Breaking News : રાખી સાવંતની મુંબઈ પોલીસે ધરપકડ કરી, મોડલનો પ્રાઈવેટ વીડિયો વાયરલ કરવો ભારે પડ્યો

Rakhi Sawant Arrested: અભિનેત્રી રાખી સાવંત દરરોજ ચર્ચામાં રહે છે. ડ્રામા ક્વીન તરીકે જાણીતી રાખી ઘણી વખત વિવાદોનો પણ ભાગ બની છે. આ દરમિયાન ફરી એકવાર તે નવી મુશ્કેલીમાં મુકાય છે. રાખી સાવંતની મુંબઈ અંબોલો પોલીસે ધરપકડ કરી છે. ડ્રામા ક્વીન પર એક મોડલનો ખાનગી વીડિયો વાયરલ કરવાનો આરોપ છે. જેના કારણે તેની ધરપકડ કરવામાં આવી છે.

રાખી સાવંતની ધરપકડ

રાખી આજે બપોરે 3 વાગે તેની ડાન્સ એકેડમી લોન્ચ કરવાની હતી. પરંતુ તેની ખુશી મનાવતા પહેલા જ તે કાયદાકીય ગૂંચવણમાં ફસાઈ ગઈ છે.  શર્લિન ચોપરાએ ગત વર્ષે રાખી સાવંત વિરુદ્ધ FIR નોંધાવી હતી. જેની સામે કાર્યવાહી કરીને પોલીસે રાખીની ધરપકડ કરી છે. શર્લિને આ વાતની જાણકારી પોતાના ટ્વીટ દ્વારા બધા સાથે શેર કરી છે. અભિનેત્રીએ ટ્વીટ કરીને લખ્યું કે, ‘અંબોલી પોલીસે FIR 883/2022ના સંબંધમાં રાખી સાવંતની ધરપકડ કરી છે. રાખી સાવંતના ABA 1870/2022ને ગઈકાલે મુંબઈ સેશન્સ કોર્ટે ફગાવી દીધી હતી.

BREAKING NEWS!!!

AMBOLI POLICE HAS ARRESTED RAKHI SAWANT IN RESPECT WITH FIR 883/2022

YESTERDAY, RAKHI SAWANT’S ABA 1870/2022 WAS REJECTED BY MUMBAI SESSIONS COURT

— Sherlyn Chopra (शर्लिन चोपड़ा)🇮🇳 (@SherlynChopra) January 19, 2023

રાખી પોતાના લગ્નને લઈને ચર્ચામાં

છેલ્લા ઘણા દિવસોથી રાખી પોતાના લગ્નને લઈને ચર્ચામાં છે. બોયફ્રેન્ડ આદિલ ખાનની સાથેના તેના લગ્નની તસવીરોએ બધાનું ધ્યાન ખેંચ્યું હતું. રાખીએ ખુલાસો કર્યો હતો કે તેણે 7 મહિના પહેલા આદિલ સાથે લગ્ન કર્યા હતા. લગ્નની સાથે બંનેએ કોર્ટ મેરેજ પણ કર્યા છે. જેનો પુરાવો પણ રાખી સાવંતે બધાની સામે રજૂ કર્યો છે.

પ્રાપ્ત માહિતી અનુસાર મુંબઈ પોલીસનું કહેવું છે કે શર્લિન ચોપરાની ફરિયાદ પર રાખી સાવંત વિરુદ્ધ આઈપીસી અને આઈટી એક્ટની અનેક કલમો હેઠળ એફઆઈઆર નોંધવામાં આવી છે. ફરિયાદીનો આરોપ છે કે તેણે શાર્લિન ચોપરાના એક ખાનગી વીડિયોનો ઉપયોગ કર્યો હતો અને પ્રેસ કોન્ફરન્સ દરમિયાન તેના માટે અભદ્ર ભાષાનો ઉપયોગ કર્યો હતો. જો કે આ મામલે રાખીનું નિવેદન પણ સામે આવ્યું છે. રાખીએ કહ્યું કે તે કહેતા ખૂબ જ દુઃખી છે કે ચાર્લીન પર ટિપ્પણી કરવાથી તેના જીવનમાં ઉથલપાથલ થઈ છે.