Boycott Bollywood ની ઝપેટમાં આવતા પહેલા આ 5 મોટી ફિલ્મો બંધ થઈ

Boycott Bollywood : હિન્દી ફિલ્મ ઈન્ડસ્ટ્રી (Film industry)એ તેના 100 વર્ષ પૂર્ણ કર્યા છે. પરંતુ આટલા લાંબા ગાળામાં એવો કોઈ તબક્કો ક્યારેય આવ્યો નથી કે જ્યારે આવા વિરોધ અને બહિષ્કારનો સામનો કરવો પડ્યો હોય, જે આજકાલ થઈ રહ્યો છે. છેલ્લા કેટલાક સમયથી સોશિયલ મીડિયા પર શરૂ થયેલ છે. ઘણી મોટી ફિલ્મો આ અભિયાનનો શિકાર બની છે. છેલ્લા કેટલાક દિવસોમાં આમિર ખાન (Aamir Khan)ની ફિલ્મ ‘લાલ સિંહ ચઢ્ઢા‘ અને અક્ષય કુમારની ‘રક્ષા બંધન’થી ઘણી આશાઓ હતી, પરંતુ આ ફિલ્મો પણ Boycottનો શિકાર બની હતી. #BoycottBollywood ઝુંબેશને કારણે બોલિવૂડને અબજો રૂપિયાનું નુકસાન થયું છે. એકલા ‘લાલ સિંહ ચઢ્ઢા’ અને ‘રક્ષા બંધન’ સહિત, લગભગ 150 કરોડ રૂપિયાનું નુકસાન થયું છે.

અગાઉ તમામ ફિલ્મોના બજેટ અને કલેક્શન પર નજર કરીએ તો આ વર્ષે જ બોલિવૂડને 1500 થી 2000 કરોડનું નુકસાન થયું છે.આ વર્ષે એવી આશા હતી કે, ઘણી મેગા બજેટ ફિલ્મો રિલીઝ થયા બાદ બોક્સ ઓફિસની હાલત સુધરશે, પરંતુ જે રીતે બોલિવૂડથી નારાજ લોકોએ હિન્દી ફિલ્મોનો બહિષ્કાર કર્યો છે, ઘણા ફિલ્મમેકર્સ હવે તેમની આગામી ફિલ્મોને હોલ્ડ પર મૂકી રહ્યા છે. આટલું જ નહીં કેટલાક મેકર્સે પોતાની ફિલ્મોને કાયમ માટે હોલ્ડ પર મૂકી દીધી છે.

1.અમર અશ્વત્થામા

વર્ષ 2019માં વિકી કૌશલ સાથે ‘ઉરી ધ સર્જિકલ સ્ટ્રાઈક’ જેવી સુપર ડુપર હિટ ફિલ્મ બનાવનાર નિર્દેશક આદિત્ય ધરે મહાભારતના મહત્વપૂર્ણ પાત્ર અશ્વત્થામા પર ફિલ્મ બનાવવાની જાહેરાત કરી હતી. આ ફિલ્મમાં વિકી કૌશલ સાથે સારા અલી ખાનને કાસ્ટ કરવામાં આવી હતી. રોની સ્ક્રુવાલા ફિલ્મ પ્રોડ્યુસ કરવાના હતા. આ ફિલ્મ માટે સંભવિત લોકેશનની શોધ કરવામાં આવી હતી. VFX પર કામ કરવામાં આવ્યું હતું. પરંતુ છેલ્લી ક્ષણે કોરોના અને પછી બોલિવૂડ બહિષ્કાર અભિયાનને જોતા નિર્માતાઓએ તેમના હાથ ખેંચી લીધા. જો આ ફિલ્મ બની હોત તો વિકી કૌશલના કરિયરની સૌથી મોંઘી ફિલ્મ બની હોત. આ ફિલ્મનું સંભવિત બજેટ 300 થી 400 કરોડ હોવાનું કહેવાય છે.

