UP Election: પીએમ મોદીએ હરદોઈમાં કહ્યું- યુપીએ બે વખત હોળી ઉજવવાની તૈયારી કરી છે, 10 માર્ચે ભાજપની જીત સાથે રમાશે હોળી

ઉત્તર પ્રદેશ વિધાનસભા ચૂંટણી (UP Election 2022) માટે વડાપ્રધાન નરેન્દ્ર મોદી (PM Narendra Modi) એ રવિવારે ઉત્તર પ્રદેશના હરદોઈ (Hardoi) માં જાહેર સભાને સંબોધી હતી. અહીં પીએમ મોદીએ વિપક્ષી પાર્ટીઓ પર જોરદાર નિશાન સાધ્યું. પીએમ મોદીએ પરિવારવાદનો મુદ્દો ઉઠાવ્યો હતો. તેમણે કહ્યું, આ ‘કુટુંબવાદીઓ’ હવે જાતિના નામે ઝેર ફેલાવી રહ્યા છે. આવા લોકો ખુરશી માટે પોતાના જ પરિવાર સાથે લડે છે. તમે જે ડબલ એન્જિન સરકારને મત આપ્યો છે તે કોઈ પરિવારની નથી અને કેન્દ્ર સરકાર પણ કોઈ પરિવારની નથી. અમારી સરકાર ગરીબો, ખેડૂતો અને યુવાનો માટે છે.

પીએમ મોદીએ કહ્યું, મને દુઃખ છે કે 2014-2017 સુધી આ ‘પરિવારવાદીઓએ’ મને સાથ આપ્યો નથી. હું યુપીનો સાંસદ છું, પરંતુ 2017 સુધી તેઓએ (તત્કાલીન સરકારે) મને યુપીના લોકો માટે કામ કરવા દીધું ન હતું. જો તમે તેમને પાછા લાવો, તો શું તેઓ મને તમારા માટે કામ કરવા દેશે? યુપીમાં ગરીબો માટે કામ ત્યારે શરૂ થયું જ્યારે 2017માં તમે અહીં ડબલ એન્જિનની સરકાર બનાવી. આ પાંચ વર્ષમાં અમે હરદોઈના લગભગ 70,000 ગરીબ પરિવારોને ઘર આપ્યા છે.

Web Stories View more

લાઈવ મેચમાં સચિન તેંડુલકરના પુત્ર અર્જુને કર્યું એવુંકામ, આ દિગ્ગજ ખેલાડી ગુસ્સાથી જોવા લાગ્યો

આજનું રાશિફળ તારીખ : 18-05-2024

ત્રીજા લગ્નના 4 મહિના બાદ હનીમૂન પર પહોંચ્યો ક્રિકેટર, પત્ની સાથે રોમેન્ટિક થઈ આપ્યા પોઝ

ગંભીરે નકારી કાઢ્યો અબજોનો બિઝનેસ, ક્રિકેટથી બન્યો 200 કરોડનો માલિક

ગૌતમ ગંભીરનો નિર્ણય શાહરૂખ ખાનને રડાવી દેશે, BCCI તરફથી મળી શકે છે ખાસ ઓફર

ખરતા વાળથી છુટકારો મેળવવા માટે રોજ એક વાર પીવો આ જ્યુસ

બે વખત ઉજવવામાં આવશે હોળી

પીએમ મોદીએ કહ્યું, હું જાણું છું કે આ વખતે હરદોઈ અને યુપીના લોકોએ બે વખત રંગોથી હોળી રમવાની તૈયારી કરી છે. ભાજપની બમ્પર જીત સાથે 10 માર્ચે પ્રથમ હોળીની ઉજવણી કરવામાં આવશે. પરંતુ જો 10 માર્ચે હોળી ધામધૂમથી મનાવવાની હોય તો તેની તૈયારીઓ હવે મતદાન મથકમાં કરવી પડશે, અને ઘરે-ઘરે જવું પડશે.

આજે ત્રીજા તબક્કામાં પણ કોઈ વિભાજન વિના કમળના પ્રતિક પર ભારે મતદાન થઈ રહ્યું છે. આજે યુપીની સાથે-સાથે પંજાબમાં પણ મતદાન થઈ રહ્યું છે, ત્યાંના લોકો પણ પંજાબના વિકાસ, પંજાબની સુરક્ષા અને દેશની અખંડિતતા માટે ભાજપને સમર્થન આપીને મોટી સંખ્યામાં મતદાન કરી રહ્યા છે.

These ‘parivarvadis’ are now spreading venom in the name of caste. Such people fight with their own family for chair. The double engine govt you voted for doesn’t belong to any family, nor the govt at Centre belongs to any family. Our govt is for the poor,farmer & youth: PM Modi pic.twitter.com/bYuk0XWB7u

— ANI UP/Uttarakhand (@ANINewsUP) February 20, 2022

મહેમાનની જેમ આવતી વીજળી

વિપક્ષો પર નિશાન સાધતા વડાપ્રધાન મોદીએ કહ્યું કે, જે લોકો ત્યારે તમારા ઘરોને અંધારામાં રાખતા હતા, માત્ર તેમના ઘરોમાં રોશની કરતા હતા, તેઓ આજે તમને ખોટા વચનો આપી રહ્યા છે. યાદ રાખો, તમારા ગામડાઓને તેમના સમય દરમિયાન દિવસમાં કેટલા કલાક વીજળી મળતી હતી, અઠવાડિયામાં કેટલા કલાક વીજળી મળતી હતી?

મને યાદ છે કે ઉત્તર પ્રદેશમાં વીજળી આવે તો એક સમયે સમાચાર બનતા હતા. વીજળી જતી રહે એ સ્વાભાવિક હતું, જેમ ઘરમાં વર્ષમાં કોઈક વાર મહેમાન આવે, એવી જ રીતે અહીં વીજળી પણ મહેમાન બનીને આવતી. જેમના અંધકારમાં અંધારું શોષણ ખીલે છે, તે પરિવારવાદીઓ રાજ્યને ક્યારેય પ્રકાશ આપી શકતા નથી.

અમે મીઠું ખાધું છે, છેતરશે નહીં

વડાપ્રધાન નરેન્દ્ર મોદીએ કહ્યું કે, હું ગઈકાલે સોશિયલ મીડિયા પર એક વીડિયો જોઈ રહ્યો હતો. મીડિયાવાળાએ ગરીબ વૃદ્ધ માતાને પ્રશ્ન પૂછ્યો કે તમારી જગ્યાએ ચૂંટણી ક્યારે છે, તે માતાએ ચોક્કસ તારીખ કહ્યું કે અમારી આ તારીખે ચૂંટણી છે. પરંતુ તે પછી માતાએ પણ કહ્યું કે અમે મીઠું ખાધું છે, અમે છેતરાઈશું નહીં. આપણે સૌએ મા ભારતીનું મીઠું ખાધું છે, આપણે ભારતનું મીઠું ખાધું છે.

આ પણ વાંચો: UP Punjab Election: ઉત્તર પ્રદેશમાં 59 અને પંજાબમાં 117 બેઠકો માટે આજે ચૂંટણી

આ પણ વાંચો: UP Election 2022: લખનૌમાં ગૃહમંત્રી અમિત શાહે કહ્યું- પહેલાની સરકારો જાતિ જોઈને FIR દાખલ કરતી હતી, અમે ગુનો જોઈએ છીએ