ગુજરાતની જલાલપોર બેઠકનું પરિણામ 2022 LIVE Updates: Gujarat Election જલાલપોર બેઠકની વાત કરીએ તો અહીં કોંગ્રેસે 58 વર્ષીય રણજીત પંચાલને ટિકિટ આપી છે. તેમણે SSC સુધીનો અભ્યાસ કર્યો છે. તેમની પાસે 2 કરોડ 29 લાખ 65 હજાર 272 રુપિયાની જંગમ મિલકત છે. ભાજપે અહીં આર. સી.પટેલને ટિકિટ આપી છે. 63 વર્ષીય આર.સી.પટેલે ધોરણ 11 સુધીનો અભ્યાસ કર્યો છે. તેમની પાસે 90 કરોડ 69 લાખ 93 હજાર 693 રુપિયા જંગમ મિલકત છે. આ બેઠક પર આમ આદમી પાર્ટીએ પ્રદીપકુમાર બેંકવાળાને ટિકિટ આપી છે. 33 વર્ષીય પ્રદીપકુમારે MBA સુધીનો અભ્યાસ કર્યો છે. તેમની પાસે 13 લાખ 36 હજાર રુપિયા જંગમ મિલકત છે.
જલાલપોર વિધાનસભા બેઠકના રાજકીય ઇતિહાસ પર નજર કરીએ તો. 1998થી અહીં ભાજપ સત્તા પર છે. અહીં વર્ષ 2017 સુધીમાં કુલ 13 ચૂંટણી યોજાઇ ચુકી છે. જેમાં સૌથી વધુ સાત વાર કોંગ્રેસે બાજી મારી છે. સતત સાત ટર્મથી કોંગ્રેસ સત્તાનો પરચમ લહેરાવી રહી હતી, પરંતુ 1998થી સત્તાના સમીકરણ બદલાયા અને સતત 5 ટર્મથી અહીં ભાજપ ચૂંટણી જીતી રહ્યું છે.
નવસારી જિલ્લાની જલાલપોર વિધાનસભા બેઠક બે-અઢી દાયકાથી ભાજપનો મજબૂત ગઢ ગણાય છે. છેલ્લી 5 ટર્મથી અહીં ભાજપ સતત જીતના શિખર સર કરી રહી છે. ધારાસભ્ય આર.સી.પટેલ 2017 સુધીની પાંચ ટર્મથી જીતતા આવ્યા છે. પહેલા કોંગ્રેસના કદાવર નેતા એવા સી.ડી.પટેલનું અહીં વર્ચસ્વ હતું. વર્ષ 2017માં ભાજપના રમેશ પટેલને 86,411 મત સાથે જીત મળી હતી તો કોંગ્રેસના પરિમલ પટેલને 60,747 મત મળ્યા હતા. ભાજપના રમેશ પટેલ 25,664 મતે જીત્યા હતા.
આ બેઠક પર સૌરાષ્ટ્ર પટેલ, કોળી પટેલ, બ્રાહ્મણ અનાવિલ, મરાઠી, માછીમાર, મુસ્લિમ, જૈન, ક્ષત્રિય, આહિર અને અનુસુચિત જનજાતિના મતદારો જોવા મળે છે. જલોલપોર મતવિસ્તારમાં કુલ 232573 મતદારો છે. જેમાં 118621 પુરુષ મતદાર 113941 મહિલા મતદાર અને 11 અન્ય મતદારો છે.
આ પણ વાંચો:
Published On - 11:00 am, Thu, 8 December 22