Mother’s Day Special : બોલિવૂડની આ ફિલ્મો જીવનમાં સમજાવે છે માતાનું મૂલ્ય, માતા સાથે આ ફિલ્મો જોઈને આજનો દિવસ બનાવો ખાસ
મધર્સ ડેના (Mother's Day) સુંદર અવસર પર દરેક માતા માટે આ દિવસને ખાસ બનાવવાની જવાબદારી આપણી છે. ફિલ્મી દુનિયાની કેટલીક શ્રેષ્ઠ ફિલ્મો સાથે તમારા મધર્સ ડેને વધુ ખાસ બનાવો.
માતા, (Maa) આ શબ્દો સાંભળીને જેનો ચહેરો આપણા મનમાં આવે છે, તેને આપણે આપણા ભગવાન માનીએ છીએ. આપણે ઈચ્છીએ તો પણ માતાના બલિદાનને ક્યારેય ચુકવી શકતા નથી. કારણ કે માતા અમૂલ્ય છે. જો કે વર્ષનો એક પણ દિવસ માતા વગર પસાર થતો નથી, પરંતુ આજનો દિવસ દરેક માતાના નામે છે. દર વર્ષે આ દિવસે એટલે કે 8 મેના રોજ સમગ્ર વિશ્વ મધર્સ ડેના (Mother’s Day) સુંદર દિવસની ઉજવણી કરે છે.
આ દિવસને સુંદર એટલા માટે કહેવામાં આવે છે, કારણ કે આ દિવસ દુનિયાની એ મહિલાઓનો છે. જેઓ વર્ષોથી પોતાના બાળકોની ખુશીની ચિંતા કરી રહી છે, પોતાની ખુશીને ભૂલી રહી છે. આ દિવસને ખાસ બનાવવા માટે તે દરેક બાળકની જવાબદારી છે જે તેની માતાને ઘણી બધી ખુશીઓ આપવા માંગે છે. આપણે આપણી ખુશીમાં ક્યારેક આપણી માતાને ભૂલી શકીએ છીએ, પરંતુ માતા આપણી દરેક ખુશીનું ધ્યાન રાખે છે. તો આવો આજનો દિવસ દરેક માતાના નામે. માતાને સુખ આપવું એ આપણી જવાબદારી છે.
આવા અવસર પર અમે તમને ફિલ્મી દુનિયાની એવી ફિલ્મોથી પરિચિત કરાવીશું જે માતાનું મહત્વ જણાવે છે. ચાલો, અમે તમને માતા અને બાળક વચ્ચેના નાજુક સંબંધોની એક ઝલક બતાવીએ. આ ફિલ્મો દ્વારા તમે આજના દિવસને વધુ ખાસ બનાવી શકો છો.
સ્વર્ગસ્થ અભિનેત્રી શ્રીદેવીની ફિલ્મ મોમ, જે વર્ષ 2017માં આવી હતી. આ ફિલ્મ દરેક માતાથી પ્રેરિત છે. જેણે ક્યારેય પોતાની ખુશી વિશે વિચાર્યું નથી. આ ફિલ્મમાં શ્રીદેવી લીડ રોલમાં છે. આ ફિલ્મ સાવકી માતા માટે સમાજમાં પ્રવર્તતી માન્યતાઓને તોડે છે, સાથે જ એક મજબૂત માતાની વાર્તા પણ દર્શાવે છે.
ક્યાં કહના
વર્ષ 2000માં આવેલી આ ફિલ્મ ભલે રોમેન્ટિક ડ્રામા પર આધારિત હોય, પરંતુ આ ફિલ્મમાં માતા અને બાળકનું બંધન તમને ભાવુક થવા પર મજબૂર કરી દેશે. આ ફિલ્મમાં પ્રીતિ ઝિન્ટા સાથે સૈફ અલી ખાન લીડ રોલમાં છે. ફિલ્મમાં બતાવવામાં આવ્યું છે કે, કેવી રીતે લગ્ન પહેલા માતા બનેલી પ્રીતિ દુનિયા સાથે લડ્યા બાદ બાળકને જન્મ આપે છે.
મધર ઈન્ડિયા
આ ફિલ્મ વિશે કોણ નથી જાણતું? આ ફિલ્મ દરેક માતાની વાર્તા બતાવે છે જે દુનિયાના કોપ સહન કર્યા પછી પણ પોતાના બાળકની સંભાળ રાખે છે અને સારો ઉછેર કરે છે.
જજબા
ઐશ્વર્યા રાયની ફિલ્મ જઝબા. આ ફિલ્મમાં એશ સિંગલ મધરની ભૂમિકામાં છે. આ ફિલ્મ સમાજની એ માન્યતાને ભૂંસી નાખે છે, જે કહે છે કે સિંગલ મધર હોવું ખોટું છે.
કહાની 2
અભિનેત્રી વિદ્યા બાલનની ફિલ્મ કહાની 2. આ ફિલ્મ પણ એક સિંગલ મધર પર આધારિત છે. જેણે પોતાના અભિનયથી ફિલ્મી દુનિયામાં એક અલગ છાપ છોડી છે. આ ફિલ્મમાં સિંગલ મધરની પીડાને સારી રીતે દર્શાવવામાં આવી છે.