Surat Bardoli Election Result 2022 LIVE Updates: બારડોલી વિધાનસભા બેઠક પર ભાજપના ઈશ્વર પરમારની જીત

ગુજરાતની બારડોલી-ST પશ્ચિમ બેઠકનું પરિણામ 2022 LIVE Updates: Gujarat Election Result  બારડોલી વિધાનસભા બેઠક પર ભાજપના ઈશ્વર પરમારની જીત થઈ છે. આ વખતની ટર્મમાં કોંગ્રેસે પન્ના પટેલને ટિકિટ આપીને  ચૂંટણીના મેદાનમાં ઉતાર્યા હતા. તેમને  ધોરણ 10 સુધીનો અભ્યાસ કર્યો છે. ત્યારે ભાજપે ઈશ્વર પરમારને ટિકિટ આપી છે. તેમની પાસે રૂપિયા 4277743ની જંગમ મિલકત છે. અભ્યાસની વાત કરીએ તો તેમને 12 નાપાસ સુધીનું શિક્ષણ મેળવ્યું છે. ત્યારે આમ આદમી પાર્ટીએ ભાજપ અને કોંગ્રેસના ઉમેદવાર સામે રાજેન્દ્ર પ્રસાદ મોરથાનાને ઉમેદવાર તરીકે ચૂંટણીના મેદાનમાં ઉતાર્યા હતા. તેમની પાસે રૂપિયા 1610860ની જંગમ મિલકત છે. અભ્યાસની વાત કરીએ તો તેમણે B.Com કર્યુ છે. ત્યારે હાલ આ બેટઠ પર ભાજપનો ભગવો લહેરાયો છે.

2017માં ભાજપ તરફે રહ્યા હતા મતદારો

વર્ષ 2017ની વિધાનસભા ચૂંટણીમાં ભાજપે રિપિટની થિયરી અપનાવીને ઈશ્વરભાઈ પરમારને જ ફરી ટીકીટ આપી હતી. કોંગ્રેસે ઉમેદવાર બદલીને ઈશ્વરભાઈ પરમારની સામે યુવા અગ્રણી તરુણ વાઘેલાને ચૂંટણીના મેદાનમાં ઉતાર્યા હતા. ભાજપ ઉમેદવાર ઈશ્વરભાઈ પરમારે કોંગ્રેસ ઉમેદવાર તરુણ વાઘેલાને 34,854 મતોથી હરાવ્યા હતા. ઈશ્વરભાઈ પરમારને 97,774 મત જ્યારે કોંગ્રેસના તરુણ વાઘેલાને 59,920 મતો મળ્યા હતા. બારડોલી વિધાનસભા મત વિસ્તારમાં કુલ 2,63,925 મતદારો નોંધાયેલા છે. જેમાં 1,36,978 પુરુષ મતદારો છે અને 1,26,943 મહિલા મતદારો છે તથા 4 અન્ય મતદારોનો સમાવેશ થાય છે. બારડોલી વિધાનસભામાં હળપતિ મતદારોની સૌથી વધુ સંખ્યા છે, જે લગભગ 60 હજાર જેટલી છે. હળપતિ મતદારોની આ સંખ્યા કુલ મતદારોના અંદાજિત 25 ટકા જેટલી છે.

સુરતની બારડોલી બેઠક પર હળપતિ સમાજનો દબદબો

આ બેઠક અનુસૂચિત જાતિના ઉમેદવાર માટે અનામત રાખવામાં આવી છે. બારડોલી બેઠક અનુસૂચિત જાતિ માટે અનામત જાહેર થયા બાદ બારડોલી વિધાનસભા બેઠક પર ભાજપનું પ્રભુત્વ રહ્યું છે. વર્ષ 2012 અને 2017ની વિધાનસભા ચૂંટણીમાં સતત બે ટર્મથી ભાજપના ઈશ્વરભાઈ પરમાર આ બેઠક પર જીતતા આવ્યા છે. વર્ષ 2008માં નવા સીમાંકન બાદ બારડોલી વિધાનસભા બેઠક અનુસૂચિત જાતિ માટે અનામત રાખવામાં આવી છે. ઉપરાંત પાટીદાર અને અનુસુચિત જાતિના મતદારો પણ ગુજરાત વિધાનસભા 2022ની ચૂંટણી પર અસર કરી શકે છે. બારડોલી વિધાનસભામાં હળપતિ સમાજ જે પક્ષની તરફેણમાં રહેશે તેની જીત થશે. કોંગ્રેસના પરંપરાગત મતદાર તરીકે ગણના પામતા હળપતિ સમાજનો છેલ્લી બે ટર્મથી ભાજપ તરફનો ઝુકાવ વધ્યો છે.

આ પણ વાંચો:

ગુજરાત વિધાનસભા ચૂંટણી લાઈવ અપડેટ

ગુજરાત ચૂંટણી પરિણામ 2022 એલાયન્સ પાર્ટી વાઈઝ ટેલી લાઈવ