Gujarat Election 2022 : પોરબંદરમાં ચૂંટણી બંદોબસ્તમાં આવેલ IRBના જવાનો વચ્ચે ફાયરિંગ, બેના મોત, બે ઘાયલ

ગુજરાતના પોરબંદરમાં ચૂંટણી બંદોબસ્તમાં આવેલ IRBના જવાનો વચ્ચે વિવાદ થયો હતો. જેમાં સામસામા ફાયરિંગમાં બે જવાનોના મોત થયા છે અને બે જવાન ઘાયલ થયા છે.  જેમાં મળતી વિગત મુજબ નવી બંદર ખાતે સાયકલોન સેન્ટરમાં બે જવાન વચ્ચે ઝઘડો થયો હતો. તેમજ ઇન્ડિયન રિઝર્વ બટાલિયનના જવાનોના ઝઘડામાં ફાયરિંગ થયું હોવાનું અનુમાન છે. જેમાં એક જવાનનું ઘટના સ્થળે જ મોત થયું અન્ય ઇજાગ્રસ્તને પોરબંદર ભાવસિંહજી હોસ્પિટલ ખાતે સારવાર માટે ખસેડાયો છે. તેમજ ઘટનાની જાણ થતા પોલીસ કાફલો અને અન્ય જવાનો હોસ્પિટલ દોડી આવ્યા હતા. આ જવાનો વચ્ચે કેમ ઝધડો થયો તે અંગે હજુ કોઇ જાણકારી પ્રાપ્ત થઈ નથી. આ ઘટનામાં બે જવાનો ના મોત થયા છે તેમજ બે લોકો ગંભીર છે.ચૂંટણી બંદોબસ્તમાં આવેલ IRBની મણિપુરની બટાલિયન હોવાનું જાણવા મળ્યું છે.

પોરબંદરમાં IRB ના જવાનો વચ્ચે અંદરો-અંદર ફાયરિંગ; ફાયરિંગમાં બે લોકોના મોત#Porbandar #Gujarat #TV9News pic.twitter.com/lTlbkO2zvr

— Tv9 Gujarati (@tv9gujarati) November 26, 2022

ગુજરાતમાં બે તબક્કામાં થશે મતદાન

ગુજરાતમાં  આગામી  ચૂંટણી બે તબક્કામાં યોજાશે. જેમાં પ્રથમ તબક્કાનું મતદાન 1 ડિસેમ્બરના રોજ  તથા બીજા તબક્કાનું મતદાન  5 ડિસેમ્બરના રોજ યોજાશે. તેમજ મતગણતરી 8  ડિસેમ્બરના રોજ  હાથ ધરવામાં આવશે.ગુજરાત વિધાનસભા ચૂંટણી બે તબક્કામાં યોજાશે. પહેલા તબક્કામાં 89 બેઠક પર મતદાન પ્રક્રિયા હાથ ધરવામાં આવશે, જેમાં કચ્છ,સૌરાષ્ટ્રના  મોરબી, પોરબંદર, રાજકોટ, જુનાગઢ, અમરેલી, ભાવનગર, ભરૂચ અને દેવભૂમિ દ્વારકા સહિત દક્ષિણ ગુજરાતના કેટલાક જિલ્લાઓનો સમાવેશ થાય છે. જ્યારે બીજા તબક્કામાં   93 બેઠકો પર મતદાન કરવામાં આવશે. જેમાં ઉત્તર ગુજરાત અને મધ્ય ગુજરાતના જિલ્લાઓનો સમાવેશ થાય છે.