ખેડૂતોની આવક વધારવા માટે કપાસની ઉત્પાદકતા અને ગુણવત્તા સુધારવાની જરૂર છે: પિયુષ ગોયલ

કાપડ મંત્રી પીયૂષ ગોયલે (Piyush Goyal) કપાસની ઉત્પાદકતા અને ગુણવત્તા વધારવા માટે ઝડપી પગલાં લેવાની હાકલ કરી હતી. તેમણે કહ્યું કે ખેડૂતોની આવક (Farmers Income) વધારવા અને આ ક્ષેત્રના વિકાસને વેગ આપવા માટે આ જરૂરી છે. તેમણે ફેક્ટરીઓને પોતાનું મૂલ્યાંકન કરવા અને ગુણવત્તા, ઉત્પાદકતા અને ટેકનોલોજીનો ઉપયોગ શરૂ કરવા પણ કહ્યું.

તેમણે કહ્યું, આજે આપણે 360 લાખ ગાંસડી કપાસના (Cotton Farming) ઉત્પાદન સાથે પ્રથમ સ્થાને છીએ, જે વિશ્વના ઉત્પાદનના આશરે 25 ટકા છે. આપણે ભારતમાં ઉગાડવામાં આવતા કપાસના ઉત્પાદનના ચોખ્ખા નિકાસકાર છીએ. જોકે, હવે આપણે કપાસની ઉત્પાદકતા વધારવા અને ખેડૂતો દ્વારા ઉગાડવામાં આવતા કપાસની ગુણવત્તા સુધારવા માટે ઝડપી પગલાં લેવા પડશે.

ભારતીય કપાસને વૈશ્વિક સ્તરે માન્યતા મળી રહી છે
તેમણે કહ્યું કે મુક્ત વેપાર કરારને લઈને વિકસિત દેશો સાથે વાતચીત ચાલી રહી છે. આ સ્પર્ધાની સમાન તક પૂરી પાડવામાં મદદ કરશે અને કોટન ટેક્સટાઇલ ક્ષેત્ર માટે વ્યાપક તકો પૂરી પાડશે. કેન્દ્રીય મંત્રીએ જણાવ્યું હતું કે, 3000 થી વધુ વર્ષોથી સુતરાઉ કાપડના ઉત્પાદનમાં ભારતનો વૈશ્વિક ઈજારો છે. આપણે વૈશ્વિક કપાસ ઉદ્યોગમાં તે વર્ચસ્વ પાછું લાવવાની જરૂર છે.

મંત્રીએ કહ્યું કે પ્રથમ વખત ભારતીય કપાસની બ્રાન્ડિંગને વૈશ્વિક સ્તરે માન્યતા મળવા લાગી છે. કસ્તુરી કપાસ વૈશ્વિક સ્તરે ‘બ્રાન્ડ ઇન્ડિયા’ ના પ્રીમિયમ કાચા માલ તરીકે ઉભરી આવવાની ક્ષમતા ધરાવે છે. વધુમાં, મંત્રીએ ખેડૂતોને કૃષિ સ્તરે પ્રદૂષણ નિયંત્રિત કરવા માટે કપાસ કાઢવાના મશીનોનો ઉપયોગ કરવા વિનંતી કરી.

આગામી વર્ષોમાં 100 અબજ ડોલરનું નિકાસ લક્ષ્ય
ગોયલે જણાવ્યું હતું કે, હવે આપણે ગુણવત્તા અને ઉત્પાદકતા વધારવા પર ધ્યાન કેન્દ્રિત કરવાની જરૂર છે જેથી આપણે સ્થાનિક અને આંતરરાષ્ટ્રીય બજારો માટે કપાસની કિંમત વાજબી અને સ્પર્ધાત્મક સ્તરે રાખીને આપણા ખેડૂતોની ઉપજ અને નફામાં વધારો કરી શકીએ.

તેમણે જણાવ્યું હતું કે ઉત્પાદકતા પ્રતિ હેક્ટર 457 કિલોથી 800-900 કિલો પ્રતિ હેક્ટર સુધી વધારવા માટે સામૂહિક પ્રયાસની જરૂર છે, જે આશરે વૈશ્વિક સરેરાશ છે. નિકાસ અંગે, તેમણે કહ્યું કે આગામી વર્ષોમાં નિકાસ વર્તમાન 33 અબજ ડોલરથી ત્રણ ગણી વધીને 100 અબજ ડોલર થવી જોઈએ.

આ પણ વાંચો : RBI ના ગવર્નર શક્તિકાંત દાસે અનાજના ભાવને લઈને આપ્યું મોટું નિવેદન

આ પણ વાંચો : ખેડૂતોએ ઓક્ટોબર માસમાં જુદા-જુદા શાકભાજીના પાકમાં કરવાના થતા ખેતી કાર્યોની માહિતી