છે. ઉલ્લેખનીય છે કે, આ ફિલ્મને લગતા ઘણા પોસ્ટર પહેલા જ રિલીઝ થઈ ચૂક્યા છે. ત્યારે હવે ટ્રેલર રિલીઝ થતા દર્શકોની ઉત્સુકતા વધારે વધી છે.

ફિલ્મમાં એક્ટર પ્રભાસ જ્યોતિષની ભૂમિકામાં 

તમને જણાવી દઈએ કે, હૈદરાબાદમાં એક ગ્રાન્ડ ઈવેન્ટમાં આ ફિલ્મનું ટ્રેલર લોન્ચ કરવામાં આવ્યું છે. આ ફિલ્મના ટ્રેલરમાં પ્રભાસનો અલગ અંદાજ જોવા મળી રહ્યો છે. આ ફિલ્મનું ટ્રેલર હાલ છવાઈ ગયુ છે.આ ફિલ્મના ટ્રેલરમાં એક્ટર પ્રભાસ (Actor Prabhas) જ્યોતિષની ભૂમિકામાં જોવા મળી રહ્યો છે અને તે પૂજા હેગડેના (Pooja Hegde) પ્રેમમાં છે. આ ફિલ્મના દરેક લોકેશન ખુબ શાનદાર જોવા મળી રહ્યા છે. ટ્રેલરની શરૂઆત એક લવ સ્ટોરીથી થાય છે અને ટ્રેલરનો અંત દુઃખદ રીતે થાય છે. પ્રભાસનુ આ ફિલ્મમાં નામ વિક્રમાદિત્યના છે. આ ફિલ્મમાં ઉત્તમ VFXનો ઉપયોગ કરવામાં આવ્યો છે.

જુઓ ફિલ્મનુ ટ્રેલર

(Video Credit-T Series)

ગ્રાન્ડ ઇવેન્ટમાં ફિલ્મનુ ટ્રેલર રિલીઝ

આ ફિલ્મના ટ્રેલર લોન્ચ પહેલા પ્રભાસે પોસ્ટ કરીને લખ્યું હતુ કે ‘રાધેશ્યામ’ની અદ્ભુત દુનિયા તમારા બધા સાથે શેર કરવા માટે હું રાહ જોઈ શકતો નથી. આજે અમે ટ્રેલર સાથે આ ફિલ્મનો એક નજારો તમારી સાથે શેર કરીશુ.ઉલ્લેખનીય છે કે, ફિલ્મના નિર્માતાઓએ આ ટ્રેલર લોન્ચિંગને વધુ ખાસ બનાવવા માટે કોઈ કસર છોડી નથી. હૈદરાબાદમાં યોજાયેલા ગ્રાન્ડ ઈવેન્ટમાં(Grand Event)  આ ફિલ્મનુ ટ્રેલર રિલીઝ કરવામાં આવ્યુ છે.

મકરસંક્રાંતિ પર રિલીઝ થશે આ ફિલ્મ

પ્રભાસની ‘રાધેશ્યામ’ ફિલ્મ મકરસંક્રાંતિના દિવસે એટલે કે 14 જાન્યુઆરી 2022ના રોજ સિનેમાઘરોમાં (Cinema House) રિલીઝ થશે. આ ફિલ્મ ઘણી ભાષાઓમાં રિલીઝ થશે. તમિલ તેલુગુ ઉપરાંત કન્નડ, મલયાલમ અને હિન્દીમાં પણ આ ફિલ્મ રિલીઝ થશે. આ ફિલ્મમાં ચાહકોને પૂજા હેગડે અને પ્રભાસની રોમેન્ટિક જોડી જોવા મળશે.

આ પણ વાંચો : Photos : આલિયા ભટ્ટની BFF મેઘના ગોયલે પોતાના લગ્નમાં પહેરી રફલ સાડી, તમે પણ અપનાવી શકો છો આ લુક

આ પણ વાંચો : Bollywood News : અક્ષય કુમાર અને ટાઇગર શ્રોફ ડાયરેક્ટર અલી અબ્બાસ ઝફરની આગામી ફિલ્મમાં સાથે જોવા મળશે !