DGP ની આ રીતે થાય છે નિયુક્તિ, જાણો તેની સમગ્ર પ્રક્રિયા અને તમામ ડિટેલ્સ
DGP Appointment : DGP એટલે ડાયરેક્ટરેટ જનરલ ઓફ પોલીસ અથવા હિન્દીમાં તેને પોલીસ મહાનિર્દેશક પણ કહેવાય છે. પોલીસ વિભાગમાં છેલ્લી અને સૌથી ઊંચી પોસ્ટ ડીજીપીની છે. તમામ ડીજીપી ભારતીય પોલીસ સેવાના સભ્યો છે.
DGP Appointment : DGP એટલે ડાયરેક્ટરેટ જનરલ ઓફ પોલીસ અથવા હિન્દીમાં તેને પોલીસ મહાનિર્દેશક પણ કહેવાય છે. પોલીસ વિભાગમાં છેલ્લી અને સૌથી ઊંચી પોસ્ટ ડીજીપીની છે. તમામ ડીજીપી ભારતીય પોલીસ સેવાના સભ્યો છે. ડીજીપી એ ભારતીય રાજ્યો અને કેન્દ્રશાસિત પ્રદેશોમાં ત્રણ સ્ટાર સાથે ઉચ્ચ રેન્કિંગ પોલીસ અધિકારી છે. રાજ્યના પોલીસ વડા તરીકે પણ ઓળખાતા ડીજીપીની નિમણૂક રાજ્યના ટોપ અધિકારીઓ અને મુખ્યમંત્રીની બનેલી કેબિનેટ દ્વારા કરવામાં આવે છે.
આ પણ વાંચો : Good News : ગુજરાત યુનિવર્સિટીમાં UPSCના તાલીમ વર્ગની પ્રવેશ પરીક્ષા 4 જૂને યોજાશે
રાજ્યમાં વધારાના DGP સ્તરના અધિકારીઓ પણ હોઈ શકે છે. જેલના મહાનિર્દેશક, વિજિલન્સ અને ભ્રષ્ટાચાર વિરોધી બ્યુરોના ડિરેક્ટર, ક્રિમિનલ ઇન્વેસ્ટિગેશન વિભાગ (CID), અગ્નિશમન દળોના મહાનિર્દેશક અને નાગરિક સંરક્ષણ, પોલીસ હાઉસિંગ સોસાયટી વગેરે આવા અધિકારીઓ માટે સામાન્ય જગ્યાઓ છે. ડીજીપી રેન્કના અધિકારીઓ પણ કેન્દ્ર સરકારની સંસ્થાઓમાં સમાન હોદ્દા પર કામ કરી શકે છે. તેમાં સેન્ટ્રલ રિઝર્વ પોલીસ ફોર્સ (CRPF), સેન્ટ્રલ બ્યુરો ઑફ ઇન્વેસ્ટિગેશન (CBI) ના ડિરેક્ટર, SVPNPA ના ડિરેક્ટર વગેરેનો સમાવેશ થાય છે.
ડીજીપી બનવા માટે યુપીએસસીની પરીક્ષા પાસ કરવી પડે છે
DGP IPS અધિકારીઓ છે, જેઓ તેમના કોલર પર ગોરગેટ પેચ પહેરે છે. ગોરગેટ પેચ નેવી બ્લુ બેકગ્રાઉન્ડ અને ઓક લીફ પેટર્ન ધરાવે છે. ડીજીપી બનવા માટે યુપીએસસીની પરીક્ષા પાસ કરવી પડે છે. ડીજીપી રેન્ક પોલીસ દળમાં સર્વોચ્ચ છે અને તે વિવિધ વિભાગીય પોસ્ટ દ્વારા જ મેળવી શકાય છે.
DGP ની આ રીતે થાય છે નિમણૂંક
- સંબંધિત રાજ્ય સરકારે વર્તમાન ડીજીપીની નિવૃત્તિના ત્રણ મહિના પહેલા સંભવિત લોકોના નામ યુનિયન પબ્લિક સર્વિસ કમિશનને મોકલવાના હોય છે.
- UPSC DGP બનવા માટે યોગ્ય ત્રણ અધિકારીઓની યાદી તૈયાર કરશે અને તેને મોકલશે.
- DGPની પોસ્ટ ઓછામાં ઓછી બે વર્ષની સેવા માટે હોય છે અને તેમની નિમણૂકમાં લાયકાત અને સિનિયોરિટીને પણ ધ્યાનમાં લેવામાં આવે છે.
- પછી રાજ્ય તરત જ કમિશન દ્વારા પસંદ કરાયેલા વ્યક્તિઓમાંથી એકની નિમણૂક કરે છે.
- રાજ્યો DGP ને તેમની નિવૃત્તિની તારીખ પછી પણ કાર્યાલયમાં ચાલુ રાખવાની મંજૂરી આપવાનો પ્રયાસ કરી શકે છે, આ કાર્યકાળનો આ વિસ્તરણ માત્ર યોગ્ય સમયગાળા માટે જ છે.
Latest News Updates
