Bollywood News : જાણો, બોલિવૂડ સ્ટાર્સના આ ભાઈ-બહેનોને, જે લાઈમલાઈટથી રહે છે દૂર
આ સેલેબ્સ તેમના (Bollywood Brother and Sister) ભાઈ-બહેનો સાથે કેમેરાની સામે દેખાયા હોય તે ખૂબ જ દુર્લભ છે. આમાંના ઘણા ભાઈ-બહેનો એવા છે જેમને ફિલ્મ ઈન્ડસ્ટ્રી (Film industry) સાથે કોઈ લેવાદેવા નથી.
આજે રક્ષાબંધનનો (Rakshabandhan) તહેવાર છે. બોલિવૂડ સેલેબ્સ હોય કે સામાન્ય લોકો, દરેક જણ પોતાના ભાઈ-બહેનો સાથે આ તહેવારની ધામધૂમથી ઉજવણી કરે છે. ભાઈ-બહેનનો સુંદર સંબંધ બોલિવૂડની દુનિયામાં પણ જોવા મળે છે. આટલું જ નહીં, રીલ લાઈફમાં ભાઈ-બહેનનો રોલ કરનારા સેલેબ્સ આજ સુધી રિયલ લાઈફમાં આ સંબંધ નિભાવી રહ્યા છે. પરંતુ તમને જણાવી દઈએ કે, બોલિવૂડ ઈન્ડસ્ટ્રીમાં (Film industry) કેટલાક ભાઈ-બહેનો (Bollywood Brother and Sister) એવા છે જે લાઈમલાઈટથી દૂર રહે છે. આજે અમે તમને આ બોલિવૂડ સેલેબ્સના ભાઈ-બહેનો વિશે જણાવીશું, જેમને ગ્લેમરની દુનિયા સાથે કોઈ લેવાદેવા નથી.
ઐશ્વર્યા રાય અને આદિત્ય રાય
બચ્ચન પરિવારની વહુ અને બોલિવૂડ અભિનેત્રી ઐશ્વર્યા રાયને કોઈ ઓળખની જરૂર નથી, પરંતુ ભાગ્યે જ તેના ચાહકોને ખબર હશે કે તેનો એક ભાઈ પણ છે. ઐશ્વર્યાના ભાઈનું નામ આદિત્ય રાય છે. તમને જણાવી દઈએ કે, આદિત્ય રાય મર્ચન્ટ નેવીમાં છે અને તે ઐશ્વર્યા કરતા ઉંમરમાં મોટો છે. તે પોતે લાઈમલાઈટથી દૂર રહે છે, પરંતુ જો ઐશ્વર્યાને ક્યારેય તેની જરૂર પડે તો તે તરત જ આવી જાય છે.
પ્રિયંકા ચોપરા અને સિદ્ધાર્થ ચોપરા
બોલિવૂડ અને હોલીવુડની અભિનેત્રી પ્રિયંકા ચોપરાને પણ એક ભાઈ છે. તેના ભાઈનું નામ સિદ્ધાર્થ ચોપરા છે. તે તેના કરતા 7 વર્ષ નાનો છે. તમને જણાવી દઈએ કે સિદ્ધાર્થ હોસ્પિટાલિટીના ક્ષેત્રમાં છે. સિદ્ધાર્થ ચોપરા રસોઈ નિષ્ણાંત છે. રક્ષાબંધન જેવા ખાસ અવસરો પર, બંને ભાઈ-બહેન તેમના બોન્ડિંગને શેર કરતા જોવા મળે છે.
રણવીર સિંહ અને રિતિકા
પોતાની બેબાકળી સ્ટાઈલથી વિવાદોમાં રહેનારા રણવીર સિંહની બહેનનું નામ રિતિકા ભવનાની છે. રણવીરને તેની બહેન સાથે ખાસ સંબંધ છે. તે તેની માતાને મોટી માતા અને બહેનને નાની માતા કહે છે. નાનપણમાં રિતિકા તેના ભાઈ રણવીર માટે દરરોજ ચોકલેટ લાવતી હતી. કહેવાય છે કે, જ્યારે અમેરિકામાં હતી ત્યારે રિતિકા રાખી સાથે તેમના માટે પૈસા મોકલતી હતી.
અક્ષય કુમાર અને અલકા
બોલિવૂડના ખિલાડી કુમાર અને તેની બહેન અલકા કુમાર વચ્ચે પણ ખાસ બોન્ડિંગ છે. અલકા બોલિવૂડની લાઇમલાઇટથી દૂર રહે છે. હાલમાં જ તેણે પોતાના ભાઈ અક્ષય કુમાર માટે એક ખાસ મેસેજ મોકલ્યો હતો, જેને સાંભળીને અક્ષય કુમાર રડી પડ્યો હતો.
અનુષ્કા શર્મા અને કર્ણેશ શર્મા
બોલિવૂડ અભિનેત્રી અનુષ્કા શર્માના ભાઈનું નામ કર્ણેશ શર્મા છે, જે અંડર-19 રણજી ક્રિકેટ રમી ચૂક્યો છે. કહેવાય છે કે કર્ણેશ અને વિરાટ સારા મિત્રો છે. કર્ણેશ અગાઉ મર્ચન્ટ નેવીમાં હતો. પરંતુ હવે તે ક્લીન સ્લેટ ફિલ્મ્સ નામની કંપની ચલાવી રહ્યો છે.
Published On - 8:47 am, Thu, 11 August 22