B’day Special: આજે 72મો જન્મદિવસ ઉજવી રહ્યા છે હેમા માલિની, જાણો કયા હીરોને મળવા પર પિતાએ લગાવ્યો હતો પ્રતિબંધ
બોલિવૂડ અભિનેત્રી હેમા માલિની (Hema Malini) આજે પોતાનો 72મો જન્મદિવસ ઉજવી રહ્યા છે. અભિનેત્રીએ પોતાની ફિલ્મી કારકિર્દીમાં એકથી વધુ એક સુપરહિટ ફિલ્મો આપી છે. આજે પણ લોકો તેમના અભિનય અને નૃત્યના દીવાના છે.
આજે બોલિવૂડની ડ્રીમ ગર્લ હેમા માલિની (Hema Malini)નો જન્મદિવસ છે. તેઓ તેમના સમયના સૌથી સુંદર અભિનેત્રીઓમાંની એક રહ્યા છે. તે સમયે, હેમા માલિનીના ચાહકો માત્ર ફેન્સ જ નહીં, પરંતુ ઘણા બોલિવૂડ કલાકારો પણ હતા.
અભિનેત્રીએ પોતાની ફિલ્મી કારકિર્દીમાં એકથી એક હિટ ફિલ્મો આપી છે. દરેક વ્યક્તિ અભિનેત્રીના અભિનય તેમજ તેમની સુંદરતા માટે દિવાના છે. હેમા માલિની માત્ર અભિનયમાં જ નહીં પણ નૃત્યની ઘણી કળામાં પારંગત છે. 72 વર્ષની ઉંમરે પણ અભિનેત્રી ખૂબ જ ફિટ અને સુંદર દેખાય છે. ફિલ્મી કારકિર્દીની સાથે અભિનેત્રી રાજકારણમાં પણ ખૂબ સક્રિય હતા. હાલમાં તે મથુરાથી ભાજપના સાંસદ છે. તેમના જન્મદિવસના ખાસ પ્રસંગે તેમના જીવન સાથે જોડાયેલી રસપ્રદ બાબતો જાણીએ.
અભ્યાસની સાથે મળવા લાગી ફિલ્મની ઓફર
હેમા માલિની દક્ષિણ ભારતથી આવે છે. તેમણે હિન્દી ફિલ્મોમાં ઘણું નામ કમાવ્યું. આજે પણ લોકો તેમના અભિનયના વખાણ કરતા થાકતા નથી. હેમા માલિનીને 10માં ધોરણથી ફિલ્મોની ઓફર મળવા લાગી અને 11માં ધોરણથી ફિલ્મોમાં કામ કરવાનું શરૂ કર્યું હતું.
વર્ષ 1961માં તેમણે તેલુગુ ફિલ્મ ‘પાંડવ વનવાસન’માં નૃત્યાંગનાની ભૂમિકા ભજવી હતી. તેમણે પોતાની કારકિર્દીની શરૂઆત 1968માં ‘સપનો કે સૌદાગર’થી કરી હતી. આ ફિલ્મમાં રાજ કપૂર મુખ્ય ભૂમિકામાં હતા અને તેમણે કહ્યું હતું કે તમે ફિલ્મી જગતના મોટા સ્ટાર બનશો અને એવું જ થયું.
આ પછી હેમા માલિનીએ 1970માં ‘જોની મેરા નામ’માં કામ કર્યું. આ તેમની કારકિર્દીની સુપરહિટ ફિલ્મ હતી. આ પછી ‘સીતા ઔર ગીતા'(Seeta Aur Geeta) , ‘શોલે’ (Sholay), ‘ડ્રીમગર્લ’ (Dream Girl), ‘સત્તે પે સત્તા’ (Satte Pe Satta) સહિત ઘણી ફિલ્મો સામેલ છે.
‘શોલે’ના શૂટિંગ દરમિયાન આવ્યા ધર્મેન્દ્રની નજીક
હેમા માલિની અને ધર્મેન્દ્રના ઘણા કિસ્સાઓ મશહુર છે. તે દરમિયાન તેમના પ્રેમના સમાચારો હેડલાઈન્સમાં રહ્યા હતા. પરંતુ હેમા માલિનીના પિતા આ સંબંધથી ખુશ નહોતા. તેથી જ તે દરેક ક્ષણે હેમા માલિની સાથે રહેતા હતા, જેથી અભિનેત્રી ધર્મેન્દ્રને ન મળી શકે. વાસ્તવમાં હેમા માલિનીના પિતા ઈચ્છતા ન હતા કે તેમની પુત્રીનું નામ પરિણીત ધર્મેન્દ્ર સાથે જોડાય, તેથી હેમા માલિની સાથે શૂટિંગ કરતી વખતે હંમેશા પરિવારના કોઈને કોઈ સભ્ય હાજર રહેતા. લાખો પ્રયત્નો છતાં ધર્મેન્દ્રએ 1980માં હેમા માલિની સાથે બીજા લગ્ન કર્યા.
આ પણ વાંચો:- IPhone 13 પડવાથી ઉર્વશી રૌતેલીનું તૂટી ગયું દિલ, ફોનની સ્થિતિ જોઈને ઉડયા હોશ
આ પણ વાંચો:- Mouni Royની સ્ટાઈલ જોઈને ધડક્યું ચાહકોનું દિલ, જુઓ પિંક ડ્રેસમાં અભિનેત્રીના હોટ Photos
Latest News Updates
