ELECTIONS IN CORONA : ચૂંટણીવાળા રાજ્યોમાં 6 ગણા સુધી વધ્યા કોરોનાના કેસ, મૃત્યુમાં પણ 45 ટકાનો વધારો
ELECTIONS IN CORONA : દેશમાં કોરના વચ્ચે પાંચ રાજ્યોમાં ચૂંટણી યોજાઈ રહી છે, જેમાં બંગાળ સિવાય ચાર રાજ્યોમાં મતદાન પૂર્ણ થઇ ગયું છે.
ELECTIONS IN CORONA : દેશમાં હાલ કોરોનાની બીજી લહેર ચાલુ છે અને સાથે સાથે 5 રાજ્યોમાં વિધાનસભા ચૂંટણી પણ ચાલુ છે. આ પાંચ રાજ્યોમાંથી આસામ, પોંડીચેરી, કેરલ અને તમિલનાડુની ચૂંટણી પૂર્ણ થઇ ગઈ છે, જયારે પશ્ચિમ બંગાળમાં હજી પણ ચાર તબક્કાનું મતદાન થવાનું બાકી છે. કોરોનાની આ બીજી લહેરમાં ચૂંટણી કેટલી ઘાતક બની છે એ આ ચૂંટણીવાળા રાજ્યોમાં વધી રહેલા કોરોનાના કેસ અને મૃત્યુના આંકડા બતાવે છે. ચૂંટણીવાળા રાજ્યોમાં 6 ગણા સુધી કોરોનાના કેસો વધ્યા છે તો સાથે કોરોનાથી થતા મૃત્યુમાં પણ 45 ટકા સુધીનો વધારો થયો છે. આવો જોઈએ કોરોનામાં યોજાયેલી ચૂંટણીવાળા (ELECTIONS IN CORONA ) પાંચ રાજ્યના કોરોનાના આંકડાઓનું વિશ્લેષણ.
1) આસામ : 14 દિવસમાં 6 ગણા વધ્યા કેસો આસામમાં 16 થી 31 માર્ચની વચ્ચે 537 લોકોને કોરોના સંક્રમણ થયું. તે સમય દરમિયાન પરિસ્થિતિ વધુ સારી હતી. 1 થી 14 એપ્રિલ આ 14 દિવસ દરમિયાન આસામમાં રેકોર્ડબ્રેક 3398 લોકો કોરોના સંક્રમિત થયા. એટલે કે લગભગ 6 ગણા કેસો વધ્યા છે. 16 થી 31 માર્ચ સુધી કોરોનાને કારણે ફક્ત 6 લોકોએ પોતાનો જીવ ગુમાવ્યો,જયારે 1 થી 14 એપ્રિલ આ 14 દિવસની અંદર અત્યાર સુધીમાં 15 લોકોના મોત નોંધાયા છે.
2)પશ્ચિમ બંગાળ : 14 દિવસમાં 5 ગણા કેસો વધ્યા પશ્ચિમ બંગાળમાં 16 થી 31 માર્ચ સુધીમાં ફક્ત 8,062 લોકોને કરોનાનું સંક્રમણ થયું હતું. પશ્ચિમ બંગાળમાં 1 થી 14 એપ્રિલ વચ્ચે કરોનાના કેસો વધીને 41,927 થઈ ગયા છે. એટલે કે લગભગ 5 ગણા જેટલા કેસો વધ્યા.માર્ચમાં કોરોનાને કારણે ફક્ત 32 લોકોએ પોતાનો જીવ ગુમાવ્યો હતો, 1 થી 14 એપ્રિલ આ 14 દિવસમાં અત્યાર સુધીમાં 127 લોકોનાં કોરોનાથી કરૂણ મૃત્યુ થયા છે.
3) પોંડીચેરી : 14 દિવસમાં 2.5 ગણા કેસો વધ્યા પોંડીચેરીમાં 16 થી 31 માર્ચની વચ્ચે 1400 લોકોનો કોરોના રિપોર્ટ પોઝીટીવ આવ્યો હતો, જયારે 1 થી 14 એપ્રિલ આ 14 દિવસમાં પ્રદેશમાં 3,721 લોકો કોરોના સંક્રમિત થયા, એટલે કે આ 14 દિવસમાં 2.5 ગણા કેસો વધ્યા છે. એ જ રીતે મૃત્યુનાં કેસોમાં પણ વધારો નોંધાયો છે. માર્ચમાં કોરોનાને કારણે 9 મૃત્યુ થયા હતા, જે એપ્રિલમાં અત્યાર સુધીમાં વધીને 15 થઈ ગયા છે.
4) તમિલનાડુ : 14 દિવસમાં 2.5 ગણા કેસો વધ્યા તમિલનાડુમાં 16 થી 31 માર્ચદરમિયાન કુલ 25, 244 લોકોને કોરોનાનો ચેપ લાગ્યો હતો, જયારે 1 થી 14 એપ્રિલ આ 14 દિવસમાં તમિલનાડુમાં 65,458 લોકો કોરોના સંક્રમિત થયા, એટલે કે આ 14 દિવસમાં 2.5 ગણા કેસો વધ્યા છે.તમિલનાડુમાં માર્ચમાં 163 લોકોનાં મોત થયાં હતાં, જે એપ્રિલમાં અત્યાર સુધીમાં વધીને 232 થઈ ગયા છે.
5) કેરળ : 14 દિવસમાં 2 ગણા કેસો વધ્યા કેરળમાં એપ્રિલના 14 દિવસમાં માર્ચ કરતા 2 ગણા કેસો વધ્યા છે. 16 થી 31 માર્ચ દરમિયાન અહીં કુલ 30,390 લોકો કોરોના સંક્રમિત થયા હતા, જયારે 1 થી 14 એપ્રિલ આ 14 દિવસમાં કોરોનાના કુલ 61,793 નવા કેસો નોંધાયા છે. એટલે કે માર્ચ કરતા 2 ગણા કેસો વધ્ય છે. કેરળમાં 16 થી 31 માર્ચ દરમિયાન કોરોનાથી 199 લોકોના મૃત્યુ થયા, જયારે 1 થી 14 એપ્રિલ આ 14 દિવસમાં વધીને 204 મૃત્યુ નોંધાયા છે. (ELECTIONS IN CORONA )