Maharashtra: મુંબઈ પોલીસે ડ્રગ્સ સ્મગલર અજમલ તોતલાની ધરપકડ કરી, જેનો ઉલ્લેખ ડ્રગ્સ કેસમાં નવાબ મલિકે કર્યો છે

મહારાષ્ટ્ર (Maharashtra)ની રાજધાની મુંબઈ (Mumbai)માં પોલીસે ડ્રગ સ્મગલર (Drug Peddler) અજમલ તોતલાની ધરપકડ કરી છે, જેની સામે ઘણા કેસ (FIR lodged) નોંધાયેલા છે. પોલીસ અધિકારીએ રવિવારે જણાવ્યું કે તેની આ મહિનાની શરૂઆતમાં નાર્કોટિક પદાર્થ ‘મેફેડ્રોન’ જપ્ત થવાના કેસના સંબંધમાં શુક્રવારે અહીં સાયન વિસ્તારમાંથી તેની ધરપકડ કરવામાં આવી હતી. જો કે પોલીસ આ મામલે વધુ તપાસ કરી રહી છે.

મહારાષ્ટ્રના મંત્રી નવાબ મલિકે પણ તાજેતરની પ્રેસ કોન્ફરન્સ દરમિયાન ડ્રગ કેસમાં તોતલાના નામનો ઉલ્લેખ કર્યો હતો. આ સાથે તેમણે મહિલા ડ્રગ સ્મગલર રૂબીના નિયાજુ શેખનું નામ પણ લીધું હતું. 20 નવેમ્બરે, પોલીસે ધારાવી વિસ્તારના રહેવાસી આરીફ નાસિર શેખ (39) અને અતીક હમીદ શેખ ઉર્ફે ઈતલ્લી (28) નામના બે લોકોની ધરપકડ કરી હતી અને તેમની પાસેથી 13 ગ્રામ મેફેડ્રોન અને 4.13 લાખ રૂપિયા રોકડા જપ્ત કર્યા હતા. પોલીસના જણાવ્યા અનુસાર આ બંને આરોપી ધારાવી વિસ્તારના રહેવાસી છે.

Web Stories View more

સારા તેંડુલકરને મળી ગઈ નવી મિત્ર, જુઓ Photos

Vastu Tips : નસીબ બદલાઈ જશે, ઈશાન ખૂણામાં રાખો આ 3 વસ્તુઓ, જુઓ ચમત્કાર

Airtel યુઝરને આ પ્લાનમાં મળી રહ્યું JioHotstarનું સબસ્ક્રિપ્શન ! આખી IPL જોઈ શકશો

SRH ની માલકિન કાવ્યા મારનનો બોયફ્રેન્ડ કોણ છે?

સ્વપ્ન સંકેત: રાત્રે કયા સમયે જોયેલા સપના સાચા થાય છે?

વિરાટ-સચિનથી પણ વધારે પૈસાદાર છે KKRની માલિક, જુઓ ફોટો

પોલીસે માહિમ વિસ્તારમાંથી ધરપકડ કરી હતી

તમને જણાવી દઈએ કે પોલીસ ટીમને તે દિવસે માહિમ વિસ્તારમાં એક બિલ્ડિંગની નજીક ફૂટપાથ પર પાર્ક કરેલી એક SUV મળી હતી, જેમાં લગભગ ચાર લોકો સવાર હતા. પોલીસ અધિકારીએ જણાવ્યું કે જ્યારે તેઓ ભાગવા લાગ્યા ત્યારે પોલીસે તેમાંથી 2ને પકડી લીધા. બાદમાં પોલીસે ડ્રગ્સ, રોકડ, એક મોંઘો મોબાઈલ ફોન અને તેમની કારને જપ્ત કરી હતી. તેમણે કહ્યું કે પોલીસ આ કેસના સંબંધમાં તોતલાને શોધી રહી છે અને શુક્રવારે તેની ધરપકડ કરવામાં આવી હતી.

5 કરોડના ડ્રગની સાથે આરોપીની થઈ હતી ધરપકડ

નોંધનીય છે કે છેલ્લા કેટલાક દિવસોમાં મુંબઈ પોલીસની ક્રાઈમ બ્રાન્ચની ટીમે રવિવારની વહેલી સવારે ઉપનગરીય વડાલામાં એક નાઈજિરિયન નાગરિકની ધરપકડ કરી અને તેની પાસેથી 5 કરોડ રૂપિયાથી વધુની કિંમતનું MD ડ્રગ અને કોકેઈન જપ્ત કર્યું, જે તેણે મહિલાઓની હેન્ડબેગમાં રાખ્યું હતું.

પોલીસ અધિકારીએ જણાવ્યું કે આરોપીને ચેમ્બુર-સેવરી રોડ પરથી પકડવામાં આવ્યો હતો. તેમણે કહ્યું કે ગુપ્ત માહિતીના આધારે ક્રાઈમ બ્રાન્ચે છટકું ગોઠવ્યું છે અને લગભગ 40 વર્ષની વયના નાઈજિરિયન નાગરિકને સ્થળ પરથી પકડી લીધો છે. તે જ સમયે આરોપીઓ વિરુદ્ધ નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટની સંબંધિત કલમો હેઠળ કેસ નોંધવામાં આવ્યો છે. તેમણે કહ્યું કે હાલ મામલાની તપાસ ચાલી રહી છે.

આ પણ વાંચો :  કોંગ્રેસની સર્વપક્ષીય બેઠકમાં જોડાવાનો TMC એ કર્યો ઈનકાર, અધીર રંજન ચૌધરીએ કહ્યું- બેઠકમાં સામેલ થવું કે નહીં તેનો નિર્ણય તેમના પર