‘ગંગુબાઈ કાઠિયાવાડી’નો ક્રેઝ યથાવત : આ પાકિસ્તાની અભિનેતાએ તેની પત્ની સાથે ‘ગંગુબાઈ’ જોવા આખુ થિયેટર બુક કરાવ્યુ

Gangubai kathiawadi : હાલમાં જ રિલીઝ થયેલી આલિયા ભટ્ટની(Alia Bhatt)  ફિલ્મ ‘ગંગુબાઈ કાઠિયાવાડી‘ નો દેશ સહિત વિદેશમાં પણ દબદબો જોવા મળી રહ્યો છે. સંજય લીલા ભણસાલી(Sanjay Leela Bhansali)  દ્વારા નિર્દેશિત આ ફિલ્મ છેલ્લા કેટલાક સમયથી વિવાદોમાં રહી હતી પરંતુ બાદમાં તેને કોર્ટમાંથી(Mumbai Court)  રાહત મળી હતી. જો કે આ ફિલ્મ બોક્સ ઓફિસ પર ખાસ કમાલ ના કરી શકી પરંતુ આલિયા ભટ્ટની એક્ટિંગના લોકોએ ખૂબ વખાણ કર્યા અને હવે આ ફિલ્મ સાથે જોડાયેલા વધુ એક સમાચાર સામે આવી રહ્યા છે. અહેવાલો મુજબ પાકિસ્તાની અભિનેતા મુનીબ બટ્ટે તેની પત્ની સાથે ફિલ્મ જોવા માટે આખું થિયેટર બુક કરાવ્યુ હતુ.

મુનીબ બટે તેની પત્નીને સરપ્રાઈઝ આપવા માટે આખું થિયેટર બુક કરાવ્યુ

આલિયા ભટ્ટ સ્ટારર ગંગુબાઈ કાઠિયાવાડીનો ક્રેઝ લોકોમાં હજુ પણ જોવા મળી રહ્યો છે. માત્ર ભારતમાં જ નહીં પરંતુ દેશની બહાર પણ લોકો ‘ગંગુબાઈ’ની કહાની અને આલિયા ભટ્ટની પ્રતિભાને ખૂબ પસંદ કરી રહ્યા છે. આવો જ ક્રેઝ એક પાકિસ્તાની કપલ એક્ટર મુનીબ બટ્ટ અને એક્ટ્રેસ આઈમાન ખાનનો જોવા મળ્યો હતો. આલિયા ભટ્ટને સ્ક્રીન પર જોવા માટે પતિએ પત્ની સાથે આખું થિયેટર બુક કરાવ્યું હતુ. તમને જણાવી દઈએ કે, આઈમાન આલિયા ભટ્ટની મોટી ફેન છે,તેથી તેના પતિ મુનીબ બટ્ટે આ સુંદર સરપ્રાઈઝ આપી હતી. આ કપલને એક સુંદર પુત્રી અમલ મુનીબ પણ છે.

100 કરોડના ક્લબમાં એન્ટ્રી કરનાર આલિયાની આ 5મી ફિલ્મ

વાત કરીએ ‘ગંગુબાઈ કાઠિયાવાડી’ના બોક્સ ઓફિસ કલેક્શનની.તો ગંગુબાઈ કાઠિયાવાડી 100 કરોડ ક્લબમાં પ્રવેશનારી આલિયા ભટ્ટની 5મી ફિલ્મ બની છે, જેણે 102.60 કરોડનું કલેક્શન કર્યું છે. આ ફિલ્મ હજુ પણ ચાહકોની પહેલી પસંદ છે અને તેને અપાર પ્રેમ મળી રહ્યો છે. 100 કરોડના ક્લબમાં સામેલ થનારી સૌથી ઝડપી ફિલ્મોમાંની પણ આ એક છે. રાઝી, ગલી બોય, 2 સ્ટેટ્સ સહિતની આલિયાની ફિલ્મોએ 100 કરોડ ક્લબમાં સામેલ થઈ હતી.

આ પણ વાંચો : શું The Kashmir Filesની કમાણી દાન કરવામાં આવશે? જાણો એક IASના પ્રશ્નનો વિવેક અગ્નિહોત્રીએ શું આપ્યો જવાબ