વિવાહ ફેમ એક્ટ્રેસ Amrita Raoએ કર્યો ખુલાસો, માત્ર 1.5 લાખમાં કર્યા લગ્ન, પહેરી 3 હજારની સાડી
Amrita Rao Wedding Anniversary: વિવાહ અને મૈં હું ના જેવી ફિલ્મોમાં દેખાઈ ચૂકેલી એક્ટ્રેસ અમૃતા રાવે (Amrita Rao) ખુલાસો કર્યો છે કે તેણે પોતે લગ્ન ખૂબ જ સિમ્પલ રીતે કર્યા હતા અને આ સમય દરમિયાન તેણે વધારે ખર્ચ કર્યો નથી. એક્ટ્રેસે આરજે અનમોલ સાથે લગ્ન કર્યા હતા.
Amrita Rao Sharing Wedding Memories: બોલિવુડ એક્ટ્રેસ અમૃતા રાવે (Amrita Rao) પોતાના કરિયરમાં ભલે ઓછી ફિલ્મોમાં કામ કર્યું હોય, પરંતુ એક્ટ્રેસની પોપ્યુલારિટી ઘણી વધારે છે. અમૃતા રાવે શાહિદ કપૂર સાથે ફિલ્મ વિવાહમાં કામ કર્યું હતું. જ્યારે આ ફિલ્મ રિલીઝ થઈ ત્યારે તે દરેક ઘરની ફેવરિટ બની ગઈ હતી. ફિલ્મમાં બંનેની એક્ટિંગની ખૂબ પ્રશંસા કરવામાં આવી હતી. પરંતુ જ્યારે વિવાહ ફિલ્મની એક્ટ્રેસે લગ્ન કર્યા ત્યારે તેણે તેને ખૂબ સિમ્પલ રીતે કર્યા હતા. એટલા સિમ્પલ રીતે લગ્ન કર્યા હતા કે તેણે પહેરેલી સાડીની કિંમત માત્ર 3,000 હતી.
લગ્નમાં 2 લાખ રૂપિયાથી પણ ઓછો ખર્ચ કર્યો
હાલમાં જ અમૃતા રાવ અને આરજે અનમોલે લગ્નના 9 વર્ષનું સેલિબ્રેશન ખાસ રીતે કર્યું હતું. આ દરમિયાન એક્ટ્રેસે વ્લોગ દ્વારા મુંબઈથી પુણે સુધીની જર્ની શેર કરી અને તેના વેડિંગ વેન્યૂ પર પહોંચી. તેણે જણાવ્યું કે 9 વર્ષ પહેલા બંનેએ ઈસ્કોન મંદિરમાં સીક્રેટ વેડિંગ કર્યા હતા. આખા લગ્ન માટે તેમનું બજેટ 1.5 લાખ હતું. આના કરતા વધુ બજેટ કોઈપણ સામાન્ય માણસના લગ્નમાં ખર્ચવામાં આવે છે. પરંતુ બોલિવુડ ઈન્ડસ્ટ્રીના આ વેલનોન કપલે તેમના લગ્નમાં 2 લાખ રૂપિયાથી પણ ઓછો ખર્ચ કર્યો હતો.
આ દોઢ લાખ રૂપિયામાં બંનેના આઉટફિટ પણ આવી ગયા હતા, સ્થળ પણ બુક થઈ ગયું હતું અને તમામ વ્યવસ્થા પણ થઈ ગઈ હતી. અમૃતાએ કહ્યું કે તે આ સમય દરમિયાન કોઈપણ પ્રકારના ડિઝાઈનર કપડા પહેરવા માંગતી નથી. તેથી જ તેણે રૂ.3000ની સામાન્ય સાડી પહેરી હતી. આ સિવાય અનમોલે લગ્નના દિવસે જે કપડાં પહેર્યા હતા તેની કિંમત પણ એટલી જ હતી. લગ્ન સ્થળની વાત કરીએ તો લગ્ન સ્થળ માત્ર 11,000 રૂપિયામાં બુક કરવામાં આવ્યું હતું. સાંભળવામાં એવું લાગે છે કે આ લગ્ન 50-60 વર્ષ પહેલા થયા હતા, પરંતુ લગ્નના 10 વર્ષ પણ થયા નથી.
આ પણ વાંચો : Dadasaheb Phalke Award: આ કેટેગરીમાં સ્ટાર્સને આપવામાં આવશે એવોર્ડ, OTT પ્લેટફોર્મ પણ સામેલ
બે દાયકાથી કર્યું છે ફિલ્મોમાં કામ
અમૃતા રાવની વાત કરીએ તો એક્ટ્રેસને ઈન્ડસ્ટ્રીમાં આવ્યાને 20 વર્ષથી વધુ સમય થઈ ગયો છે. અમૃતાએ પોતાના કરિયરની શરૂઆત વર્ષ 2002માં ફિલ્મ અબ કી બરસથી કરી હતી. આ પછી અમૃતાએ ધ લિજેન્ડ ઓફ ભગત સિંહ, ઈશ્ક વિશ્ક, મસ્તી, પ્યારે મોહન, મેં હૂં ના, વિવાહ, જોલી એલએલબી, સત્યાગ્રહ અને ઠાકરે જેવી ફિલ્મોમાં કામ કર્યું. એક્ટ્રેસ હવે ભાગ્યે જ ફિલ્મોમાં જોવા મળે છે અને તે પોતાની પર્સનલ લાઈફ એન્જોય કરી રહી છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
