Gujarat Election 2022 : ડાંગમાં ચૂંટણી દરમ્યાન 13 ચેકપોસ્ટ ઉભી કરાશે, 2000 થી વધુ પોલીસકર્મીઓ તૈનાત થશે
જિલ્લા પોલીસ અધિક્ષક રવિરાજસિંહજી જાડેજાએ ચૂંટણી દરમિયાન કાયદો અને વ્યવસ્થાની પરિસ્થિતિ સુપેરે જળવાઈ રહે તે માટે બે હજારથી વધુ પોલીસ અધિકારીઓ, જવાનો અને ૪ જેટલી CRPF કંપનીના જવાનો ફરજઉપર નિયુક્ત કરાયા હોવાનું જણાવ્યુ હતુ.
ડાંગ વિધાનસભા મતવિસ્તારની યોજાનારી સામાન્ય ચૂંટણી પુર્ણ પારદર્શકતા સાથે, નિષ્પક્ષ અને ન્યાયી વાતાવરણમા યોજાય તે માટે જિલ્લાનુ ચૂંટણી પ્રશાસન સંપૂર્ણ સજ્જ છે તેમ જિલ્લા ચૂંટણી અધિકારી ધર્મેન્દ્રસિંહજી જાડેજાએ પત્રકારો સાથે વાતચીત કરતા જણાવ્યુ હતુ. ડાંગ જિલ્લા સેવા સદન ખાતે પત્રકારો સાથેની વાતચીતમાં જિલ્લાકલેકટરે ચૂંટણીલક્ષી વિગતો આપી એપ, હેલ્પલાઇન નંબરો, સ્વીપ એક્ટિવિટી, ગ્રીન મતદાન મથક, મહિલા મતદાન મથક, યુવા મતદાન મથક, પીડબ્લ્યુડી મતદાન મથક, આદર્શ મતદાન મથક, જુદી જુદી સમિતિઓ અને સ્કવોડ જેવી બાબતોની વિગતો રજૂ કરી હતી. કલેકટરે નિષ્પક્ષ, ન્યાયી અને પારદર્શક ચૂંટણી પ્રક્રિયા માટે તમામને સહયોગ આપવાની અપીલ કરી હતી.
13 ચેકપોસ્ટ ઉભી કરાશે
જિલ્લા પોલીસ અધિક્ષક રવિરાજસિંહજી જાડેજાએ ચૂંટણી દરમિયાન કાયદો અને વ્યવસ્થાની પરિસ્થિતિ સુપેરે જળવાઈ રહે તે માટે બે હજારથી વધુ પોલીસ અધિકારીઓ, જવાનો અને ૪ જેટલી CRPF કંપનીના જવાનો ફરજઉપર નિયુક્ત કરાયા હોવાનું જણાવ્યુ હતુ. જિલ્લા પોલીસ વડાએ દસ જેટલી આંતરરાજ્ય ચેકપોસ્ટ અને ત્રણ આંતરિક ચેકપોસ્ટ મળી કુલ 13 જેટલી ચેકપોસ્ટ ઉભી કરવામાં કરવામા આવી હોવાનું ઉમેર્યું હતું. જિલ્લામા અનઅધિકૃત હેરાફેરી ઉપર પણ પોલીસ ચાપતી નજર રાખી રહી છે તેમ જણાવી SP એ સોશિયલ મીડિયા અને ફેક ન્યુઝ જેવી બાબતોએ પણ વિશેષ તકેદારી દાખવવામા આવી રહી હોવાનું વધુમા ઉમેર્યું હતુ.
બેઠક દરમિયાન ખર્ચના નોડલ ઓફિસર એવા જિલ્લા વિકાસ અધિકારી ડો.વિપિન ગર્ગએ તેમની કામગીરીની બાબતો રજૂ કરી હતી. જિલ્લા સેવા સદન ખાતે યોજાયેલી પત્રકાર પરિષદમાં નિવાસી અધિક કલેકટર પી.એ.ગાવિત, નાયબ જિલ્લા ચૂંટણી અધિકારી એસ. ડી. ચૌધરી, ચૂંટણી મામલતદાર મેહુલ ભરવાડ સહિત મીડિયા કમિટીના નોડલ ઓફિસર અને સહાયક માહિતી નિયામક મનોજ ખેંગાર ઉપસ્થિત રહ્યા હતા.
ઉલ્લેખનીય છે કે, ડાંગ જિલ્લામા કુલ 335 જેટલા મતદાન મથકો પર 1 લાખ 93 હજાર 257 મતદારો સહિત 41 સેવા મતદારો મળી કુલ 1 લાખ 93 હજાર 298 મતદારો તેમના મતાધિકારનો ઉપયોગ કરશે.
7 સખી મતદાન મથક ઉભા કરાશે
સ્ત્રી પુરુષ સમાનતાનો સંદેશ અને પર્યાવરણ જાળવણી અંગે લોકોને સંદેશ મળે તે હેતુ સાથે 7 જેટલા સખી બુથ રહેશે જે બુથ 100 ટકા મહિલા સંચાલિત રહેશે સાથે 1 બુથ 100 ટકા ઇકો ફ્રેન્ડલી બુથ હશે જેમાં ઉપયોગમાં આવતી તમામ સામગ્રી ઇકો ફ્રેન્ડલી લેવામાં આવશે.
