શું તમે મોંઘા ભાવે એલચી ખરીદી રહ્યા છો? તો ઘર આંગણે જ ઉગાડો એલચીનો છોડ

Cardamom Farming : એલચીને ફાયદાકારક તેમજ સુગંધિત મસાલામાં ગણતરી કરવામાં છે. આ ઉપરાંત તે ખેતીની દૃષ્ટિએ ખૂબ નફાકારક પણ છે કેમ કે તે ખૂબ જ મોંઘી મળે છે. એલચીની ખેતી પણ ઘણા ખેડૂતોએ કરવાનું શરૂ કરી દીધું છે. જેના કારણે ખેડૂત ભાઈઓને સારો નફો મળે છે. એલચી પણ બજારમાં ખૂબ ઉંચા ભાવે વેચાય છે. પરંતુ અમે તમને જણાવીશું કે તમે તેને તમારા ઘરમાં કેવી રીતે ઉગાડી શકો છો અને મોંઘી એલચી માટે હજારો રૂપિયા બચાવી શકો છો. અહીં અમે તમને જણાવીશું કે ઘરમાં એલચીની ખેતી કરતી વખતે કઈ બાબતોનું ધ્યાન રાખવું જરૂરી છે.

આ બાબતો છે જરૂરી

• ફુલદાની
• માટી
• બીજ
• ખાતર
• પાણી

ઘરે છોડ કેવી રીતે વાવવો

ઘરમાં એલચીનો છોડ લગાવવા માટે સૌથી પહેલા એક વાસણ લો અથવા તમે તેને કોઈ પણ કન્ટેનરમાં પણ મુકી શકો છો. કન્ટેનરમાં છોડ રોપ્યા પછી, તેમને 50 ટકા કોકો પીટ માટી અને 50 ટકા વર્મી કમ્પોસ્ટ માટી સાથે પોટ તૈયાર કરો. આ પછી બીજને પોટમાં મૂકો અને તેમાં પાણી છાંટો. તેને ઉમેરતી વખતે યોગ્ય માત્રા ધ્યાનમાં રાખો. થોડા દિવસો પછી એલચીનો છોડ સંપૂર્ણપણે તૈયાર થઈ જશે.

આ બાબતોનું ખાસ ધ્યાન રાખો

તમારે એલચીના છોડને નિયમિત પાણી આપતા રહેવું જોઈએ. ખાસ ધ્યાન રાખો કે વધારે પાણી આપવાથી તેના મૂળ સડી શકે છે અથવા ફુગાઈ શકે છે. તેથી જમીનને ભેજવાળી રાખવા પૂરતું જ પાણી આપો. એલચીના છોડને ઉગાડવા માટે સારો સૂર્યપ્રકાશની હાજરી હોવી જરૂરી છે. પરંતુ કાળજી રાખો કે છોડ સીધા સૂર્યપ્રકાશના સંપર્કમાં ન આવે. એલચીના છોડ માટે યોગ્ય તાપમાન 20 થી 30 ડિગ્રી સેલ્સિયસની વચ્ચે રહેવું જોઈએ છે. આ તાપમાન એલચીના બીજના અંકુરણ માટે સારું માનવામાં આવે છે. જેના કારણે વાવણી કરવાનો શ્રેષ્ઠ સમય ઉનાળો છે.

એલચીના ફાયદા

• સારી રોગપ્રતિકારક શક્તિ તમારા શરીરને રોગોથી બચાવે છે. એલચીમાં ઘણા એવા જરૂરી ઘટકો સમાયેલા છે, જે તમારી રોગપ્રતિકારક શક્તિને વધારી શકે છે.
• સ્વસ્થ પાચન આપણા એકંદર આરોગ્યને પ્રોત્સાહન આપે છે. તે નિર્ધારિત કરે છે કે આપણું શરીર પોષક તત્વોને કેટલી અસરકારક રીતે શોષી લે છે અને આ સિસ્ટમને ટેકો આપવામાં એલચી મોટી ભૂમિકા ભજવે છે.
• હૃદયને સ્વસ્થ રાખવામાં બ્લડ પ્રેશર એક મોટો ભાગ ભજવે છે. તમારા બ્લડ પ્રેશરને હેલ્ધી અને નોર્મલ રાખવામ માટે એલચી મોટી ભૂમિકા ભજવી શકે છે.
• હ્રદયરોગ અને કેન્સર સહિત અનેક રોગોમાં સોજા આવે છે. એલચીમાં બળતરા વિરોધી ગુણધર્મો રહેલા હોય છે. જે સોજાના જોખમને ઘટાડવા માટે એક શક્તિશાળી સુપરફૂડ સાબિત થાય છે.