Liger Trailer Launch: લાઈગરના ટ્રેલર લોન્ચ વખતે વિજય દેવરકોંડાએ કેમ પહેર્યા 199 રૂપિયાના ચપ્પલ? જાણો તેનું કારણ

Vijay Deverakonda Wore Chappals On Trailer Launch: સાઉથના સુપરસ્ટાર તેમની સાદગી માટે જાણીતા છે. પછી તે પ્રભાસ હોય, રજનીકાંત હોય કે વિજય દેવેરકોંડા (Vijay Deverakonda) હોય. બોલિવૂડની ઝગમગાટથી દૂર, સાઉથના સ્ટાર્સ માત્ર સિલ્વર સ્ક્રીન પર ચમકે છે. વાસ્તવિક જીવનમાં તે ચમક દમકથી દૂર સાદું જીવન જીવવાનું પસંદ કરે છે. હવે સાઉથ સ્ટાર વિજય દેવેરકોંડા તેનું હાલનું ઉદાહરણ છે, જેની ચર્ચા દરેક જગ્યાએ થઈ રહી છે. સાઉથના સુપરસ્ટાર વિજય દેવેરકોંડા તેની ફિલ્મ લાઈગરના ટ્રેલર લોન્ચ (Liger trailer launch) વખતે ચપ્પલ પહેરીને જોવા મળ્યો હતો. વિજયની આ સિમ્પલ સ્ટાઇલના ફેન્સે પણ વખાણ કર્યા, હવે એક્ટરની પ્રતિક્રિયા સામે આવી છે. હવે એક નિવેદન સામે આવ્યું છે કે તે લાઈગરના ટ્રેલર લોન્ચ ઇવેન્ટમાં ચપ્પલ પહેરીને શા માટે દેખાયો હતો.

તેની સ્ટાઈલિસ્ટ હરમન કૌરે ઈવેન્ટમાં શા માટે 199 રૂપિયાના ચપ્પલ પહેર્યા હતા તે શેર કર્યું છે. મુંબઈમાં લાઈગરના ટ્રેલરને પ્રમોટ કરતા પહેલા વિજય ટ્રેલર લોન્ચ માટે અનન્યા પાંડે સાથે હૈદરાબાદમાં હતો. મુંબઈ ઈવેન્ટમાં એક્ટર રણવીર સિંહે વિજયના લુક પર કોમેન્ટ કરી હતી. તેણે કહ્યું, “ભાઈ કા સ્ટાઈલ દેખો, ઐસા લગતા હૈ, યે આયે હૈં મેરે ટ્રેલર લોન્ચ પર આયા હૈં યા મેં ઉનકે ટ્રેલર લોન્ચ પર આયા હું. હું તેના ટ્રેલર લોન્ચ પર આવ્યો છું. તેના લુકની તુલના અભિનેતા જ્હોન અબ્રાહમ સાથે કરવામાં આવી છે, જેને ઈવેન્ટ્સમાં પણ ચપ્પલમાં જોવા મળે છે.

વિજય દેવરકોંડાના લાઈગરના પ્રમોશન વિશે વાત કરતા હરમને કહ્યું કે ઘણી બ્રાન્ડ્સ અને ડિઝાઈનરો વિજયને તૈયાર કરવા માટે સતત તેમના સંપર્કમાં હતા. હરમને પિંકવિલાને કહ્યું, “હું આ લુકને ફુલ ઓન સ્ટાઇલિશ બનાવવા માટે તૈયાર હતી, જ્યાં સુધી વિજયનો ફોન આવ્યો ન હતો ત્યાં સુધી. તેને આગળ કહ્યું કે તે પોતાના લુકને ફિલ્મના કેરેક્ટરની નજીક રાખે છે અને ડ્રેસિંગ સિમ્પલ રાખે છે. તેઓએ મારી પાસેથી ખાસ ચપ્પલની માંગણી કરી. હું શરૂઆતમાં થોડી ખચકાટ અનુભવતી હતી. પરંતુ હું હંમેશા વિજયના ડ્રેસિંગ આઈડિયામાં વિશ્વાસ રાખું છું. હું જાણું છું કે તે ટોક ઓફ ધ નેશન બની જશે.

આ પણ વાંચો

રણવીર સિંહે કર્યો હતો ટ્રોલ

ફિલ્મના ટ્રેલર લોન્ચ પર રણવીર સિંહ પણ પહોંચ્યો હતો અને આ દરમિયાન તેણે વિજય દેવેરકોંડાને તેના ચપ્પલ માટે ટ્રોલ પણ કર્યા હતા. રણવીરે આ ઈવેન્ટમાં પોતાના ડાન્સ અને સ્ટાઈલથી ઘણો રંગ ઉમેર્યો, જ્યારે તેની નજર વિજયના ચપ્પલ પર ગઈ, તેણે મજાકમાં વખાણ કરવાનું શરૂ કર્યું. રણવીરે કહ્યું, ‘ભાઈની સ્ટાઈલ જુઓ, એવું લાગે છે કે તે મારા ટ્રેલર લોન્ચમાં આવ્યો છે અથવા હું તેના ટ્રેલર લોન્ચિંગમાં આવ્યો છું.’

દેવરકોંડાએ પહેરેલા ચપ્પલની કિંમત કેટલી?

વિજય દેવરકોંડાએ મારી પાસે ખાસ ચપ્પલ માંગી હતી. શરૂઆતમાં હું થોડી નર્વસ હતી પરંતુ મેં હંમેશા વિજયના ડ્રેસિંગના આઈડિયા પર વિશ્વાસ કર્યો છે. કારણ કે અંતે તેઓ તેને એવો લુક કરશે કે આખો દેશ તેના વિશે વાત કરશે. વિજયે 199 રૂપિયાના ચપ્પલ પહેર્યા હતા. હું નર્વસ હતી કે આ ઘટના આટલા મોટા પાયા પર બની રહી છે અને એ પણ ખાસ કરીને મુંબઈમાં હતી. માત્ર 199 રૂપિયાના ચપ્પલ પહેરીને ચાલવું એ વિજયની બહાદુરી છે. મને ખુશી છે કે વિજયને ઘણો પ્રેમ મળી રહ્યો છે.