Bihar: બિહારના વૈશાલીમાં મોટી લૂંટ, બંદૂકધારી 5 બદમાશોએ બેંકમાંથી લૂંટ્યા 2 કરોડ રૂપિયા
પોલીસને બેંક લૂંટની જાણ થતાં જ પોલીસ ઘટનાસ્થળે પહોંચી અને બેંકનો ગેટ બંધ કરીને પૂછપરછ કરી રહી છે. આ સાથે બેંક અને તેની આસપાસ લગાવેલા CCTV ફૂટેજની પણ તપાસ કરવામાં આવી રહી છે.
બિહારના (Bihar) વૈશાલીમાં લૂંટની મોટી ઘટના સામે આવી છે. અહીં મંગળવારે જિલ્લાના લાલગંજમાં આવેલી એક્સિસ બેંકની (Axis Bank) શાખામાંથી લૂંટારાઓએ લગભગ 2 કરોડ રૂપિયાની લૂંટ કરી હતી. જણાવવામાં આવી રહ્યું છે કે લગભગ 11.30 વાગ્યે બે મોટરસાઈકલ પર સવાર 5 લૂંટારુઓ બેંકમાં આવ્યા અને બેંકને લૂંટીને ભાગી ગયા. બેંક લૂંટવા આવેલા તમામ લૂંટારુઓ હાફ પેન્ટ પહેર્યા હોવાનું પણ સામે આવી રહ્યું છે.
CCTV ફૂટેજની તપાસ કરવામાં આવશે
લૂંટની આ ઘટના લાલગંજના તીનપુલવા ચોક પાસે આવેલી એક્સિસ બેંકની શાખામાંથી બની હતી. પોલીસને બેંક લૂંટની જાણ થતાં જ પોલીસ ઘટનાસ્થળે પહોંચી અને બેંકનો ગેટ બંધ કરીને પૂછપરછ કરી રહી છે. આ સાથે બેંક અને તેની આસપાસ લગાવેલા CCTV ફૂટેજની પણ તપાસ કરવામાં આવી રહી છે.
2 કરોડની લૂંટ થઈ હોવાનું જણાવવામાં આવી રહ્યું છે
બેંકમાંથી કેટલા રૂપિયાની લૂંટ થઈ છે તેની માહિતી હજુ સામે આવી નથી. પરંતુ શરૂઆતમાં એવું કહેવામાં આવી રહ્યું છે કે લૂંટારુઓ લગભગ 2 કરોડ રૂપિયા લઈ ગયા છે. બેંક કર્મચારીઓએ હજુ સુધી લૂંટની રકમ અંગે માહિતી આપી નથી. મંગળવારે બેંક ખુલ્યાના થોડા સમય બાદ, 5 ગુનેગારોએ પહેલા બંદૂકની અણીએ કર્મચારીઓ પર હુમલો કર્યો અને પછી તેઓ સાથે લાવેલી બેગમાં પૈસા લઈને ફરાર થઈ ગયા હતા.
આ પણ વાંચો : Haryana Violence : નૂહમાં ફાટી નિકળેલી હિંસામાં 3ના મોત, 4 જિલ્લામાં 144 લાગુ, ગુરુગ્રામની શાળા-કોલેજ પણ બંધ
વરિષ્ઠ પોલીસ અધિકારીઓ ઘટનાસ્થળે પહોંચ્યા
લૂંટની ઘટના બાદ SDPO સહિત અનેક વરિષ્ઠ પોલીસ અધિકારીઓ ઘટનાસ્થળે પહોંચી ગયા છે. ગુનેગારોને પકડવા માટે શહેરમાં નાકાબંધી કરવામાં આવી છે. આ સાથે પોલીસ બેંક કર્મચારીઓ અને ત્યાં હાજર ગ્રાહકો પાસેથી લૂંટારુઓ વિશે માહિતી લઈ રહી છે.
દેશના તમામ સમાચાર વાંચવા માટે અહીં ક્લિક કરો
