Crime: જેવર ઈન્ટરનેશનલ એરપોર્ટનો શિલાન્યાસ થતા જ જમીનના નામે છેતરપિંડી, એક શખ્સની ધરપકડ
આરોપી સોશિયલ મીડિયા પર જેવર એરપોર્ટ નજીક ફાર્મ હાઉસ વેચવાની જાહેરાત વાયરલ કરી રહ્યો હતો. પોલીસ પકડમાં આવેલ શખ્સ મૂળ રૂપથી મુંબઈનો રહેવાસી છે.
યુપી(UP)ના ગ્રેટર નોઈડા(Greater Noida)માં બની રહેલા જેવર ઈન્ટરનેશનલ એરપોર્ટ (Jewar International Airport)નું નિર્માણ કાર્ય શરૂ જ થયું છે ત્યાં આખા વિસ્તારમાં જમીનના નામે છેતરપિંડી (Land Fraud) શરૂ થઈ ગઈ છે. ત્યાં ઔદ્યોગિક અને રહેણાંક પ્લોટના ખરીદ-વેચાણના નામે મોટા પાયે છેતરપિંડી કરવામાં આવી રહી છે. ઘણી નકલી કંપનીઓએ લોકોને આકર્ષક ઓફર આપવાનું શરૂ કરી દીધું છે.
આરોપી સોશિયલ મીડિયા પર જેવર એરપોર્ટ નજીક ફાર્મ હાઉસ વેચવાની જાહેરાત વાયરલ કરી રહ્યો હતો. પોલીસ પકડમાં આવેલ શખ્સ મૂળ રૂપથી મુંબઈનો રહેવાસી છે.
અનેક પ્રકારની જાહેરાતો બહાર પાડવામાં આવી રહી છે, જેમાં સસ્તા દરે પ્લોટ વેચવાનું કહેવામાં આવી રહ્યું છે. આવી જ કંપની સાથે સંકળાયેલા એક આરોપીની નોઈડા પોલીસે ધરપકડ કરી છે. આરોપી જેવર એરપોર્ટ નજીક એક ફાર્મ હાઉસ વેચવાની જાહેરાત સોશિયલ મીડિયા (Social Media)પર વાયરલ (Viral)કરી રહ્યો હતો. પોલીસના હાથે ઝડપાયેલો મનોજકુમાર શર્મા મૂળ મુંબઈનો છે.
પોલીસે યમુના ઓથોરિટીના અધિકારીની ફરિયાદ પર કેસ નોંધીને તપાસ હાથ ધરી છે. જે બાદ પોલીસે આરોપીની ધરપકડ કરી હતી. આ FIR યમુના ઓથોરિટીના આસિસ્ટન્ટ જનરલ મેનેજર સ્મિતાએ 9 ડિસેમ્બરે નોંધાવી હતી. તહરીરમાં કહેવામાં આવ્યું હતું કે કેટલાક છેતરપિંડી કરનારાઓ સોશિયલ મીડિયા અને વિવિધ સ્થળો પર હોર્ડિંગ્સ લગાવીને સેક્ટર 29 અને સેક્ટર 32માં 400 ચોરસ મીટરથી 4000 ચોરસ મીટર સુધીના પ્લોટ અને ફાર્મ હાઉસના વેચાણની જાહેરાત કરી રહ્યા છે.
આ ફરિયાદના આધારે નોઈડા પોલીસે (Noida Police) તપાસ શરૂ કરી અને મુંબઈના રહેવાસી મનોજ કુમાર શર્માની ધરપકડ કરી. આરોપી મનોજ નોઈડાના સેક્ટર 125માં બુલમેન રિયાલિટી નામની કંપનીમાં એસોસિયેટ ડાયરેક્ટર છે. પોલીસ તેની સતત પૂછપરછ કરી રહી છે. તેણે પોલીસને તેના સાથીદારોના નામ પણ જણાવ્યા છે, જેમને શોધવામાં આવી રહ્યા છે. પોલીસ એ પણ જાણવાનો પ્રયાસ કરી રહી છે કે આ લોકોએ પ્લોટ બુકિંગના નામે કેટલા લોકો પાસેથી પૈસા વસૂલ્યા છે.