Tejas માટે સેનાની ટ્રેનીંગ લઈ રહી છે કંગના રનૌત, ચાહકો સાથે શેર કરી એક ઝલક
કંગના તેની આગામી ફિલ્મ તેજસનું શૂટિંગ કરી રહી છે. આ ફિલ્મમાં કંગના ભારતીય વાયુ સેનાના અધિકારીની ભૂમિકા ભજવશે. ફિલ્મના સેટ પરથી અભિનેત્રીએ એક વીડિયો શેર કર્યો છે જેમાં તે સૈન્યની ટ્રેઈનીંગ લેતી જોવા મળી રહી છે.
બોલિવૂડ એક્ટ્રેસ કંગના રનૌત આજકાલ તેની ઘણી ફિલ્મ્સના કારણે ચર્ચામાં છે. આ વર્ષે તે ઘણી ફિલ્મોમાં નજરે પડનાર છે, જેમાંથી એક છે ‘તેજસ’. આ દિવસોમાં કંગના રનૌત તેની આગામી ફિલ્મ તેજસનું શૂટિંગ કરી રહી છે. આ ફિલ્મમાં કંગના ભારતીય વાયુ સેનાના અધિકારીની ભૂમિકા ભજવશે. ફિલ્મના સેટ પરથી અભિનેત્રીએ એક વીડિયો શેર કર્યો છે, જેમાં તે સૈન્યની ટ્રેઈનીંગ લેતી જોવા મળી રહી છે.
અભિનેત્રીએ તેમના ટ્વિટર અને ઇન્સ્ટાગ્રામ પર એક વીડિયો શેર કર્યો છે. આ વીડિયો શેર કરતી વખતે અભિનેત્રીએ ખુલાસો કર્યો છે કે, તે ‘તેજસ’ માટે આર્મીની ટ્રેનીંગ લઈ રહી છે. વીડિયોની સાથે અભિનેત્રીએ કેપ્શનમાં લખ્યું કે, ‘ઈર્ષાળુ કરચલા હંમેશા આપણને નીચે ખેંચવાનો પ્રયત્ન કરશે. પરંતુ આપણે ઉપર વધુ ઉપર ઉઠવું પડશે! # Tejas આર્મી તાલીમ પછી. તેજસનું દિગ્દર્શન Sarvesh Mewara કરી રહ્યા છે.
View this post on Instagram
થોડા દિવસો પહેલા અભિનેત્રીએ ફિલ્મમાં તેના યુનિફોર્મનો ફોટો શેર કર્યો હતો, જેના પર લખ્યું હતું ‘TEJAS GILL’. યુનિફોર્મનો ફોટો શેર કરતી વખતે કંગનાએ કેપ્શનમાં લખ્યું કે, ‘હું તેજસમાં એક શીખ સૈનિકની ભૂમિકા નિભાવી રહી છું.’
Playing a Sikh soldier in Tejas, I never knew until I read my character full name on my uniform today, had an instant smile on my face, our longings and love has a way of manifesting, universe speaks to us in more ways than we understand ❤️ pic.twitter.com/wkR9jQWbhL
— Kangana Ranaut (@KanganaTeam) February 27, 2021
તમને જણાવી દઈએ કે ‘તેજસ’ સિવાય કંગના ‘ધાકડ’ અને ‘થલાઈવી’માં પણ જોવા મળશે. તાજેતરમાં જ કંગનાએ થલાઈવીની રિલીઝ ડેટ જાહેર કરી છે. આ ફિલ્મ 23 એપ્રિલે થિયેટરોમાં રિલીઝ થશે. ફિલ્મમાં કંગના જયલલિતાની ભૂમિકા ભજવશે.
Latest News Updates
