શું છે આ Moye Moye ? સોશિયલ મીડિયા પર આને ધમાલ મચાવી દીધી છે, જુઓ વીડિયો

સોશિયલ મીડિયા પર ક્યારે શું વાયરલ થશે તેની કોઈને ખબર રહેતી નથી. અવાર-નવાર અહીં અલગ-અલગ પ્રકારના ગીતો અને ડાન્સના વીડિયો વાયરલ થાય જ છે. લોકો જે સોન્ગ પાછળ પડી જાય તો તેની રીલ્સ બનાવવાનો ટ્રેન્ડ શરૂ થાય છે. અને પછી તેના વીડિયો વાયરલ થવાની પ્રક્રિયા શરૂ થાય છે.

હાલમાં, ‘મોયે મોયે’ તમામ સોશિયલ મીડિયા પ્લેટફોર્મ પર ખૂબ ચર્ચામાં છે. દરેક વ્યક્તિ તેના પર રીલ બનાવવામાં વ્યસ્ત છે, પરંતુ શું તમે જાણો છો કે આ શું છે ‘મોયે મોયે’, જેણે સોશિયલ મીડિયા પર ધૂમ મચાવી દીધી છે?

આ ગીતનો ટ્રેન્ડ થયો શરૂ

હકિકતમાં આ એક સર્બિયન ગીત છે. વાસ્તવમાં આ ગીત ‘મોયે મોરે’ છે, પરંતુ ભારતમાં તેને ‘મોયે મોયે’ તરીકે ઉચ્ચારવામાં આવે છે. મળતી માહિતી મુજબ આ ગીતનો ક્રેઝ સોશિયલ મીડિયા પ્લેટફોર્મ TikTok થી શરૂ થયો હતો અને પછી થોડાં દિવસોમાં તે Instagram, Facebook, Twitter અને YouTube જેવા અલગ-અલગ પ્લેટફોર્મ પર ફેલાઈ ગયો હતો. આ ગીતે વિશ્વના લોકોને મોહિત કરી દીધા છે.

મૂળ ગીત ‘મોયે મોરે’નો વીડિયો જુઓ

(Credit Source : Južni vetar)

અહેવાલો અનુસાર આ ગીત ત્રણ મિનિટનું છે. આ વાયરલ ગીતને સર્બિયન સિંગર તેયા ડોરાએ શબ્દો આપ્યા છે. જો કે આ ગીતનું અસલી નામ ‘મોયે મોરે’ કે ‘મોયે મોયે’ નથી પરંતુ ગીતનું ઓફિશિયલ શીર્ષક ‘ડેઝનમ’ છે. ગીતના બોલ સર્બિયન રેપર સ્લોબોડન વેલ્કોવિકે સાથે મળીને કંપોઝ કર્યા હતા. જ્યારે લોકા જોવાનોવિકે ગીતને કંપોઝ કર્યું હતું. જે હવે લોકોના મનમાં છવાઈ ગયો છે. આ ગીતને યુટ્યુબ પર 57 મિલિયન એટલે કે 5.7 કરોડથી વધુ વખત જોવામાં આવ્યું છે.

ગીતનો અર્થ શું છે?

રિપોર્ટ્સ પ્રમાણે સર્બિયામાં ‘મોર’ નો અર્થ ‘દુઃસ્વપ્ન’ છે. આ ગીતમાં અધૂરી આકાંક્ષાઓની પીડા, નિરાશા વચ્ચે ઉજ્જવળ ભવિષ્ય માટે સતત સંઘર્ષ અને વારંવાર આવતા દુઃસ્વપ્નો સામે લડતા, નિરાશા અને એકલતાની લાગણીની વાર્તા દર્શાવવામાં આવી છે. ભલે લોકોને આ ગીતનો અર્થ ખબર ન હોય, પરંતુ તે સોશિયલ મીડિયા પર ચોક્કસ કમાલ કરી રહ્યું છે.

Disclaimer : આ આર્ટિકલ ફેક્ટ ચેક કરવામાં આવ્યો છે, આ વીડિયો સોશિયલ મીડિયામાં વાયરલ થયેલો છે. જેની પુષ્ટી TV9 ગુજરાતી કરતુ નથી.