Friendship Movie Trailer: ક્રિકેટર હરભજનસિંહ બન્યા સ્ટાર, ટ્રેલરમાં જુઓ લુન્ગી ડાન્સ
ક્રિકેટ અને સિનેમામાં રોમાન્સ કોઈ નવી વાત નથી. રમતના મેદાનથી લઈને સિનેમા સ્ક્રીન સુધી ઘણા ક્રિકેટરોએ તેમની કુશળતા દર્શાવી છે. આ યાદીમાં ક્રિકેટર હરભજનસિંહનું નામ પણ જોડવામાં આવ્યું છે, જેની ફિલ્મ ફ્રેન્ડશીપનું ટ્રેલર સોમવારે રિલીઝ થયું હતું.
ક્રિકેટ અને સિનેમામાં રોમાન્સ કોઈ નવી વાત નથી. રમતના મેદાનથી લઈને સિનેમા સ્ક્રીન સુધી ઘણા ક્રિકેટરોએ તેમની કુશળતા દર્શાવી છે. આ યાદીમાં ક્રિકેટર હરભજનસિંહનું નામ પણ જોડવામાં આવ્યું છે, જેની ફિલ્મ ફ્રેન્ડશીપનું ટ્રેલર સોમવારે રિલીઝ થયું હતું. મૂળ તમિલમાં બનેલી આ ફિલ્મ તેલુગુ અને હિન્દીમાં પણ રજૂ કરવામાં આવશે. હરભજને સોશ્યલ મીડિયા પર ફિલ્મના ત્રણેય ટ્રેલર્સ શેર કર્યા છે. ફ્રેન્ડશીપ એક રોમેન્ટિક-સ્પોર્ટ્સ ફિલ્મ છે, જેમાં ભજ્જી એક ફિલ્મ હીરોની જેમ રોમાંસ, ડાન્સ, એક્શન અને કોમેડી કરતા જોવા મળશે. આ ફિલ્મનું દિગ્દર્શન જોન પોલ રાજ અને શામ સૂર્યાએ કર્યું છે. આ ફિલ્મમાં હરભજન જાણીતા કલાકારો અર્જુન, લોસલીયા અને સતિષ સાથે મુખ્ય પાત્રમાં જોવા મળશે. લીડ હીરો તરીકે હરભજનની આ ડેબ્યૂ છે. આ પહેલા તે કેટલીક ફિલ્મોમાં દેખાઈ ચૂક્યો હતા, પરંતુ તે સ્પેશિયલ અપીયરન્સ હતુ.
Sharp,Crisp,Intense #FriendShipMovieTeaser of my Movie is Here.Enjoy it,Guys!
Tamil –https://t.co/LSUImD7xUGTelugu-https://t.co/unECTwvJK5Hindi-https://t.co/BSzIWz05iG
@JPRJOHN1 @akarjunofficial @shamsuryastepup #Losliya @actorsathish @JSKfilmcorp @ImSaravanan_P
— Harbhajan Turbanator (@harbhajan_singh) March 1, 2021
હરભજન સિંહની ફિલ્મના ટ્રેલર પર તેને સાથી ક્રિકેટરોએ વધાવ્યો હતો. સુરેશ રૈના, વીવીએસ લક્ષ્મણે ટ્રેલર શેર કરીને ભજ્જીને પ્રોત્સાહન આપ્યું હતું. એવું કહેવામાં આવે છે કે આઈપીએલમાં ચેન્નઈ સુપર કિંગ્સ વતી રમી રહેલ હરભજનસિંહની લોકપ્રિયતા તમિલનાડુમાં ખૂબ વધી હતી, ત્યારબાદ આ ફિલ્મની મુખ્ય ભૂમિકા માટે તેની પસંદગી કરવામાં આવી હતી. ફ્રેન્ડશીપમાં હરભજન પંજાબની કોલેજના વિદ્યાર્થીની ભૂમિકામાં જોવા મળશે. હરભજન સાથે શ્રીલંકન ન્યૂઝ એન્કર લોસાલિયા સ્ત્રી લીડ તરીકે ડેબ્યુ કરી રહી છે. લોસાલિયાએ બિગ બોસ તામિલની સીઝન 3માં ભાગ લીધો હતો.
2004માં હરભજને પહેલીવાર અક્ષય કુમાર, સલમાન ખાન અને પ્રિયંકા ચોપરાની ફિલ્મ ‘મુઝસે શાદી કરોગી’માં સ્પેશિયલ અપીયરન્સ કર્યો હતો. 2013માં તે પંજાબી ફિલ્મ ભાજી ઈન પ્રોબ્લેમમાં જોવા મળ્યા હતો. આ પછી હરભજને 2015ની ફિલ્મ સેકન્ડ હેન્ડ હસબન્ડમાં સ્પેશિયલ અપીયરન્સ આપી હતી. ફ્રેન્ડશીપ સિવાય હરભજન પાસે કેટલાક અન્ય પ્રોજેક્ટ લાઈન અપ્સ છે. હરભજને બોલિવૂડ એક્ટ્રેસ ગીતા બસરા સાથે લગ્ન કર્યા છે. હરભજન આ ફિલ્મથી પોતાની નવી ઈનિંગની શરૂઆત કરી રહ્યો છે. બોલીવુડમાં ઘણી રમતોની ફિલ્મો આવવાની છે, જેમાં શાહિદ કપૂરની જર્સી શામેલ છે, જે આ વર્ષે દિવાળી પર રિલીઝ થવાની છે. તે જ સમયે અજય દેવગણની ફિલ્મ મેદાન 15 ઓક્ટોબરના રોજ દશેરા નિમિત્તે થિયેટરોમાં આવશે.
આ પણ વાંચો: સરોજિની નાયડુની 72મી પુણ્યતિથિ: શું તેમને અગાઉથી જ પોતાના મૃત્યુનો આવ્યો હતો અણસાર ?