Mumbai : પબજી રમવાના વ્યસનમાં યુવક કેટલી હદે જઈ શકે છે તેનું ઉદાહરણ મુંબઈના જોગેશ્વરી વિસ્તારમાં (Jogeshvari Area) સામે આવ્યું છે. એક કિશોરે આ વ્યસન માટે તેની માતાના ખાતામાંથી 10 લાખ રૂપિયા ઉપાડી લીધા. જ્યારે તેના માતા પિતાને આ વિશે ખબર પડી, ત્યારે તેમણે યુવકને ઠપકો આપ્યો અને ગુસ્સામાં આ સોળ વર્ષનો કિશોર ઘર છોડીને ચાલ્યો ગયો. જો કે પોલીસે હાલ કિશોરની શોધ કરી લીધી છે.
કિશોર PUBG રમવાનો વ્યસની છે
જોગેશ્વરી પૂર્વના દુર્ગાનગરમાં રહેતા દાસ પરિવારે 25 ઓગસ્ટના રોજ તેમના 16 વર્ષના છોકરાની ગુમ થયાની ફરિયાદ નોંધાવી હતી. છોકરો સગીર હોવાથી MIDC પોલીસે અપહરણનો ગુનો નોંધ્યો હતો. પોલીસે આ મામલાની ગંભીરતાને જોતા ક્રાઇમ બ્રાંચના યુનિટ 10 ના ઇન્ચાર્જ પોલીસ ઇન્સ્પેક્ટર મહેશકુમાર ઠાકુરના (MaheshKumar Thakur) નેતૃત્વમાં પોલીસ ટીમે કિશોરની શોધખોળ શરૂ કરી હતી.જો કે કિશોરનો સ્વભાવ અને ધરનો વિવાદ અંગે વિસ્તૃત માહિતી મળતા પોલીસને એક ખાસ બાબત જાણવા મળી હતી, જેમાં પોલીસને જાણવા મળ્યુ કે કિશોર PUBG રમવાનો વ્યસની છે.
પબજી રમવા માટે 10 લાખ રૂપિયા ખર્ચ્યા
Pubg ગેમ માટે ‘id’ અને ‘uc’ મેળવવા જરૂરી હોય છે, ત્યારે આ માટે કિશોરે તેની માતાના બેંક એકાઉન્ટમાંથી 10 લાખ રૂપિયા ઓનલાઇન ટ્રાન્સફર કર્યા. જ્યારે માતા -પિતાને આ બાબતની જાણ થઈ, ત્યારે તેમણે ઠપકો આપ્યો.જેથી કિશોરે નારાજ થઈને ઘર છોડી દીધુ, જો કે ઘરેથી નીકળતાં પહેલાં તેણે એક પત્ર લખ્યો હતો અને પત્રમાં લખ્યું હતું કે, “હું ઘર છોડી રહ્યો છું. હું પાછો નહીં આવું.”
કિશોરના માતાપિતા પાસેથી બધું જાણ્યા પછી પોલીસે (Police) કિશોરના મિત્રોનો સંપર્ક કર્યો અને ટેકનિકલ મદદ લઈને પોલીસે તેની શોધખોળ શરૂ કરી હતી. આ શોધ દરમિયાન તે અંધેરી પૂર્વમાં મહાકાળી ગુફા પાસે જોવા મળ્યો હતો. પોલીસે તરત જ તેને પકડી તેની પૂછપરછ હાથ ધરી હતી. તમને જણાવી દઈએ કે,હાલ કિશોરને આગળની કાર્યવાહી માટે MIDC પોલીસને સોંપવામાં આવ્યો છે.
આ પણ વાંચો: Maharashtra : ગણેશોત્સવમાં કડક પ્રતિબંધ રહેશે ? કેન્દ્રએ પત્ર મોકલીને મહારાષ્ટ્રને આપી સૂચના