લિજેન્ડ મેજર ધ્યાનચંદનું પાત્ર ભજવશે આ અભિનેતા? આ ફેમશ ડિરેક્ટર Dhyan Chand Biopic ને આપશે ન્યાય?

2020 માં હોકીના મહાનાયક ધ્યાનચંદના જીવન પર આધારિત ફિલ્મ બનાવવાના સમાચાર આવ્યા હતા. મીડિયા રિપોર્ટ્સ અનુસાર, આ ફિલ્મ માટે મુખ્ય રોલ માટે ઈશાન ખટ્ટરની પસંદગી કરવામાં આવી છે.

લિજેન્ડ મેજર ધ્યાનચંદનું પાત્ર ભજવશે આ અભિનેતા? આ ફેમશ ડિરેક્ટર Dhyan Chand Biopic ને આપશે ન્યાય?
will Ishaan Khatter will play the lead role in the biopic of hockey legend Major Dhyan Chand?

બોલિવૂડ (Bollywood) સ્ટાર ઈશાન ખટ્ટરે (Ishaan khatter) ટૂંકા ગાળામાં ફિલ્મ જગતમાં ખાસ ઓળખ બનાવી છે. ઈશાન પોતાના અભૂતપૂર્વ અભિનયથી દરેકને દિવાના બનાવે છે. આજે મોટા ફિલ્મ નિર્માતાઓ ઈશાનને પોતાની ફિલ્મોમાં લેવા માંગે છે. હવે તાજેતરમાં જ સમાચાર આવ્યા છે કે ઈશાન ખટ્ટરને હાથમાં મોટો પ્રોજેક્ટ મળ્યો છે.

ખાનગી સમાચાર વેબસાઈટના સમાચારો અનુસાર, ઇશાન હોકીના દિગ્ગજ ધ્યાનચંદના જીવન (Major Dhyan Chand) પર આધારિત ફિલ્મમાં જોવા મળશે. ખાસ વાત એ છે કે અભિષેક ચૌબે (Abhishek Chaubey) આ બાયોપિકનું નિર્દેશન કરવા જઈ રહ્યા છે. જો આ સમાચાર ખરેખર સાચા હોય તો આ ફિલ્મ ઈશાનની કારકિર્દીની શ્રેષ્ઠ ફિલ્મ બની શકે છે. તમને જણાવી દઈએ કે અભિષેકે પણ ખુબ સારી ફિલ્મો ડિરેક્ટ કરેલી છે.

ઈશાન બનશે ધ્યાનચંદ્ર

અહેવાલ અનુસાર, ઈશાન મેજર ધ્યાનચંદની બાયોપિકમાં (Major Dhyan Chand Biopic) કામ કરવા માટે તૈયાર છે. ધડક અને ખલી-પીલી જેવી ફિલ્મોમાં ચમકેલો ઈશાન આ ફિલ્મમાં પોતાના અભિનયથી જીવ રેડવાનો પ્રયત્ન કરશે. રિપોર્ટમાં જણાવવામાં આવ્યું છે કે અભિષેક ચૌબેની આગામી બાયોપિકમાં 25 વર્ષીય અભિનેતા ઈશાન ખટ્ટરને મેજર ધ્યાનચંદની ભૂમિકા ભજવવા માટે પસંદ કરવામાં આવ્યો છે.

અભિષેક ચૌબે કરશે ડિરેક્ટ

ડિસેમ્બર 2020 માં રોની સ્ક્રુવાલા પ્રોડક્શન્સના બેનર હેઠળ આ ફિલ્મની જાહેરાત કરવામાં આવી હતી. ફિલ્મની જાહેરાત સાથે, એવું કહેવામાં આવ્યું કે 1500+ ગોલ, 3 ઓલિમ્પિક ગોલ્ડ મેડલ અને ભારતના ગૌરવની વાર્તા. ભારતના હોકી જાદુગર મેજર ધ્યાનચંદ પર બાયોપિક અભિષેક ચૌબે બનાવે છે, તેની ખુશી છે.

હવે ઈશાન ધ્યાનચંદ બનવાના સમાચાર સામે આવ્યા છે, આથી અભિનેતાના ફેન્સ આ બાબતે ખૂબ ખુશ છે. ફેન્સ ઇશાનને આ નવા પ્રોજેક્ટ માટે હવેથી અભિનંદન આપવાનું શરૂ કર્યું છે. જોકે મેકર્સ તરફથી હજુ સુધી કોઈ સત્તાવાર પુષ્ટિ મળી નથી કે ઈશાન ધ્યાનચંદ બનશે કે નહીં.

સાથે જ એવું પણ કહેવામાં આવી રહ્યું છે કે મેજર ધ્યાનચંદની ભૂમિકા નિભાવવા માટે ઈશાન ખટ્ટર મેકર્સની પહેલી પસંદ છે. ધ્યાનચંદને હોકીના સૌથી મોટા અને દિગ્ગજ ખેલાડી માનવામાં આવે છે, જેમણે પોતાની કારકિર્દી દરમિયાન 1500 થી વધુ ગોલ કર્યા. તેમને 3 ઓલિમ્પિક ગોલ્ડ મળ્યા હતા. ઈશાન ખટ્ટરની વાત કરીએ તો તે Pippa માં જોવા મળશે. આ ફિલ્મમાં તેની સાથે મૃણાલ ઠાકુર અને પ્રિયાંશુ પૈન્યુલી પણ જોવા મળશે.

 

આ પણ વાંચો: Bigg Boss Ott Photos: ફેશન અને સ્ટાઈલમાં શમિતા શેટ્ટીને પણ પાછળ છોડી રહી છે આ ભોજપુરી અભિનેત્રી

આ પણ વાંચો: સુહાના ખાને ફરી એક વાર શેયર કર્યો પોતાનો બોલ્ડ અવતાર, તસવીરો સોશિયલ મીડિયામાં વાયરલ

Read Full Article

Click on your DTH Provider to Add TV9 Gujarati