Dhokha Teaser : ધોખામાં જોવા મળશે આર માધવનનો અલગ અંદાજ, પત્ની પર લગાવશે આરોપ
આર માધવન (R Madhavan), અપારશક્તિ ખુરાના અને દર્શન કુમાર જેવા મોટા કલાકારોની ફિલ્મ 'ધોખા - રાઉન્ડ ડી કોર્નર'નું ટીઝર રિલીઝ થઈ ગયું છે. આ ફિલ્મ 23 સપ્ટેમ્બરે રિલીઝ થઈ રહી છે.
રોકેટ્રી (The Nambi Effect) બાદ હવે આર માધવન (R Madhavan) એકદમ અલગ અંદાજમાં જોવા મળશે. તેની અપકમિંગ ફિલ્મ ધોખા રાઉન્ડ ડી કોર્નરનું ટીઝર રિલીઝ થઈ ગયું છે. આર માધવનની ફિલ્મ ધોખા એક સસ્પેન્સ થ્રિલર ફિલ્મ હશે. જેમાં તેની સાથે ખુશાલી કુમાર, અપારશક્તિ ખુરાના અને દર્શન કુમાર પણ જોવા મળશે. આ ફિલ્મના ટીઝરની શરૂઆતમાં આપણે જોઈ શકીએ છીએ કે એક આતંકવાદી હોસ્ટેસ સાથે બિલ્ડિંગની અંદર છુપાયેલો છે. અપારશક્તિ ખુરાના આતંકવાદીનો રોલ કરી રહ્યો છે.
ભૂષણ કુમારની બહેન છે ખુશાલી કુમાર
ભૂષણ કુમારની બહેન ખુશાલી આ ફિલ્મથી બોલિવૂડમાં ડેબ્યૂ કરી રહી છે. ટીઝર વિડિયોમાં તેના અવાજ સાથે વાર્તા સાંભળી શકીએ છીએ, ખુશાલી બોલી રહી છે કે એક વાર્તા છે, સાંભળશો? એક સમયે સત્ય અને અસત્ય ક્યાંક ને ક્યાંક જતા હતા. જૂઠું બોલ્યું – ગરમી છે નહી લે. બંને નહાવા કૂવામાં ઉતર્યા અને સત્યે પાણીમાં ડૂબકી લગાવી અને અસત્ય સત્યના તમામ વસ્ત્રો સાથે ભાગી ગયો. ત્યારથી અસત્ય સત્યના વસ્ત્રો પહેરીને દુનિયાભરમાં ફરે છે. આખી દુનિયા મારા પતિની વાતને સાચી માને છે અને હું સત્યની જેમ એ કૂવામાં ઉભી છું.
અહીં જુઓ ફિલ્મનું ટીઝર
સસ્પેન્સથી ભરપૂર હશે આ ફિલ્મ
આ ફિલ્મમાં માધવન ખુશાલીનો ઓન-સ્ક્રીન પતિ બન્યો છે. ફિલ્મનું ટીઝર વાર્તાને વધુ રસપ્રદ બનાવે છે. એક તરફ ખુશાલી તેના પતિ વિશે કહી રહી છે. તો બીજી તરફ તેનો પતિ કહે છે કે તે વ્યક્તિ સાથે જે મહિલા છે, જેને તમે મિડલ ક્લાસ હાઉસવાઈફ માનો છો તે એક ડિલ્યુજનલ ડિસઓર્ડર પેશેન્ટ છે. આતંકીવાદીના હાથે ઝડપાયેલી મહિલા તેને જ્યુસ પીવડાવતી જોવા મળે છે.
23 સપ્ટેમ્બરે થશે રિલીઝ
ધોખા રાઉન્ડ ડી કોર્નરમાં કાશ્મીર ફાઇલ ફેમ એક્ટર દુષ્યંત કુમાર પોલીસ ઓફિસરની ભૂમિકામાં જોવા મળશે. આ ફિલ્મનું ટ્રેલર ટૂંક સમયમાં રિલીઝ થશે. તો આ ફિલ્મ 23 સપ્ટેમ્બરે થિયેટરોમાં રિલીઝ થશે. કુકી ગુલાટી આ ફિલ્મના નિર્દેશક છે, જ્યારે ભૂષણ કુમાર આ ફિલ્મને પ્રોડ્યુસ કરી રહ્યા છે.
Latest News Updates
