Army Agniveer Result 2024 થયું જાહેર, આ સ્ટેપ ફોલો કરીને ચેક કરો

Army Agniveer Result 2024 Declared : ભારતીય સેનાએ આર્મી અગ્નિવીરનું પરિણામ જાહેર કર્યું છે. ભારતીય સેનાએ લેખિત પરીક્ષાનું પરિણામ જાહેર કરી દીધું છે. પરીક્ષામાં હાજર રહેલા ઉમેદવારો ઓફિશિયલ વેબસાઇટ joinindianarmy.nic.in પર જઈને રિઝલ્ટ ચકાસી શકે છે. પરીક્ષા 22 એપ્રિલથી 3 મે 2024 દરમિયાન લેવામાં આવી હતી. લેખિત પરીક્ષામાં સફળ થયેલા ઉમેદવારોને આગળની પસંદગી પ્રક્રિયા માટે બોલાવવામાં આવશે.

હવે ભારતીય સેનાએ રાજસ્થાન માટે આર્મી અગ્નિવીરનું રિઝલ્ટ જાહેર કર્યું છે. ભારતીય સેનાએ અગ્નિવીર જીડી, અગ્નિવીર ટ્રેડ્સમેન, અગ્નિવીર ટેક, અગ્નિવીર નર્સિંગ આસિસ્ટન્ટ અને અગ્નિવીર ઓફિસ આસિસ્ટન્ટની જગ્યાઓ પર ભરતી માટેની લેખિત પરીક્ષાનું પરિણામ જાહેર કર્યું છે. ટૂંક સમયમાં અન્ય રાજ્યો માટે પણ પરિણામ જાહેર કરવામાં આવશે. લેખિત પરીક્ષામાં સફળ થયેલા ઉમેદવારોને શારીરિક કસોટી માટે બોલાવવામાં આવશે.

Army Agniveer Result 2024 આ રીતે કરો ચેક

• ઓફિશિયલ વેબસાઇટ joinindianarmy.nic.in પર જાઓ.
• હોમ પેજ પર આપેલા CEE રિઝલ્ટ ટેબ પર ક્લિક કરો.
• હવે કેપ્ચા દાખલ કરો અને સબમિટ કરો.
• PDF તમારી સ્ક્રીન પર દેખાશે.
• હવે રોલ નંબરની મદદથી રિઝલ્ટ ચેર કરો.

સિલેક્શન પ્રક્રિયામાં ફેરફાર કરવામાં આવ્યો છે

ભારતીય સેનાએ અગ્નિવીર ભરતી પસંદગી પ્રક્રિયામાં ફેરફાર કર્યા છે. અગાઉ ભરતી રેલીનું આયોજન કરવામાં આવતું હતું અને તેમાં પાસ થયેલા ઉમેદવારો લેખિત પરીક્ષા આપતા હતા, પરંતુ હવે તેઓએ પહેલા લેખિત પરીક્ષા પાસ કરવી પડશે. પરીક્ષામાં પાસ થયેલા ઉમેદવારો જ ભરતી રેલીમાં ભાગ લઈ શકશે. રેલીમાં ભીડ ઓછી કરવા સેનાએ આ ફેરફાર કર્યો છે.