2.ઇન્શા-અલ્લાહ

અંદાજે ચાર વર્ષ પહેલા વર્ષ 2018માં સંજય લીલા ભણસાલીએ સલમાન ખાન સાથે ફિલ્મ ઈન્શાલ્લાહ બનાવવાની જાહેરાત કરી હતી. આ ફિલ્મમાં સલમાન ખાન સાથે આલિયા ભટ્ટને કાસ્ટ કરવામાં આવી હતી. ફિલ્મનું શૂટિંગ પણ શરૂ થઈ ગયું હતું. રિલીઝ ડેટ પણ ફાઈનલ થઈ ગઈ હતી. ફિલ્મ ઇન્શાઅલ્લાહ વર્ષ 2020 ની ઇદ પર રિલીઝ થવાની હતી, પરંતુ અમુક કારણોસર શૂટિંગ આગળ વધે તે પહેલાં સલમાને પ્રોજેક્ટ છોડી દીધો હતો. આ પછી ટ્વિટર ભણસાલી પ્રોડક્શને ફિલ્મ બંધ કરવાની જાહેરાત કરી હતી. આ ફિલ્મ માટે સલમાન અને સંજય 13 વર્ષ પછી ફરી એક થયા હતા. આ પહેલા બંનેએ ‘ખામોશીઃ ધ મ્યુઝિકલ’ (1996), ‘હમ દિલ દે ચૂકે સનમ’ (1999) અને ‘સાવરિયા’ (2007)માં સાથે કામ કર્યું હતું.

3. મોગુલ

બોક્સ ઓફિસ પર ફિલ્મ ‘લાલ સિંહ ચઢ્ઢા’માર ખાય બાદ સૌથી વધુ અસર આ ફિલ્મના મુખ્ય અભિનેતા આમિર ખાન પર પડી છે. ફિલ્મ ‘લાલ સિંહ ચઢ્ઢા’ પછી, તે કંપનીના સંસ્થાપક ગુલશન કુમારની ટી-સીરીઝની બાયોપિક ‘મોગુલ’માં કામ કરવાનો હતો. આ ફિલ્મની જાહેરાત ખુદ ગુલશન કુમારના પુત્ર ભૂષણ કુમારે કરી હતી. પહેલા તે આ ફિલ્મમાં અક્ષય કુમારને કાસ્ટ કરવા માંગતો હતો.બાદમાં જ્યારે તેણે આમિર ખાન સાથે વાત કરી તો તેણે આ રોલ માટે સંમતિ આપી. પરંતુ તે સમયે તે ‘લાલ સિંહ ચઢ્ઢા’માં વ્યસ્ત હતો, તેથી નક્કી કરવામાં આવ્યું હતું કે આ ફિલ્મ રિલીઝ થયા પછી મોગલ પર કામ શરૂ કરવામાં આવશે.જ્યારે આમિરે ફિલ્મમાં કામ કરવા માટે સંમતિ આપી હતી, ત્યારે હવે ભૂષણ પાછળ હટી ગયો છે. બોલિવૂડના બહિષ્કારને જોઈને તે સમજે છે કે, આ સમયે જોખમ લેવાની જરૂર નથી. કારણ કે લોકોનો ગુસ્સો સૌથી વધુ કરણ જોહર અને પછી ખાન ત્રિપુટી પર છે. આવી સ્થિતિમાં તેમની સાથે ફિલ્મ કરવી એટલે ફ્લોપ થવું. હાલ આ ફિલ્મ પર રોક લગાવવામાં આવી છે.

