ગેંગસ્ટર લોરેન્સ બિશ્નોઈનો સાથી ટીનુ પોલીસ કસ્ટડીમાંથી ફરાર
ગેંગસ્ટર દીપક ટીનુને માનસા પોલીસ રિમાન્ડ પર લઈ જઈ રહ્યા હતા ત્યારે તે ફરાર થઈ ગયો હતો. મળતી માહિતી મુજબ સમગ્ર પંજાબને એલર્ટ કરી દેવામાં આવ્યું છે. માનસા પોલીસ ઉપરાંત પોલીસની અનેક ટીમો દરોડા પાડી રહી છે.
Lawrence Bishnoi Gang : ગેંગસ્ટર લોરેન્સ બિશ્નોઈ (Lawrence Bishnoi ) નો સાથી દીપક ટીનુ પોલીસ કસ્ટડીમાંથી ફરાર થઈ ગયો છે. માનસા પોલીસ ટીનુને કપૂરથલા જેલમાંથી રિમાન્ડ પર લાવી હતી. સાથે જ તે ત્યાંથી ફરાર થઈ ગયો છે. મુસેવાલા હત્યા કેસના પ્લાનિંગમાં છેલ્લો કોન્ફરન્સ કોલ 27 મેના રોજ લોરેન્સ અને ટીનુ વચ્ચે થયો હતો. આ પછી 29 મેના રોજ મુસેવાલાની હત્યા કરવામાં આવી હતી. મુશ્કેલીથી આ ગેંગસ્ટર પોલીસના હાથે ઝડપાયો હતો. હજુ સુધી પોલીસ તરફથી કોઈ સત્તાવાર નિવેદન બહાર આવ્યું નથી. ફરાર થયા બાદ અનેક સવાલો ઉઠી રહ્યા છે. કડક સુરક્ષા વચ્ચે ટીનુ આખરે કેવી રીતે ભાગી ગયો?
ખુંખાર ગેન્ગસ્ટર લોરેન્સ બિશ્નોઈનો સાથી દિપક ટીનુ પોલીસ કસ્ટડીમાંથી ફરાર થઈ ગયો છે. પંજાબ પોલીસની કેટલીક ટીમ તેની શોધમાં લાગી છે. દીપક ટીનુ સિદ્ધુ મુસેવાલ હત્યામાં આરોપી છે. મનસા પોલીસ રિમાન્ડમાં લઈ જઈ રહી હતી ત્યારે ફરાર થઈ ગયો છે. જાણકાર મુજબ સમગ્ર પંજાબમાં અલર્ટ જાહેર કરવામાં આવ્યું છે. માનસા પોલીસ સિવાય પોલીસની કેટલીક ટીમ રેડ કરી રહી છે. હાલ પોલીસ સત્તાવાર રીતે કંઈ પણ કહેવાનું ટાળી રહી છે.
તુફાન અને મની રય્યાની ધરપકડ થઈ
2 દિવસ પહેલા પંજાબ પોલિસની સ્પેશિયલ સેલે પંજાબી ગાયક સિદ્ધુ મુસેવાલાની હત્યામાં સામેલ એક ગેંગના મુખ્ય શૂટરની ધરપકડ કરી હતી. પોલીસના જણાવ્યા મુજબ આરોપીઓની ઓળખ બટાલા નિવાસી મનદીપ સિંહ ઉર્ફ તુફાન (24 ) અને અમૃતસર નિવાસી મનપ્રીત સિંહ ઉર્ફ મની રય્યા (30) તરીકે થઈ હતી. પંજાબ પોલીસ તેને હત્યા, લૂંટ, ખંડણી, ડ્રગ્સ અને હથિયારોની દાણચોરીના વિવિધ કેસોમાં શોધી રહી હતી.
મુસેવાલાની હત્યાનો બનાવી ચૂક્યા હતા પ્લાન
પોલીસ મહાનિદેશક ગૌરવ યાદવે જણાવ્યું કે, બંન્નેની અમૃતસરમાંથી ધરપકડ કરવામાં આવી હતી. યાદવે કહ્યું કે, જગ્ગુ ભગવાનપુરિયા-લૉરેન્સ બિશ્રનોઈ ગેંગનો મુખ્ય શુટર છે. સિદ્ધુ મુસેવાલા તરીકે જાણીતા શુભદીપ સિંહ સિદ્ધુની 29 મેના રોજ માનસા જિલ્લામાં ગોળી મારીને હત્યા કરવામાં આવી હતી.
સિદ્ધુ મુસેવાલા કેસમાં 1850 પાનાની ચાર્જશીટ
ગત્ત મહિને માનસા કોર્ટમાં દાખલ કરવામાં આવેલી 1,850 પાનાની ચાર્જશીટમાં, પોલીસે જણાવ્યું હતું કે, ગેંગસ્ટર ગોલ્ડી બ્રાર હત્યાકાંડનો મુખ્ય સૂત્રધાર હતો અને તેણે જગ્ગુ ભગવાનપુરિયા, લોરેન્સ બિશ્નોઈ અને અન્ય લોકો સાથે હત્યાને અંજામ આપવા માટે કામ કર્યું હતું. યાદવે કહ્યું કે, બાતમીના આધારે મનદીપ અને મનપ્રીતની ધરપકડ કરવામાં આવી છે.
Latest News Updates
