‘તારક મહેતા કા ઉલ્ટા ચશ્મા’ માં આ ગુજરાતી અભિનેતાએ શોમાં 20 થી વધુ ભૂમિકાઓ ભજવી, જાણો કોણ છે

લોકપ્રિય ટીવી શો તારક મહેતા કા ઉલ્ટા ચશ્માની સફળતાનો શ્રેય માત્ર મુખ્ય કલાકારોને જાય છે. પરંતુ આ ટીવી શોમાં એવા પણ કેટલાક કલાકારો છે જેમણે નાના રોલમાં પણ ચાહકોના દિલ જીતી લીધા છે.જેમાં એક નામ અભિનેતા નિલેશ ભટ્ટનું આવે છે. નિલેશે આ શોમાં પોતાના અભિનયનો પરિચય આપી એક-બે નહી પરંતુ અનેક પાત્રથી ચાહકોનું મનોરંજન કર્યું છે. તેની એક્ટિંગથી તે ચાહકોમાં એક ફેમસ ચહેરો બની ગયો છે.

એક અભિનેતા અને 20 થી વધુ ભૂમિકાઓ

‘તારક મહેતા…’ માં નીલેશ ભટ્ટની સફર ખૂબ જ રસપ્રદ રહી છે. તેમણે અત્યાર સુધીમાં શોમાં 20 થી વધુ વિવિધ પાત્રો ભજવ્યા છે. ચાહકોએ તેમને દારૂ પીધેલા ડ્રાઇવર અથવા આત્મારામ તુકારામ ભીડેના સંબંધી તરીકે જોયા છે. તેમણે સુંદરલાલના મિત્ર, રાજુ ભાઈ (ખાઉ ગલી વાલે), એક કેદી અને ‘ઇન્સાન સિંહ’ સહિત અનેક રસપ્રદ ભૂમિકાઓ પણ ભજવી છે. “ખોટે ક્લાસીસ” ના એપિસોડથી લઈને ચંદુ ચિલ્લર, એક ચોર, હરિયાળી હોટેલના મેનેજર અને એક ગુંડા સુધી, નિલેશે દરેક પાત્રને સંપૂર્ણ રીતે રજૂ કર્યું છે.

‘બાબુ ચિપકે’એ તેમને ઘર-ઘરમાં નામ આપ્યું

નીલેશ ભટ્ટની કારકિર્દીનો સૌથી યાદગાર વળાંક ત્યારે આવ્યો જ્યારે તેમણે ‘બાબુ ચિપકે’ નામના સુથારની ભૂમિકા ભજવી. આ ભૂમિકાએ તેમને એટલી લોકપ્રિયતા અને ખ્યાતિ અપાવી કે લોકો તેમને તેમના વાસ્તવિક નામને બદલે ‘બાબુ ચિપકે’ કહેવા લાગ્યા. એક મુલાકાતમાં, તેમણે શેર કર્યું કે આ ભૂમિકા આટલી હિટ થયા પછી, શોના નિર્માતાઓએ તેમને વારંવાર આ જ ભૂમિકા માટે બોલાવવાનું શરૂ કર્યું. આ પાત્ર આજે પણ ચાહકોમાં ખૂબ જ લોકપ્રિય છે.

અભિનયની દુનિયામાં પ્રવેશતા પહેલા, નિલેશ ભટ્ટનું જીવન ખૂબ જ સંધર્ષભર્યું હતું. શરૂઆતમાં તેમણે પોતાનું ગુજરાન ચલાવવા માટે કપડાંની દુકાન ખોલી હતી. જોકે, અભિનય પ્રત્યેના તેમના જુસ્સાએ તેમને ગુજરાતી રંગભૂમિ તરફ ખેંચી લીધા. તેમણે માત્ર થિયેટરમાં જ અભિનય કર્યો નહીં પરંતુ બેકસ્ટેજ વર્કર તરીકે પણ સખત મહેનત કરી. “તારક મહેતા…” ના લેખક જીતેન્દ્ર પરમારે તેમને એક નાટકમાં ગેંગસ્ટર તરીકે કાસ્ટ કર્યા ત્યારે તેમનું નસીબ બદલાઈ ગયું. રસપ્રદ વાત એ છે કે, આ નાટકમાં શોના મુખ્ય અભિનેતા દિલીપ જોશીએ અભિનય કર્યો હતો. ત્યાંથી, તેમની પ્રતિભાને ઓળખ મળી, અને તેમના માટે ટેલિવિઝનના દરવાજા ખુલી ગયા.

તારક મહેતા કા ઉલ્ટા ચશ્મા એ એક ભારતીય હિન્દી સિરિયલ છે, જે 28 જુલાઈ 2008થી સબ ટીવી પર ટેલિકાસ્ટ થઈ રહી છે. અહી ક્લિક કરો