4. તખ્ત

કરણ જોહરે વર્ષ 2018માં તેની મેગા બજેટ ફિલ્મ ‘તખ્ત’ની જાહેરાત કરી હતી. તે સમયે કેરેક્ટર પોસ્ટર પણ બહાર પાડવામાં આવ્યા હતા. આ પીરિયડ-ડ્રામાને મોટા પાયા પર બનાવવાની ચર્ચા હતી. આ ફિલ્મ ધર્મા પ્રોડક્શનનો ડ્રીમ પ્રોજેક્ટ હતો, કારણ કે કરણના પિતા યશ જોહરે તેને બનાવવાનું સપનું જોયું હતું. તેથી જ કરણે તેની આખી ગેંગને આ ફિલ્મમાં સામેલ કરી હતી. આમાં રણવીર સિંહ, કરીના કપૂર ખાન, આલિયા ભટ્ટ, વિકી કૌશલ, ભૂમિ પેડનેકર, જ્હાન્વી કપૂર અને અનિલ કપૂર જેવા કલાકારો મુખ્ય ભૂમિકામાં હતા. આ મલ્ટી-સ્ટારર ફિલ્મની પટકથા સુમિત રોયે લખી હતી, જ્યારે દિગ્દર્શન કરણ જોહરે પોતે સંભાળ્યું હતું. પરંતુ સુશાંત સિંહ રાજપૂતના રહસ્યમય મોત બાદ જે રીતે આ કેસમાં કરણ જોહરનું નામ સામેલ કરવામાં આવ્યું અને તેનો વિરોધ કરવામાં આવ્યો. તેને જોઈને તે ડરી ગયો. તે સમયે તેણે ફિલ્મ હોલ્ડ પર મૂકી દીધી હતી. તે પછી કોરોના આવ્યો અને હવે બોલિવૂડ બોયકોટ કેમ્પેઈનને જોતા કરણ આટલા મોટા બજેટની ફિલ્મ બનાવવાનું ભાગ્યે જ વિચારી શકે.

5. મુન્ના ભાઈ ચલે અમેરિકા

વર્ષ 2003માં આવેલી ફિલ્મ ‘મુન્નાભાઈ MBBS’ અને 2006માં રિલીઝ થયેલી ‘લગે રહે મુન્નાભાઈ’ની સફળતા બાદ વિધુ વિનોદ ચોપરાએ ‘મુન્નાભાઈ ચલે અમેરિકા’ ફિલ્મ બનાવવાની જાહેરાત કરી હતી. આ ફિલ્મની સ્ક્રિપ્ટ પર કામ ચાલી રહ્યું હતું અને ફિલ્મ ‘સંજુ’ રિલીઝ થયા બાદ રાજ કુમાર હિરાણી તેનું દિગ્દર્શન કરવાના હતા. પરંતુ તે જ સમયે સંજય દત્તને ગેરકાયદેસર હથિયાર રાખવા બદલ જેલમાં ધકેલી દેવામાં આવ્યો હતો. ત્યારપછી તેને અમેરિકા જવા માટે વિઝા મેળવવામાં પણ તકલીફ પડી. સંજય આ ફિલ્મનો મુખ્ય અભિનેતા હોવાથી, વિધુ તેની જગ્યાએ બીજા અભિનેતાને કાસ્ટ કરી શક્યો ન હતો. આ તમામ સમસ્યાઓને ધ્યાનમાં રાખીને ફિલ્મને હોલ્ડ પર રાખવામાં આવી હતી. વર્ષ 2017માં સંજયે એક ઈન્ટરવ્યુમાં કહ્યું હતું કે, “મુન્નાભાઈની ત્રીજી સિક્વલનું શૂટિંગ અત્યારે નથી થઈ રહ્યું. જ્યાં સુધી મને યુએસ વિઝા નહીં મળે, ત્યાં સુધી ફિલ્મ શરુ થશે નહિ. રાજુજી અને વિનોદજી સાથેની મારી વાતચીતના આધારે, હું એટલું જ કહી શકું છું કે હાલમાં સ્ક્રિપ્ટ પર કામ ચાલી રહ્યું છે. હું આશા રાખું છું કે દરેકની શુભેચ્છાઓ અને ભગવાનની કૃપાથી ફિલ્મ આવતા વર્ષ સુધીમાં તૈયાર થઈ જશે.”