Birthday Wish: આયુષ્માન ખુરાનાએ તાહિરા માટે લખી બર્થડે નોટ, 21 વર્ષ પહેલાં પત્ની માટે ગાયેલું ગીત કર્યું શેર

આયુષ્માન ખુરાના (Ayushmann Khurrana)એ બોલીવુડ અભિનેતાઓમાંથી એક છે જેઓ તેમના ગંભીર અને અલગ પાત્રો માટે જાણીતા છે. તેનો કરિયર ગ્રાફ દર્શાવે છે કે, તે તેના કામ પ્રત્યે કેટલો સમર્પિત છે. આ સાથે આયુષ્માન પોતાના પરિવાર પ્રત્યે પણ ખૂબ જ સમર્પિત છે. આયુષ્માને ઈન્ડસ્ટ્રીમાં પગ મૂકતા પહેલા જ તાહિરા (Tahira Kashyap Khurrana) સાથે લગ્ન કરી લીધા હતા. બંનેની લવ સ્ટોરી ખૂબ જ ખાસ (Aayushmann Khurrana Love Story) છે. આયુષ્માને તેની પત્નીના જન્મદિવસ પર એક સુંદર બર્થડે નોટ લખી છે. તે જન્મદિવસની નોટમાં, અભિનેતાએ તેની લવ સ્ટોરી વિશે ખુલાસો કર્યો હતો અને જણાવ્યું હતું કે, તેણે 2001માં પહેલીવાર તાહિરા માટે ગીત ગાયું હતું. તેણે તે ગીત ઈન્સ્ટાગ્રામ પર પણ પોસ્ટ કર્યું છે. પત્નીના જન્મદિવસ પર પત્ની માટે લખેલી આ બર્થડે નોટ તેના ફેન્સને પસંદ આવી રહી છે.

આયુષ્માન ખુરાનાની ઇન્સ્ટાગ્રામ પોસ્ટ

View this post on Instagram

A post shared by Ayushmann Khurrana (@ayushmannk)

આયુષ્માન ખુરાનાએ પોતાના ઈન્સ્ટાગ્રામ પર પત્ની તાહિરા કશ્યપ ખુરાના માટે એક ઈન્સ્ટાગ્રામ પોસ્ટ લખી છે. જેમાં તેણે પોતાના પ્રેમના દિવસોનો ઉલ્લેખ કર્યો છે. તેણે લખ્યું કે, તાહિરાને જન્મદિવસની ખૂબ ખૂબ શુભેચ્છાઓ! કે એ પહેલું ગીત છે જે મેં તમારા માટે 2001ના શિયાળામાં સુખના લેકના પગથિયાં પર બેસીને ગાયું હતું. ઘણા સમયથી તમારા માટે ગીત ગાયું નથી. હું બહુ જલ્દી આ ફરી કરવા માંગુ છું. હવે મને વધુ મિસ ન કરશો.બરાબર! આયુષ્માનની પોસ્ટ તેના ફેન્સ દ્વારા ખૂબ પસંદ કરવામાં આવી રહી છે.

ફિલ્મી કરિયર શરૂ કરતા પહેલા લગ્ન કરી લીધા હતા

આયુષ્માન ખુરાના અને તાહિરા કશ્યપની લવ સ્ટોરી ખૂબ જ રસપ્રદ છે. જ્યારે બંને ઈન્ડસ્ટ્રીમાં પોતાની ઓળખ બનાવી રહ્યા હતા ત્યારે બંનેએ એકબીજાને સપોર્ટ કર્યો હતો. આયુષ્માને 2012માં ફિલ્મ ‘વિકી ડોનર’થી પોતાના ફિલ્મી કરિયરની શરૂઆત કરી હતી, પરંતુ તે પહેલા 2008માં આયુષ્માને તાહિરા કશ્યપ સાથે લગ્ન કર્યા હતા. આયુષ્માનને 2 નાના બાળકો પણ છે. અભિનેતાના શરૂઆતના દિવસોમાં તાહિરા સાથે મજબૂત સંબંધ હતો, જે તેની સફળતા પછી પણ ટકી રહ્યો હતો. આયુષ્માનનું લગ્ન જીવન સમગ્ર ફિલ્મ ઈન્ડસ્ટ્રીમાં એક ઉદાહરણ જેવું છે.

આ પણ વાંચો: Gehraiyaan: રણવીર સિંહે દીપિકા પાદુકોણની ‘ગહરાઈયાં’ના ટ્રેલરની કરી પ્રશંસા, કહી દીધુ કંઈક આવું

આ પણ વાંચો: Sushant Singh Rajput Birthday: સુશાંત સિંહના 10 બેસ્ટ ફિલ્મી ડાયલોગ્સ, જે હંમેશા ફેન્સના મનમાં ગુંજતા રહેશે