Junagadh: AAPના હવાલાકાંડનો વધુ એક વીડિયો વાયરલ, પૈસાના કવર બનાવી રહેલા માણસો અને નોટોના થપ્પા દેખાયા, જુઓ Video
ગુજરાત રાજ્યમાં સ્થાનિક સ્વરાજ્યની ચૂંટણીને લઈ હવે પ્રચાર શાંત થયા છે. આવતી કાલે સમગ્ર રાજ્યમાં સ્થાનિક સ્વરાજની ચૂંટણી છે. તેના પરિણામ 28મી એપ્રિલ 2026ના રોજ રહેશે.
જૂનાગઢ જિલ્લાના વિસાવદરથી હવાલાકાંડ સંબંધિત વધુ એક વીડિયો વાયરલ થયો છે. વીડિયો વાયરલ તથા રાજકીય હલચલ મચી છે. વીડિયોમાં મતદારોને પૈસા વહેંચવાના દાવા સાથે કેટલીક ચોંકાવનારી વિગતો પણ સામે આવી રહી છે.
Videoમાં પૈસાના કવર અને નોટોના થપ્પા
માહિતી મુજબ, આ વીડિયોમાં પૈસાના કવર બનાવી રહેલા માણસો અને નોટોના થપ્પા સ્પષ્ટ દેખાઈ રહ્યા છે. આ દરમિયાન આમ આદમી પાર્ટીના ખેસ પણ નજરે પડે છે. જેના કારણે મામલો વધુ ગંભીર બન્યો છે. માહિતી મુજબ, માંડાવડ અને રતાંગ ગામમાં પૈસા પહોંચાડવાની વીડિયોમાં ચર્ચા કરવામાં આવી છે. કરકડી અને બરડિયામાં પૈસા પહોંચાડવા અંગે વીડિયોમાં વાતચીત થઈ છે. પક્ષના કોઈ નારાજ કાર્યકર્તાએ વીડિયો વાયરલ કર્યાની આશંકા છે. સૂત્રોના જણાવ્યા મુજબ, ટિકિટ વહેંચણીનો ખાર મનમાં રાખીને બેઠેલો જુનાગઢ જિલ્લાના આમ આદમી પાર્ટીનો એક નેતા તકની રાહ જોઈને બેઠા હતા અને તેણે જ જઈને આ સ્ટિંગ ઓપરેશન કરેલું છે. વીડિયોમાં તેનો અવાજ જુનાગઢના AAPના આ નેતા સાથે મેચ પણ થાય છે, તેમ પાર્ટીના જ નેતાઓમાં ચર્ચા થઈ રહી છે.
Breaking News: કન્ટેન્ટ ચોરીના કિસ્સાઓ બાદ AAP ગુજરાતનું ફેસબુક-ઇન્સ્ટાગ્રામ એકાઉન્ટ પ્રતિબંધિત
સિંહબાળના મોતનો આંકડો વધતા વન વિભાગ એલર્ટ, વનતારાની ટીમ પણ પહોંચી
મુન્દ્રામાં ઝડપાયેલા કોકેઈન કેસમાં આંતરરાષ્ટ્રીય ડ્રગ ડીલરની આશંકા
ઘરેણાં અને પ્રાચીન વસ્તુમાં રોકાણ કરો, નાણાકીય સમસ્યાનો ઉકેલ આવશે
વાલીઓ પર મોંઘવારીનો ડામ! સ્કૂલ વાન-રિક્ષાના ભાડામાં 10% નો 'વધારો'
