SURAT : 6.70 લાખ રૂપિયાની ખરીદી કરી છેતરપીંડી કરવાના કેસમાં એક શખ્સની અટકાયત
FRUAD : દંપતીએ નક્કી કરેલ સમયમાં પેમેન્ટ નહી આપતા જગદીશભાઈએ ઉઘરાણી માટે ફોન કરતા શરૂઆતમાં પૈસા ચુકવવામાં વાયદાઓ આપ્યા હતા.
6.70 લાખના કાપડના માલની ખરીદી કર્યા બાદ પતિ-પત્નીએ પૈસા આપવામાં ગલ્લાંતલ્લાં કર્યા હતા.
SURAT : સહારા દરવાજા પાસે આવેલ અવધ ટેક્ષટાઇલ માર્કેટમાં દુકાન ધરાવતા પતિ – પત્નીએ રિંગરોડ પર આવેલ અભિષેક ટેક્ષટાઈલ માર્કેટમાં હર્ષિતા સિલ્ક મિલ્સના નામે ધંધો કરતા વેપારી પાસેથી અલગ અલગ સમયે રૂપિયા 6.70 લાખનો કાપડનો માલ ખરીદી કર્યો હતો.
આ માલની ખરીદી કર્યા બાદ પતિ-પત્નીએ પૈસા આપવામાં ગલ્લાંતલ્લાં કર્યા હતા . જેથી આખરે વેપારીએ પૈસાની ઉઘરાણી કરતા તેને એલફેલ ગાળો આપી જાનથી મારી નાખવાની ધમકી આપી હતી . જેથી વેપારીએ બંને સામે પોલીસ ફરિયાદ નોંધાવી હતી.
ભટાર રોડ ઉમા ભવન પાસે ઉદયદિપ એપાર્ટમેન્ટમાં રહેતા અને રીંગ રોડ અભિષેક ટેક્ષટાઈલ માર્કેટમાં હર્ષિતા સિલ્ક મિલ્સના નામે દુકાન ધરાવતા 39 વર્ષીય જગદીસભાઈ જીવનરામ અગ્રવાલ પાસેથી સહારા દરવાજા અવધ ટેક્ષટાઈલ માર્કેટમાં પ્રોમાર્ટના નામે કાપડનો ધંધો કરતા દિપા રામ રાખ્યાની અને લાલુ રામ રાખ્યાનીએ ગત તારીખ 18 ઓગસ્ટ 2021 તથા 28 સપ્ટેમ્બર 2021ના રોજ અલગ અલગ બીલ ચલણથી કુલ રૂપિયા 6,70,752નો કાપડનો માલ ખરીદ્યો હતો.
દંપતીએ નક્કી કરેલ સમયમાં પેમેન્ટ નહી આપતા જગદીશભાઈએ ઉઘરાણી માટે ફોન કરતા શરૂઆતમાં પૈસા ચુકવવામાં વાયદાઓ આપ્યા હતા. પરંતુ વાયદાઓ બાદ પણ પૈસા નહીં ચુકવતા વેપારીએ ફરી ફોન કરતા દંપતી ઉશ્કેરાઈ જઈ ગાળાગાળી કરી જાનથી મારી નાંખવાની ધમકી આપી હતી.
આરોપીઓએ અન્ય વેપારીઓ સાથે પણ ઠગાઈ કરી હોવાનું જગદીશભાઈએ પોલીસને જણાવ્યું હતું . હાલ તો પોલીસે જગદીશભાઈની ફરિયાદ લઇ દંપતી સામે ગુનો દાખલ કરી લાલુ રામની અટકાયત કરી આગળની કાર્યવાહી હાથ ધરી છે.
આ પણ વાંચો : SURAT: લગ્નની લાલચ આપી સગીરાનું અપહરણ કરી બળાત્કાર કરનાર આરોપીને 10 વર્ષની સજા
આ પણ વાંચો : CHHOTA UDEPUR : વડોદરા- અલીરાજપુર હાઈવે પર બસના અકસ્માતમાં 3 મુસાફરોના ઘટનાસ્થળે મોત, 28 ઘાયલ
આ પણ વાંચો : DAHOD : બે વર્ષના બાળકનો કોરોના રિપોર્ટ પોઝીટીવ આવતા તંત્ર દોડતું થયું
Latest News Updates
