પ્રિતી ઝિન્ટાની મોટી વાપસી ! Lahore 1947 પછી આ ફિલ્મમાં કરશે ધમાકેદાર એન્ટ્રી, જાણો કઈ હશે ફિલ્મ …
Preity Zinta : આ વર્ષે ઘણી મોટી ફિલ્મો રિલીઝ થવાની છે. જેમાં 'લાહોર 1947' નો પણ સમાવેશ થાય છે. જેની આતુરતાથી રાહ જોવાઈ રહી છે. પ્રીતિ ઝિન્ટા પણ સની દેઓલ સાથે જોવા મળશે. IPL 2026 શરૂ થવા જઈ રહી હોવાથી પ્રીતિ ઝિન્ટા ભારત પરત ફરી ચૂકી છે. તે દર વર્ષે તેની ટીમ પંજાબ કિંગ્સને સપોર્ટ કરવા માટે ભારત આવે છે. IPL શરૂ થાય તે પહેલાં જ અભિનેત્રી તરફથી ચાહકો માટે સારા સમાચાર મળ્યા છે. પ્રીતિ ઝિન્ટાએ સૈફ અલી ખાનના સાળાની ફિલ્મમાં અભિનય કરવા માટે સાઇન કરી છે.
Preity Zinta Film : આ વર્ષની સૌથી રાહ જોવાડેલી ફિલ્મોમાંની એક ‘લાહોર 1947’ છે. સની દેઓલની આ ફિલ્મ 13 ઓગસ્ટ, 2026 ના રોજ સિ1947ઘરોમાં રિલીઝ થવાની છે. આ વાતની જાહેરાત આમિર ખાન પ્રોડક્શન્સે થોડા સમય પહેલા કરી હતી. સની દેઓલ આ ફિલ્મમાં મુખ્ય ભૂમિકા ભજવી રહ્યા છે, જ્યારે પ્રોડ્યુસર (નિર્માણ) આમિર ખાન કરી રહ્યા છે. એવું કહેવામાં આવી રહ્યું છે કે તે એક નાનકડી ભૂમિકા પણ ભજવશે. હાલ ભારતમાં રહેલી પ્રીતિ ઝિન્ટા સની પાજી સાથે આ ફિલ્મમાં જોવા મળશે. પ્રીતિ ઝિન્ટા IPL 2026 શરૂ થાય તે પહેલાં આવી ગઈ છે. કારણ કે અભિનેત્રી દર વર્ષે તેની ટીમ પંજાબ કિંગ્સને સપોર્ટ કરતી જોવા મળે છે. પ્રીતિ ઝિન્ટા આઠ વર્ષ પછી વાપસી કરવા માટે તૈયાર છે.
પ્રીતિ ઝિન્ટાની ‘લાહોર 1947’ ફિલ્મ
પ્રીતિ ઝિન્ટાના લાંબા સમયથી ફિલ્મોથી દૂર છે. તેમની છેલ્લી ફિલ્મ 2018 માં ‘ભૈયાજી સુપરહિટ’ હતી. જેમાં તેઓ સની દેઓલ સાથે જ કામ કર્યું હતું. ઉપરાંત ‘લાહોર 1947’ માં પણ પ્રીતિ ઝિન્ટા સની પાજી સાથે પાછા ફરવાની તૈયારીમાં છે. આ ફિલ્મમાં શબાના આઝમી, કરણ દેઓલ, અલી ફઝલ અને અભિમન્યુ સિંહ પણ છે. તાજેતરમાં કહેવામાં આવ્યું હતું કે ફિલ્મનું શીર્ષક બદલાવા જઈ રહ્યું છે પરંતુ આમિર ખાને આ અંગે સ્પષ્ટ પુષ્ટિ આપી હતી કે ફિલ્મનું શીર્ષક બદલવામાં આવશે નહીં.
પ્રીતિ ઝિન્ટાની નવી ફિલ્મ કઈ છે
પ્રીતિ ઝિન્ટા ફક્ત ‘લાહોર 1947’ સાથે જ નહીં પરંતુ Amazon MGM Studios ની ફિલ્મ ‘Vibe’ સાથે પણ એક મોટી વાપસી કરવાની તૈયારી કરી રહી છે. જેનું દિગ્દર્શન સૈફ અલી ખાનના સાળા કુણાલ ખેમુ દ્વારા કરવામાં આવી છે. આ ફિલ્મમાં કુણાલ ખેમુ, સ્પર્શ શ્રીવાસ્તવ અને વંશિકા ધીર પણ જોવા મળશે. કુણાલ ખેમુએ અગાઉ કોમેડી ફિલ્મ ‘Madgaon Express’નું દિગ્દર્શન કર્યું હતું. જેને લોકોનું જબરદસ્ત પ્રતિસાદ મળ્યો હતો. તાજેતરમાં Prime Videoના ‘It Starts Here’ ઇવેન્ટમાં આ વર્ષ માટે ઘણી ફિલ્મોની જાહેરાત કરવામાં આવી હતી. જેમાં પ્રીતિ ઝિન્ટા પણ હાજર રહી હતી. ઇવેન્ટ દરમિયાન હોસ્ટ તરીકે આવેલા કરણ જોહરે પ્રીતિ ઝિન્ટાની પ્રશંસા કરતા કહ્યું, ‘મારી પાસે પ્રીતિ સાથે કામ કરવાની સરસ યાદો છે.
અભિનેત્રીએ ‘વાઇબ’ માટે હા કેમ કરી ?
અભિનેત્રીએ કહ્યું, ‘કુણાલના મતે, તે સમયે હું ખૂબ જ સારા મૂડમાં હતી. જ્યારે મેં વાર્તા સાંભળી ત્યારે હું હસી પડી. તે ખૂબ રમુજી હતું કે હું ના કહી શકી નહીં.’
રાહુલ ગાંધીની નાગરિકતા મુદ્દે હાઈકોર્ટનું કડક વલણ, કેન્દ્રને સોગંદનામું કરવા આપ્યો આદેશ…વધુ વાંચવા માટે અહીં ક્લિક કરો
