બોલીવુડની આ એક્ટ્રેસે ઇન્સ્ટાગ્રામ પર બદલી દીધું નામ, સોશિયલ મીડિયામાં મચી ધમાલ

બોલીવુડની આ એક્ટ્રેસે ઇન્સ્ટાગ્રામ પર બદલી દીધું નામ, સોશિયલ મીડિયામાં મચી ધમાલ
Dia Mirza (File photo)

દિયા મિર્ઝા (Dia Mirza) છેલ્લે 'કોલ માય એજન્ટ બોલિવૂડ' નામની વેબ સીરિઝમાં જોવા મળી હતી જ્યાં એક્ટ્રેસ પોતાનું ફિક્શનલ વર્જન નિભાવતી જોવા મળી હતી.

TV9 GUJARATI

| Edited By: Charmi Katira

Jan 16, 2022 | 6:37 AM

બૉલીવુડ એક્ટ્રેસ દિયા મિર્ઝાની (Dia Mirza) ગણતરી દિગ્ગજ એક્ટ્રેસમાં થાય છે. છેલ્લા ઘણા સમયથી દિયા મિર્ઝા ફિલ્મોમાં નજરે નથી આવી. આમ દિયા  પણ કોઈને કોઈ કારણે ચર્ચામાં રહેતી હોય છે. દિયા મિર્ઝાનું ચર્ચામાં આવાનું કારણ હોય તો તે છે તેનું ઇન્સ્ટાગ્રામ એકાઉન્ટ. તમને વિચાર આવ્યો હશે કે ઇન્સ્ટાગ્રામ એકાઉન્ટને લઈને કેમ ચર્ચામાં આવે છે.

તો તમને જણાવી દઈએ કે દિયા મિર્ઝાએ તેના ઈન્સ્ટાગ્રામ એકાઉન્ટ પર પોતાનું નામ બદલી નાખ્યું છે. તેણે હાલમાં આ ફેરફાર કર્યો છે. દિયા મિર્ઝાએ ગયા વર્ષે 15 ફેબ્રુઆરીએ વૈભવ રેખી (Vaibhav Rekhi) સાથે લગ્ન કર્યા હતા અને આ નજીકના પરિવારના સભ્યો અને મિત્રોએ હાજરી આપી હતી.  દિયાએ ગર્ભાવસ્થાની જાહેરાત કરીને સોશિયલ મીડિયા પર હલચલ મચાવી દીધી હતી. અને મે મહિનામાં વૈભવ સાથે તેમના પુત્ર અયાનનું સ્વાગત કર્યું.

દિયા મિર્ઝાએ પોતાનું નામ બદલી નાખ્યું

ખરેખર, હાલમાં જ સમાચાર આવ્યા છે કે, દિયાએ તેના ઇન્સ્ટાગ્રામ એકાઉન્ટનું નામ બદલી નાખ્યું છે અને હવે તે દિયા મિર્ઝાથી દિયા મિર્ઝા રેખી થઈ ગઈ છે. તેણે પોતાના નામ સાથે તેના પતિ વૈભવ રેખીની અટક ઉમેરી છે. અને તેણે હવે આ નામને ઓફિશિયલ પણ કરી દીધું છે. જો તમે તેના ઇન્સ્ટાગ્રામ એકાઉન્ટ પર નજર નાખો, તો તમને આ ફેરફાર જોવા મળશે.

દિયા મિર્ઝાએ તેના લગ્નથી લાખો મહિલાઓ માટે કેટલાક કામ કર્યા છે.  દિયા હંમેશા દોષરહિત રહી છે, જે તમે તેની સોશિયલ મીડિયા પોસ્ટ્સ જોઈને પણ સમજી શકો છો.કોઈ પણ વાત હોય કે કોઈ સામાજિક મુદ્દા, તેણીએ તમામ પ્રકારના મુદ્દાઓ પર ખુલીને વાત કરી છે. જ્યારથી અયાને તેના જીવનમાં પ્રવેશ કર્યો ત્યારથી બોલીવુડ અભિનેત્રી અવારનવાર તેના પરિવારની તસ્વીરોને સોશિયલ મીડિયા પર શેર કરે છે અને તેના તમામ ઇન્સ્ટાગ્રામ પરિવારને ઉત્સાહિત રાખે છે.

હાલમાં જ એક વેબ સિરીઝમાં જોવા મળી હતી

તમારી જાણકારી માટે તમને જણાવી દઈએ કે આ પહેલા દિયા મિર્ઝાના લગ્ન સાહિલ સંઘા સાથે થયા હતા. બંને 11 વર્ષ સુધી એકબીજા સાથે હતા, પરંતુ બાદમાં વર્ષ 2019માં બંને અલગ થઈ ગયા. દિયા મિર્ઝાએ ઘણીવાર તેના પુત્રની ઝલક ફેન્સ સાથે શેર કરી છે. અત્યાર સુધી દિયાએ તેના પુત્રની તસ્વીર ચહેરાને ઢાંકીને અથવા થોડી ઢાંકીને જ શેર કરી હતી. જો કે, આ મહિનાની શરૂઆતમાં અભિનેત્રીએ એક વિડિયોમાં તેની પ્રથમ સંપૂર્ણ ઝલક આપી હતી જેમાં તે રમકડા સાથે રમતો જોવા મળે છે.

દિયા મિર્ઝાના વર્કફ્રન્ટની વાત કરવામાં આવે તો દિયા મિર્ઝા છેલ્લી વખત ‘કોલ માય એજન્ટ બોલિવૂડ’ નામની વેબ સિરીઝમાં જોવા મળી હતી. એક્ટ્રેસ પોતાનું ફિક્શનલ વર્જન નિભાવતી જોવા મળી હતી.

આ પણ વાંચો : Assembly Election 2022: ચૂંટણી પંચે રેલીઓ પર પ્રતિબંધ લંબાવ્યો, 22 જાન્યુઆરી સુધી ચૂંટણી જાહેર સભા યોજી શકાશે નહીં

આ પણ વાંચો : Samantha Weight Lifting : 80 કિલો વજન ઉઠાવીને સામંથાએ પોતાના માટે સેટ કર્યો નવો રેકોર્ડ

Follow us on

Related Stories

Most Read Stories

Click on your DTH Provider to Add TV9 Gujarati