Gehraiyaan Celebs Reaction: દીપિકાની ‘ગહેરાઈયાં’ ફિલ્મે બોલિવૂડ સેલેબ્સને બનાવ્યા દિવાના, સેલેબ્સે આ રીતે આપી પ્રતિક્રિયા
બોલિવૂડ સેલેબ્સ પણ 'ગહેરાઈયાં' પર પોતાની પ્રતિક્રિયા આપી રહ્યા છે. ઘણા સેલેબ્સનું માનવુ છે કે આ ફિલ્મ બોલિવૂડને એક નવો રસ્તો બતાવશે.
Gehraiyaan Celebs Reaction: દીપિકા પાદુકોણની (Deepika Padukone) મોસ્ટ અવેટેડ ફિલ્મ ‘ગહેરાઈયાં’ (Gehraiyaan) રિલીઝ થઈ ગઈ છે. તમને જણાવી દઈએ કે દીપિકાની આ ફિલ્મને લઈને દર્શકો ખૂબ જ ઉત્સાહિત હતા. એમેઝોન પ્રાઈમ પર આ ફિલ્મનું સ્ટ્રીમિંગ થયું ત્યારથી ચારે બાજુથી આ ફિલ્મની પ્રતિક્રિયાઓ આવી રહી છે. ફિલ્મ સમીક્ષકો તરફથી પણ ફિલ્મને ઘણો પ્રેમ મળી રહ્યો છે. આ ફિલ્મને આજની પેઢીની ફિલ્મ કહેવામાં આવી રહી છે.
આ ફિલ્મ બોલિવૂડને નવો રસ્તો બતાવશે
દીપિકા અને સિદ્ધાંત ચતુર્વેદીના ઈન્ટીમેટ સીન્સની પણ ઘણી ચર્ચા થઈ રહી છે. તેમજ ચાહકો પણ આ ફિલ્મને લઈને ખૂબ જ ઉત્સાહિત જોવા મળી રહ્યા છે. ઘણા બોલિવૂડ સેલેબ્સ પણ આ ફિલ્મ પર તેમની પ્રતિક્રિયા (Celebs Reaction) આપી રહ્યા છે. કેટલાક સેલેબ્સનું માનવુ છે કે આ ફિલ્મ બોલિવૂડને નવો રસ્તો બતાવશે. ઉલ્લેખનીય છે કે, આ ફિલ્મ આજની મહત્વની ફિલ્મોમાંની એક માનવામાં આવી રહી છે.
રણવીર સિંહના રિએક્શનની સૌથી વધુ થઈ રહી છે ચર્ચા
View this post on Instagram
સૌથી લોકપ્રિય પ્રતિક્રિયા રણવીર સિંહની છે. તેણે દીપિકાની ફિલ્મની ખૂબ જ ખાસ રીતે પ્રશંસા કરી. તેણે દીપિકાને કિસ કરતી તસવીર શેર કરી છે. આ તસવીર હાલ સોશિયલ મીડિયા પર ખૂબ જ વાયરલ થઈ રહી છે. આ તસવીરના કેપ્શનમાં રણવીરે દીપિકાની ફિલ્મના સોંગ ‘દુબે’નો ઉલ્લેખ કરતા કહ્યું છે કે બંને એકબીજાના પ્રેમમાં ડૂબી ગયા છે.
હર્ષવર્ધને અનન્યાની એક્ટિંગને એફર્ટલેસ ગણાવી
સેલેબ્સની પ્રતિક્રિયાઓ
અભિનેતા હર્ષવર્ધન કપૂરે ઈન્સ્ટાગ્રામ સ્ટોરી પર અનન્યાની તસવીર શેર કરી અને લખ્યુ કે અનન્યા, તને સ્ક્રીન પર આટલી એફર્ટલેસ જોઈને ખૂબ જ આનંદ થયો. તેના પર પ્રતિક્રિયા આપતા અનન્યા પાંડેએ લખ્યું કે હર્ષ, મને જાણીને ખૂબ જ આનંદ થયો કે તને આવુ લાગ્યું.
સનાયા મલ્હોત્રા અને સુહાના ખાને પણ પ્રશંશા કરી
સનાયા મલ્હોત્રાએ પણ તેની ઈન્સ્ટાગ્રામ સ્ટોરી પર આ ફિલ્મની પ્રશંસા કરી છે અને લખ્યુંછે કે ‘ગહેરાઈયાં’ હું આ ફિલ્મની દરેક ફ્રેમમાં પ્રેમ અનુભવી રહી છું. કેટલી સુંદર ફિલ્મ છે. દીપિકા પાદુકોણ એલિસાના પાત્રમાં એફર્ટલેસ લાગી રહી છે. તમને જણાવી દઈએ કે, શાહરૂખ ખાનની પુત્રી જે અનન્યા પાંડેની ખૂબ સારી મિત્ર છે.તેણે પણ અનન્યાના કામની પ્રશંશા કરી છે.
આ પણ વાંચો : Bollywood: દીપિકા સાથે સિદ્ધાંતનો કિસિંગ સીન જોઈ અંકલે કર્યો પિતાને ફોન, જાણો કારણ
Latest News Updates
