Vicky and Katrina Wedding : આજે લગ્નના બંધનમાં બંધાશે વિકી અને કેટરિના, જાણો કેવી રીતે થશે મંડપમાં વિક-કેટની ગ્રાન્ડ એન્ટ્રી?
વિકી કૌશલ અને કેટરીના કૈફ આજે લગ્નના બંધનમાં બંધાશે. બંનેને એકસાથે જોવા માટે ફેન્સ આતુર છે. આવો જાણીએ આ શાહી લગ્ન વિશે.
Vicky and Katrina Kaif wedding : વિકી અને કેટરિના (Vicky and Katrina)ના લગ્નની ઉજવણી પૂરજોશમાં ચાલી રહી છે અને બોલિવૂડના ઘણા સ્ટાર્સે આ કપલને તેમના જીવનની શુભકામનાઓ પાઠવી છે. એક અહેવાલ મુજબ, સિક્સ સેન્સ ફોર્ટ બરવારા (Six Sense Fort Barwara)રિસોર્ટની અંદર સુંદર મંડપ બનાવવામાં આવ્યો છે. આ સ્થળે લગ્નની તમામ વિધિઓ થશે. સૂત્રોના જણાવ્યા અનુસાર, રિસોર્ટની અંદર ઘોડા ગાડી અને પરંપરાગત ડોળી પણ રાખવામાં આવી છે.
વિકીની એન્ટ્રી ઘોડા ગાડીમાં થશે
વિકી ઘોડાની ગાડીમાં રાજાની જેમ લગ્નના મંડપમાં આવશે. તે જ સમયે કેટરીના પણ લગ્નના મંડપ સુધી ડોલીમાં આવશે. વિકી અને કેટરીના (Vicky and Katrina)એ બુધવારે બપોરે હલ્દી સેરેમની કરી હતી. આ સમારોહમાં 20 થી 25 મહેમાનો હાજર રહ્યા હતા. સાંજે સંગીત સમારોહ યોજાયો હતો. આ સમારોહમાં 80 થી 100 મહેમાનોએ હાજરી આપી હતી. રિપોર્ટ અનુસાર, કપલે તેમની મહેંદી સેરેમનીમાં મરૂન કલરનો મેચિંગ આઉટફિટ પહેર્યા હતા. વિકીએ મેહરૂન કલરની શેરવાની પહેરી હતી, જ્યારે કેટરીના મેહરૂન કલરના લહેંગામાં જોવા મળી હતી.
વિકી કેટરીના મુંબઈમાં ભવ્ય રિસેપ્શન આપશે
આ કપલ રાજસ્થાનના સવાઈ માધોપુર જિલ્લામાં સ્થિત સિક્સ સેન્સ ફોર્ટ બરવારામાં લગ્ન કરવા જઈ રહ્યું છે. તેને હેરિટેજ લુકમાં સજાવવામાં આવ્યું છે. મીડિયા રિપોર્ટ્સ અનુસાર, વિકી અને કેટરિના લગ્ન બાદ રાજસ્થાનથી સીધા મુંબઈ જવા રવાના થશે અને ફિલ્મ ઈન્ડસ્ટ્રીના તમામ મિત્રોને ગ્રાન્ડ રિસેપ્શન પાર્ટી આપશે. આ પછી તેઓ હનીમૂન પર માલદીવ જઈ શકે છે.
વિકી અને કેટરીનાએ હંમેશા પોતાના સંબંધોને ગુપ્ત રાખ્યા છે. લગ્નમાં ફોન યુઝ પોલિસી લાગુ કરવામાં આવી છે. આ અંતર્ગત કોઈપણ ગેસ્ટ ફોનમાં લગ્નના સ્થળો અને ધાર્મિક વિધિઓના ફોટા અને વીડિયો કેપ્ચર કરી શકશે નહીં. આ સાથે સોશિયલ મીડિયા પર કોઈ ફોટો કે વીડિયો શેર કરી શકાશે નહીં. વિકી અને કેટરિનાના આ રોયલ વેડિંગમાં કબીર ખાન, નેહા ધૂપિયા, અંગદ બેદી, મિની માથુર સહિત ઘણા સેલેબ્સ સામેલ થયા છે.
