Ahmedabad: નશીલી દવાઓનો જથ્થો પકડાયો, પોલીસે કોડિન કફ સીરપના જથ્થા સાથે બે લોકોની કરી ધરપકડ
અમદાવાદમાં ગાયકવાડ હવેલી વિસ્તાર ખાતે કફ સીરપ તરીકે વપરાતી દવાનો નશા માટે વેચાણ થતું હોવાનું કૌભાંડ પોલીસે ઝડપી પાડ્યું છે. આ સમગ્ર કૌભાંડમાં પોલીસે હાલ 2 આરોપીઓની ધરપકડ કરી છે. પોલીસે આ નશાના કારોબારના નેટવર્કની તપાસ શરૂ કરી.
અમદાવાદમાં ગાયકવાડ હવેલી વિસ્તાર ખાતે કફ સીરપ તરીકે વપરાતી દવાનો નશા માટે વેચાણ થતું હોવાનું કૌભાંડ પોલીસે ઝડપી પાડ્યું છે. આ સમગ્ર કૌભાંડમાં પોલીસે હાલ 2 આરોપીઓની ધરપકડ કરી છે. પોલીસે આ નશાના કારોબારના નેટવર્કની તપાસ શરૂ કરી.
ગાયકવાડ હવેલી પોલીસની કસ્ટડીમાં રહેલા આ બંને આરોપીઓ ગેરકાયદેસર રીતે કફ સીરપનું નશો કરતા લોકોને વેચાણ કરતા હતા. કોડિન કફ સિરપનો ઉપયોગ નશો કરવા માટે કરતા હતાં. નોંધનીય છે કે આ પ્રકારની નશીલી દવાઓ ડોક્ટરના પ્રિસ્ક્રિપ્શન પછી મેડીકલ સ્ટોરના સંચાલક આપતા હોય છે.
પરંતુ પકડાયેલા બંને આરોપીઓ ઈસ્માઈલ ઉર્ફે ઈમુ પઠાણ અને જાવેદ શેખ રૂપિયાની લાલચમાં ગેરકાયદેસર રીતે નશીલી દવાઓનું વેચાણ કરતા હતા. પોલીસને બાતમી મળતા ગાયકવાડ હવેલી પોલીસના ડી સ્ટાફ પી.એસ.આઇ. વિપુલ સિંગરખીયા અને તેમની ટીમે વોચ ગોઠવીને આ બંને આરોપીઓને મુદ્દામાલ સાથે ઝડપી લીધા છે.
મેડિકલમાં મળતી આ કફ સીરપ બિમાર વ્યક્તિની ખાંસી અને શરદી તો મટાડે જ છે. પરંતુ જો તેને વધારે માત્રામાં લેવામાં આવે તો તેનાથી નશો પણ થાય છે. બીજી તરફ અલગ અલગ કંપનીની કફ સીરપ સરળતાથી દરેક મેડિકલ સ્ટોર પર મળી રહે છે. અને એમાં પણ ગાયકવાડ હવેલીમાં પકડાયેલા આ આરોપીઓ બમણા રૂપિયા કમાવવાની લાલચમાં નશો કરનાર લોકોને ડોક્ટરના પ્રિસ્ક્રિપ્શન વગર ગેરકાયદેસર વેચાણ કરે છે જેથી નશાના નેટવર્કને પકડવા પોલીસે આરોપીઓની પુછપરછ શરૂ કરી છે.
હાલમા ગાયકવાડ હવેલી પોલીસે ઈસ્માઈલ પઠાણ અને જાવેદ શેખને ખોટી રીતે રૂપિયા કમાવવાના કૌભાંડમાં નશાકારક દવાઓ વેચતા પોલીસે રંગેહાથ ઝડપી પાડયા છે. નશાકારક દવાના આ ગેરકાયદેસર કારોબારમાં અન્ય કોણ કોણ જોડાયેલા છે તેને લઈને વધુ પુછપરછ શરૂ કરી છે.
