Deesa Election Result 2022 LIVE Updates: ડીસા વિધાનસભા બેઠક પર ભાજપના પ્રવીણ માળીની 10 હજારથી વધુ મતથી જીત
ડીસા વિધાનસભા બેઠક પર સૌથી વધુ ઠાકોર અને રજપૂત સમાજના મત છે. ઠાકોર સમાજના અંદાજિત 78 હજારથી વધુ મતદારો હોવાથી ડીસા બેઠક માં ઠાકોર સમાજના મત નિર્ણાયક ભૂમિકામાં રહે છે. ડીસા વિધાનસભા બેઠક પર ભાજપના પ્રવીણ માળીની જીત થઈ છે, જ્યારે કોંગ્રેસના સંજય રબારીની હાર થઈ છે.
ગુજરાતની ડીસા બેઠકનું પરિણામ 2022 LIVE Updates: Gujarat Election 2022 ડીસા વિધાનસભા બેઠક પર ભાજપના પ્રવીણ માળીની જીત થઈ છે, જ્યારે કોંગ્રેસના સંજય રબારીની હાર થઈ છે. આ વખતની ટર્મમાં કોંગ્રેસે સંજયકુમાર ગોવાભાઈ રબારીને ટિકિટ આપી ડીસાથી ચૂંટણીના મેદાનમાં ઉતાર્યા છે. તેમની પાસે રૂપિયા 29972136 ની જંગમ મિલકત છે. તેમને BCOM સુધીનો અભ્યાસ કર્યો છે. ત્યારે ભાજપે પ્રવિણકુમાર ગોરધનજી માળીને ટિકિટ આપી છે. તેમની પાસે રૂપિયા 16596366 ની જંગમ મિલકત છે. અભ્યાસની વાત કરીએ તો તેમને BCOM સુધીનું શિક્ષણ મેળવ્યું છે. ત્યારે આમ આદમી પાર્ટીએ ભાજપ અને કોંગ્રેસના ઉમેદવાર સામે રમેશભાઈ પટેલને ઉમેદવાર તરીકે ચૂંટણીના મેદાનમાં ઉતાર્યા છે. તેમની પાસે રૂપિયા 12761875 ની જંગમ મિલકત છે. અભ્યાસની વાત કરીએ તો DOCTOR નો અભ્યાસ કર્યો છે.
બેઠકનો ઇતિહાસ
2012 અને 2017 માં ભાજપ ના લીલાધર વાઘેલા સામે કોંગ્રેસના ઉમેદવારની હાર થઈ હતી. ધારાસભ્ય લીલાધર વાઘેલા 2014 માં સાંસદની ચૂંટણી લડ્યા હતા. બેઠક ખાલી પડતા ડીસા વિધાનસભા પેટ ચૂંટણીમાં કોંગ્રેસના ગોવાભાઈ દેસાઈ સામે ભાજપ માંથી ઠાકોર સમાજના લેબજી ઠાકોર ની હાર થઈ હતી. 2017 ની ચૂંટણી માં કોંગ્રેસે સીટીંગ ધારાસભ્ય ગોવાભાઈ ને રિપીટ કર્યા હતા જ્યારે ભાજપે બેઠક ઉપર વિજય મેળવ્યો હતો.
મતદારોની સંખ્યા
ડીસા વિધાનસભા મત વિસ્તારમાં છેલ્લા 5 વર્ષ માં કુલ 39500 જેટલા મતદારોનો વધારો થયો છે 2017 માં કુલ 249850 મતદારો હતા. 5 વર્ષ બાદ 2022 ની વિધાનસભા ની ચૂંટણી માં કુલ 289384 મતદારો તેમના મતાધિકાર નો ઉપયોગ કરશે.જેમાં પુરુષ મતદારો ની સંખ્યા 150428 છે જ્યારે સ્ત્રી મતદારો ની સંખ્યા કુલ 138953 છે
ડીસા વિધાનસભા બેઠકનું જાતિ સમીકરણ
ડીસા વિધાનસભા બેઠક પર સૌથી વધુ ઠાકોર અને રજપૂત સમાજના મત છે. ઠાકોર સમાજના અંદાજિત 78 હજારથી વધુ મતદારો હોવાથી ડીસા બેઠક માં ઠાકોર સમાજના મત નિર્ણાયક ભૂમિકામાં રહે છે આ સિવાય 28 હજાર જેટલા માળી સમાજના મત, 27 હજાર રબારી અને ચૌધરી સમાજના પણ 22 થી 25 હજાર જેટલા મત છે.અન્ય મત ઇતર સમાજના છે જેમાં બ્રાહ્મણ, સુથાર, પટેલ સહિત ની જ્ઞાતિઓનો સમાવેશ થાય છે. આ બેઠક પર ઠાકોર ,માળી અને રબારી સમાજના ઉમેદવાર ધારાસભ્ય રતરીકે ચૂંટાતા રહ્યા છે.
આ પણ વાંચો: