Amitabh Bachchanના ચાહકો માટે સારા સમાચાર, ‘ઝુંડ’ ની રિલીઝ તારીખ જાહેર થઈ
ફિલ્મ 'ઝુંડ' નું પોસ્ટર શેર કરતાં ટી સીરીઝે પ્રેક્ષકોને માહિતી આપી છે કે 'ઝુંડ'ની સ્ટારકાસ્ટ 18 જૂનના દિવસે પ્રેક્ષકોને મળવા આવશે. એટલે કે, આ ફિલ્મ 18 જૂને રિલીઝ થવા જઈ રહી છે.
કોરોના વાયરસને કારણે વર્ષ 2020 માં ઘણી ફિલ્મોની રિલીઝ ડેટ મોકૂફ રાખવી પડી હતી. હવે, જ્યારે ધીરે ધીરે બધું સામાન્ય થઈ રહ્યું છે, ત્યારે ફિલ્મો રિલીઝ કરવાની નવી તારીખો પણ બહાર આવી રહી છે. આ દરમિયાન અમિતાભ બચ્ચનના ચાહકો માટે એક સારા સમાચાર છે. ડિરેક્ટર મંજુનાથ દ્વારા બનાવવામાં આવેલી ફિલ્મ ‘ઝુંડ’ ટી-સિરીઝ દ્વારા 18 જૂન 2021 ના રોજ થિયેટરોમાં રિલીઝ કરવાનો નિર્ણય લેવામાં આવ્યો છે.
ફિલ્મ ‘ઝુંડ’ નું પોસ્ટર શેર કરતાં ટી-સિરીઝે પ્રેક્ષકોને માહિતી આપી છે કે ફિલ્મની સ્ટારકાસ્ટ 18 જૂનના દિવસે પ્રેક્ષકોને મળવા આવશે. ફિલ્મમાં અમિતાભ બચ્ચન એક પ્રોફેસરની ભૂમિકા નિભાવી રહ્યા છે, જે શેરીમાં રમતા બાળકોને ફૂટબોલ ટીમ બનાવવા પ્રેરણા આપે છે.
તમને જણાવી દઈએ કે વર્ષ 2016 માં એક મરાઠી ફિલ્મ આવી હતી, તેનું નામ હતું ‘સૈરાટ’ અને તે પહેલી મરાઠી ફિલ્મ હતી, જેણે બોક્સ ઓફિસ પર 100 કરોડથી વધુનો ધંધો કર્યો હતો. ‘સૈરાટ’ ડિરેક્ટર નાગરાજ મંજુલે હવે ‘ઝુંડ’ ફિલ્મ બનાવી રહ્યા છે. ગત વર્ષે આ ફિલ્મનું પોસ્ટર બહાર પાડવામાં આવ્યું હતું, જેમાં અમિતાભ પાછલા પોઝમાં ઉભા રહીને સ્લમ એરિયામાં રાખેલા લાલ અને સફેદ ફૂટબોલ જોતા નજરે પડે છે. ફિલ્મમાં તેમના પાત્રનું નામ વિજય બરસે હશે. ફિલ્મની વાર્તા ‘સ્લમ સોકર’ એનજીઓ ચલાવતા સામાજિક કાર્યકર વિકાસ બરસેના જીવન પર આધારિત છે.