Ahmedabad: દેશભરમાં ગાડીની ચોરી કરતી આંતરરાજ્ય ટોળકીની ક્રાઈમ બ્રાંચે કરી ધરપકડ, 100 કાર ચોરીનો હતો ટાર્ગેટ
ગણતરીની સેંકડોમાં બનાવટી ચાવી બનાવી ગાડીની ચોરી કરતી આંતરરાજ્ય ટોળકીની ક્રાઈમ બ્રાંચે ધરપકડ કરી છે. આરોપી ન માત્ર ગુજરાતમાં પરંતુ અન્ય તમામ રાજ્યોમાં પણ ચોરીને અંજામ આપતા હતા.
Ahmedabad: ગણતરીની સેંકડોમાં બનાવટી ચાવી બનાવી ગાડીની ચોરી કરતી આંતરરાજ્ય ટોળકીની ક્રાઈમ બ્રાંચે ધરપકડ કરી છે. આરોપી ન માત્ર ગુજરાતમાં પરંતુ અન્ય તમામ રાજ્યોમાં પણ ચોરીને અંજામ આપતા હતા. આરોપીની પુછપરછમા સામે આવ્યુ કે, આ ગેંગ માત્ર 2 મીનીટમાં બનાવટી ચાવી બનાવી ગાડીની ચોરી કરતા હતા. જે માટે વપરાતી 41 જેટલી પ્લેન ચાવી પણ કબ્જે કરવામાં આવી છે. આરોપીએ ગુજરાતમાં 100 કાર ચોરીનો ટાર્ગેટ લઈને આવ્યા હોવાનુ સામે આવ્યુ છે. કોણ છે કાર ચોરીનો માસ્ટર માઈન્ડ જોઈએ આ અહેવાલમાં.
અમદાવાદ ક્રાઈમ બ્રાંચની કસ્ટડીમા રહેલા આ આરોપીના નામ જાવેદ ઉર્ફે બબલુ કુરેશી, સુરેન્દ્ર યાદવ અને મનોજ ઉર્ફે મહેતાજી જોશી છે. આરોપીની ધરપકડ વાહનચોરીના ગુનામાં કરવામાં આવી છે. આરોપીની પુછપરછ કરતા 15 જેટલી ફોર વ્હિલર ગાડીની ચોરી કરી હોવાનુ સામે આવ્યુ છે. જેમા અમદાવાદ, વડોદરા તથા ભરૂચ માથી પણ ચોરી કરી હતી. ચોરી કરેલી ગાડીઓ મુખ્ય આરોપી મનોજ રાજસ્થાનમાં 30 હજાર થી લઈ 50 હજાર મા ડોક્યુમેન્ટ વિના વેચતો હોવાનુ સામે આવ્યુ છે. પરતું દેશભરમાં ગાડીઓ ચોરી કરવાનો માસ્ટર માઈન્ડ આરોપી જાવેદ ઉર્ફે બબલુ કુરેશી છે જેણે અત્યાર સુધી અસંખ્ય ગાડીઓ ચોરી કરી ચુક્યો છે. જેના વિરુદ્ધ તમામ રાજ્યોમાં ગુનાઓ નોંધાઇ ચુક્યા છે.
ચોરીના ગુનામાં ઝડપાયેલા 3 આરોપીની પુછપરછ કરતા સામે આવ્યુ કે અગાઉ આ ગેંગમાં 9 આરોપી સામેલ હતા. જેમણે માત્ર મહારાષ્ટ્ર માથી જ 170 જેટલી ગાડીઓની ચોરી કરી હતી. અને ગુજરાતમાં 100 ગાડીની ચોરીનો ટાર્ગેટ કરીને આવ્યા હતા. આરોપીઓ મુંબઈથી અલગ અલગ કંપનીની પ્લેન ચાવી ખરીદી લેતા અને બાદમાં ગાડી ટાર્ગેટ કરી 5 મીનીટમાં બનાવટી ચાવી બનાવી ચોરીને અંજામ આપી ફરાર થઈ જતા હતા. જે માટે વપરાતી 41 પ્લેન ચાવી પણ ક્રાઈમ બ્રાંચે કબ્જે કરી છે.
આરોપીની પુછપરછમાં સામે આવ્યુ કે, આરોપી જાવેદ અગાઉ હત્યાના પ્રયાસ, વાહન ચોરી, લુંટ, હથિયાર ધારા, હત્યા સહીતના 14 જેટલા ગુનામાં જેલવાસ પણ ભોગવી ચુક્યો છે. જોકે જેલમાથી તેણે આંતરરાજ્ય કાર ચોરી કરતી ગેંગ સાથે પરિચય થયો અને બાદમાં કાર ચોરી કરવા લાગ્યો, જોકે પોલીસને આશા છે કે, આરોપીના રિમાન્ડ મેળવી પુછપરછ કરતા વધુ ગુનાનો પણ ભેદ ઉકેલાઈ શકે છે.
