દેવેન્દ્ર ફડણવીસે લખાયેલું અને શંકર મહાદેવને ગાયેલું ‘શિવ ટ્રેક’ 06 માર્ચ 2024ના રોજ સાંજે 6 વાગ્યે ટાઈમ્સ મ્યુઝિક સ્પિરિચ્યુઅલ યુટ્યુબ ચેનલ પર રિલીઝ કરવામાં આવ્યું હતું. ગ્રેમી વિજેતા ગાયક-સંગીતકાર શંકર મહાદેવને દેવેન્દ્ર ફડણવીસ દ્વારા લખેલા ભક્તિ ગીત ‘દેવાધિ દેવ’ને પોતાનો અવાજ આપ્યો છે. ફડણવીસ દ્વારા લખાયેલું આ ગીત શિવભક્તોને શિવભક્તિમાં તરબોળ કરીને ભાવુક બનાવશે.
વીડિયોમાં દેવેન્દ્ર ફડણવીસની પત્ની અમૃતા ફડણવીસે ગાયેલું મહામૃત્યુંજય મંત્ર પણ દર્શાવવામાં આવ્યો છે. આ શિવ ટ્રેક મહાશિવરાત્રી ઉત્સવ માટે એક સરસ ગીત છે. આ ગીત વિશે વાત કરતાં સિંગર શંકર મહાદેવને કહ્યું કે, ડેપ્યુટી સીએમ દેવેન્દ્ર ફડણવીસે ખૂબ સુંદર રીતે લખેલા દેવાધિ દેવ ગીતને સંગીતમય રુપમાં સજાવીને ગાવું મારા માટે સન્માનની વાત છે.
દેવેન્દ્ર ફડણવીસે કહ્યું, મારો પરિવાર બાળપણથી જ મહાશિવરાત્રીની ઉજવણી કરે છે. ત્યારથી મારા પર શિવના ગુણો અને શિવપુરાણની વાર્તાઓની ખૂબ અસર થઈ છે. તેણે કહ્યું કે, આ શિવ ગીતના શબ્દો એક વર્ષ પહેલા એક પ્રવાસ દરમિયાન સ્વાભાવિક રીતે તેના મગજમાં આવ્યા હતા.
આ સાથે દેવેન્દ્ર ફડણવીસે કહ્યું કે, એક ગાયક હોવાને કારણે મારી પત્ની અમૃતાએ ગીત તરીકે તેની ક્ષમતાનો અહેસાસ કર્યો અને તરત જ તેને શંકર સાથે શેર કર્યો હતો. તેણે કહ્યું કે, મને ખુશી છે કે મારા દ્વારા લખાયેલા ગીત શંકર મહાદેવન જેવા મહાન ગાયકે ગાયું છે. આ સાથે હું ખુશ છું કે મારી પત્ની અમૃતાએ પણ તેમાં નાનો ભાગ ગાયો છે. ડેપ્યુટી સીએમની પત્ની અને કલાકાર અમૃતા ફડણવીસે કહ્યું, દેવાધિ દેવ એક સુંદર ગીત છે. મને આશા છે કે આ ગીત મહાશિવરાત્રીની ઉજવણીનો એક ભાગ બનશે.