DAHOD : બે વર્ષના બાળકનો કોરોના રિપોર્ટ પોઝીટીવ આવતા તંત્ર દોડતું થયું

DAHOD : દાહોદ જિલ્લામાં બે વર્ષના બાળકનો કોરોના રિપોર્ટ પોઝીટીવ આવ્યાંના સમાચાર મળી રહ્યાં છે. બે વર્ષના બાળકનો કોરોના રિપોર્ટ પોઝીટીવ આવતા તંત્ર દોડતું થયું છે. મળતી માહિતી પ્રમાણે આ બાળકને ઝાડા-ઉલટી થયા બાદ તેને ઝાયડસ હોસ્પિટલમાં દાખલ કરવામાં આવ્યો હતો. જ્યાં બાળકનો કોરોના ટેસ્ટ કરવામાં આવતાં રિપોર્ટ પોઝીટીવ આવ્યો છે. આ બાળક શ્રમિક પરિવારનું છે. મજુરી કામ કરતા તેના માતાપિતાનો કોરોના રિપોર્ટ નેગેટીવ આવ્યો છે. દાહોદ જિલ્લામાં ગઇકાલે 1 જાન્યુઆરીએ જીલ્લામાં 6 કોરાના પોઝીટીવ કેસ નોંધાયા હતા. હાલ જિલ્લામાં એક્ટિવ કેસની સંખ્યા 9 થઈ છે.