Crime: લો બોલો હવે ઈન્ટનેટ ડેટાની પણ ચોરી ! ફાઈબર કેબલમાં લંગરીયું નાખી ડેટા ચોરી કરતો અઠંગ ચોર ઝડપાયો

Ghaziabad data theft: ગાઝિયાબાદ પોલીસે ઈન્ટરનેટ ડેટા ચોરી (Internet Data Theft)કરવાના આરોપમાં સલમાન નામના વ્યક્તિની અટકાયત કરી છે. આ વ્યક્તિ Jio કેબલ તોડીને ડેટા ચોરી કરતો હતો અને પછી તેને અન્ય લોકોને વેચતો હતો. પોલીસ આ કેસમાં સંડોવાયેલા અન્ય લોકોની પણ શોધ કરી રહી છે.

અત્યારે સૌથી મહત્વની વાત કરીએ તો તે છે ઈન્ટરનેટ. આજકાલ દરેક કામ ઈન્ટરનેટ દ્વારા થાય છે. તે સામાન્ય જીવનનો એક ભાગ બની ગયો છે અને તેના વિના કામ અટકી રહ્યું છે. દેખીતી રીતે આજે દરેક વ્યક્તિ માટે ડેટા એક મહત્વપૂર્ણ સંપત્તિ બની ગયો છે.

આ જ કારણ છે કે વીજળી, પાણી જેવી પાયાની વસ્તુઓની ચોરી બાદ હવે લોકોનો પણ ડેટા ચોરી થવા લાગ્યો છે. હકીકતમાં, સામાન્ય લોકોની જરૂરિયાત બની ગયેલા ઈન્ટરનેટના પેકેજોના ભાવ પણ દિવસેને દિવસે વધી રહ્યા છે. ડેટા ચોરીનો આવો જ એક અનોખો કિસ્સો ગાઝિયાબાદ(Ghaziabad)માંથી સામે આવ્યો છે. પોલીસે ડેટા ચોરી કરનાર વ્યક્તિની ધરપકડ કરી છે.

ટ્રોનિકા સિટી પોલીસ સ્ટેશન પોલીસ અને ગાઝિયાબાદના લોની વિસ્તારની SOG પોલીસે ઇન્ટરનેટ ચોરીના કેસમાં એક આરોપીની ધરપકડ કરી છે. સલમાન નામનો આ વ્યક્તિ દેશની સૌથી મોટી કંપની Jioનો ફાઈબર કેબલ (Fiber cable) તોડીને ડેટા ચોરી કરતો હતો.

પોલીસના જણાવ્યા અનુસાર, સલમાન Jio કંપનીના ફાઈબર કેબલ તોડીને ડેટા ચોરી કરતો હતો અને લોકોને કનેક્શન આપીને ડેટા વેચતો હતો. પોલીસે તેના પાસેમાંથી રાઉટર, વાયર અને અન્ય સાધનો કબજે કર્યા છે, જેનો ઉપયોગ તે અન્ય લોકોને કનેક્શન આપવા માટે કરતો હતો.

પોલીસ સાથીદારોને કરી રહી છે શોધ

આ ડેટા ચોરીમાં સલમાનની સાથે અન્ય લોકો પણ સામેલ હતા, જેઓ ચોરીનો ડેટા લોકો સુધી પહોંચાડતા હતા. આવી સ્થિતિમાં સલમાનની પૂછપરછ કરીને પોલીસ અન્ય સાથીઓ વિશે પણ માહિતી એકઠી કરી રહી છે. આ સાથે કંપનીના કોઈ કર્મચારી આમાં સામેલ છે કે કેમ તે અંગે પણ પોલીસ તપાસ કરી રહી છે.

આ પણ વાંચો: રવી સીઝનમાં ઘઉંનુ વાવેતર ગત વર્ષ કરતાં ઓછું, કઠોળ અને તેલીબિયાંના વાવેતર વિસ્તારમાં વધારો

આ પણ વાંચો: Viral: શખ્સે બાઈક સાથે પર્વત પરથી લગાવી છલાંગ, વીડિયો જોનારના શ્વાસ અધ્ધર થઈ ગયા