Ek Villain Returns : રિલીઝના બીજા દિવસે ફિલ્મે કરી આટલી કમાણી, જાણો કેટલો બિઝનેસ કર્યો
બોક્સ ઓફિસ પર આ ફિલ્મનો બહુ ગ્રોથ નથી. જો કે રવિવારે ફિલ્મના બિઝનેસમાં તેજી આવવાની આશા છે. આ ફિલ્મની પહેલા દિવસની કમાણી પણ સારી રહી ન હતી.
Ek Villain Returns : અર્જુન કપૂર અને જ્હોન અબ્રાહમની તાજેતરમાં રિલીઝ થયેલી ફિલ્મ ‘એક વિલન રિટર્ન્સ’ (Ek Villain Returns)બોક્સ ઓફિસ પર કંઈ ખાસ કમાલ બતાવી રહી નથી. જો કે, ફિલ્મમાં કલાકારોએ ઉત્તમ અભિનય કર્યો છે, છતાં ફિલ્મનું કલેક્શન જે હોવું જોઈએ તે પ્રમાણે થઈ શકતું નથી. આ ફિલ્મના બીજા દિવસનું કલેક્શન પણ સામે આવ્યું છે. ફિલ્મને ક્રિટિક્સ અને લોકો તરફથી પણ સારા રિવ્યુ મળ્યા નથી. આ ફિલ્મ કોઈપણ રીતે લોકોના દિલ જીતવામાં સફળ રહી નથી.
બીજા દિવસે ફિલ્મની કમાણી સારી રહી નથી
આ ફિલ્મનો બોક્સ ઓફિસ પર વધુ ગ્રોથ નથી. રવિવારના રોજ ફિલ્મનો બિઝનેસ સારો થવાની આશા છે. આ ફિલ્મના પહેલા દિવસની કમાણી અંદાજે 7.05 કરોડ રહી હતી. આ ફિલ્મની કમાણી પ્રથમ વીકેન્ડ સુધી 21 કરોડ સુધી જવાની આશા છે.
અહિ જુઓ ફિલ્મનું ક્લેક્શન
View this post on Instagram
રવિવારના રોજ 21 કરોડને પાર જવાની આશા
રિપોર્ટસનું માનીએ તો આ ફિલ્મે રિલીઝના બીજા દિવસે અંદાજે 7.47 કરોડનું ક્લેક્શન કર્યું છે. ફિલ્મની કુલ કમાણી 14.52 કરોડ થઈ ગઈ છે. રવિવારના આ ફિલ્મનું ક્લેક્શન 21 કરોડને પાર જવાનું મેકર્સને આશા છે.
એક વિલન સુપરહિટ સાબિત થઈ હતી
એક વિલન રિટર્ન્સ વર્ષ 2014માં આવેલી ફિલ્મ એક વિલનની સીક્વલ છે. આ ફિલ્મ તે વખતની સુપરહિટ સાબિત રહી હતી. તેના ઓપનિંગ ડે પર અંદાજે 16.50 કરોડનો કારોબાર કર્યો હતો. આ વખતે તો રિલીઝના બે દિવસ પસાર થઈ ગયા છે પરંતુ 15 કરોડનો આંકડો પણ પાર કરી શકી નથી. તે સમયે આ ફિલ્મમાં શ્રદ્ધા કપૂર, સિદ્ધાર્થ મલ્હોત્રા અને રિતેશ દેશમુખ જેવા કલાકારો જોવા મળ્યા હતા. આ ફિલ્મમાં રિતેશ દેશમુખના અભિનયના ખૂબ વખાણ થયા હતા.