આમિર ખાન અને ‘Laal Singh Chaddha’ની ટીમ પર લાગ્યો પ્રદૂષણ ફેલાવવાનો આરોપ, સેટથી વાયરલ થયો Video

બોલિવૂડ એક્ટર આમિર ખાન (Aamir Khan) હાલમાં પોતાની આગામી ફિલ્મ લાલ સિંહ ચઢ્ઢા (Laal Singh Chaddha)નું શૂટિંગ લદ્દાખ (Ladakh)માં કરી રહ્યા છે. આમિર ખાન તેમની આખી ટીમ સાથે અહીં પહોંચ્યા છે, જ્યાં તેની પૂર્વ પત્ની કિરણ રાવ પણ તેમની સાથે અહીં હાજર છે. આ દરમિયાન અભિનેતાની ફિલ્મની ટીમ પર લદ્દાખમાં પ્રદૂષણ ફેલાવવાનો આરોપ લગાવવામાં આવ્યો છે.

Web Stories View more

કરીના કપૂરને મળી મોટી જવાબદારી, જુઓ ફોટો

ઘરમાં એકથી વધુ તુલસીના છોડ રાખવા જોઈએ કે નહીં? જાણી લો

શું મગફળી ખાવાથી વજન વધે છે? જાણો એક્સપર્ટ શું કહે છે

આજનું રાશિફળ તારીખ : 05-05-2024

આંખના નંબર ઓછા કરવામાં મદદ કરનાર લીલા ધાણાને ઘરે ઉગાડો, આ સરળ ટીપ્સ અપનાવો

મુકેશ અંબાણીએ એક જ દિવસમાં 43,000 કરોડ રૂપિયા ગુમાવ્યા, આ છે મોટું કારણ

‘લાલ સિંહ ચઢ્ઢા’ની ટીમ અહીં આ ફિલ્મના છેલ્લા શિડ્યુલનું શૂટિંગ કરી રહી છે. આવી સ્થિતિમાં લદ્દાખના કેટલાક ખાસ વીડિયો વાયરલ થયા છે, જેમાં ફિલ્મની ટીમ કચરો ફેલાવતી જોવા મળી છે. ટ્વીટર પર એક વીડિયો સામે આવ્યો છે, જે લદ્દાખના વાખા ગામની નજીકનો છે.

આ વીડિયોમાં યુઝરે બતાવ્યું છે કે ફિલ્મની ટીમ સતત ફિલ્મના સેટની આજુબાજુ કચરાનો ઢગલો બનાવી રહી છે. જ્યાં દરેક જગ્યાએ કચરાની વસ્તુઓ અને પ્લાસ્ટિકની અનેક પાણીની બોટલો ફેંકી દેવામાં આવી છે. આ વીડિયો જોઈને સ્પષ્ટ થાય છે કે ફિલ્મની ટીમ અહીં પ્રદૂષણ ફેલાવવા માટે ખૂબ જ ઝડપથી કામ કરી રહી છે. આ વીડિયો પોસ્ટ કરતી વખતે યુઝરે કેપ્શનમાં લખ્યું કે, “આ ખૂબ જ ખાસ ભેટ છે. આમિર ખાનની આગામી ફિલ્મ લાલ સિંહ ચઢ્ઢાની ટીમ તરફથી વાખામાં રહેતા ગ્રામજનો માટે.”

This is the gift Bollywood star Amir Khan's upcoming movie Lal Singh Chada has left for the villagers of Wakha in Ladakh. Amir Khan himself talks big about environmental cleanliness at Satyamev Jayate but this is what happens when it comes to himself. pic.twitter.com/exCE3bGHyB

— Jigmat Ladakhi 🇮🇳 (@nontsay) July 8, 2021

તેણે વધુમાં પોતાના કેપ્શનમાં લખ્યું છે કે “આમિર ખાન પોતે સત્યમેવ જયતેમાં પર્યાવરણને સાફ કરવાની મોટી વાતો કરે છે, પરંતુ જ્યારે તે પોતાના પર આવે તો આવુ જોવા મળે છે.” આમિર ખાનની ટીમ અહીં 45 દિવસના લાંબા શેડ્યૂલ પર આવી છે. જેના કારણે અહીંના ગ્રામજનો આ બધુ જોયા પછી ખૂબ જ નિરાશ થઈ રહ્યા છે. અભિનેતા વિશેનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. જ્યાં ઘણા યૂઝર્સ તેમની સામે કાર્યવાહી કરવાની માંગ પણ કરી રહ્યા છે.

તમને જણાવી દઈએ કે હાલમાં જ તેલુગુના જાણીતા અભિનેતા નાગા ચૈતન્ય (Naga Chaitanya) શૂટિંગ માટે આ ફિલ્મની ટીમમાં જોડાયા છે. આ ફિલ્મમાં અભિનેતા આમિર ખાન સાથે જોવા જઈ રહ્યા છે. નાગા ચૈતન્ય આ ફિલ્મથી બોલિવૂડમાં એન્ટ્રી કરવા જઈ રહ્યા છે.

જેના કારણે પ્રેક્ષકો પણ આ નવી એન્ટ્રીને લઈને ખૂબ ઉત્સાહિત છે. આમિર ખાનની સાથે આ ફિલ્મમાં આપણને કરીના કપૂર ખાન પણ જોવા મળશે, જેમણે આ ફિલ્મનું શૂટિંગ પહેલા પૂર્ણ કરી લીધું છે. હવે જોવું રહ્યું કે આમિર ખાન આ ફિલ્મને હવે ક્યારે રિલીઝ કરે છે. આ ફિલ્મનું દિગ્દર્શન અદ્વૈત ચંદન કરી રહ્યા છે. જેના કારણે આમિર ખાનની આખી ટીમને આ ફિલ્મથી ઘણી આશાઓ છે.

આ પણ વાંચો: Photos: મુંબઈમાં ખૂબ જ ફ્રેશ સ્ટાઈલમાં જોવા મળી Sara Ali Khan, ચાહકો સાથે લીધી ઘણી બધી સેલ્ફી