University Jobs 2022: કેન્દ્રીય યુનિવર્સિટીઓમાં 21 હજારથી વધુ જગ્યાઓ ભરવામાં આવશે! શિક્ષણ મંત્રીએ ટીચિંગ અને નોન ટીચિંગ ભરતી મુદ્દે કરી આ વાત
કેન્દ્રીય શિક્ષણ મંત્રી ધર્મેન્દ્ર પ્રધાને કેન્દ્રીય યુનિવર્સિટીઓમાં ટીચિંગ અને નોન-ટીચિંગ સ્ટાફની ખાલી પડેલી જગ્યાઓ અંગે મહત્વની જાહેરાત કરી છે. ધર્મેન્દ્ર પ્રધાને કહ્યું છે કે, આવનારા 6 થી 8 મહિનામાં ખાલી પડેલી જગ્યાઓ પર ભરતી કરવામાં આવશે.
Central University Recruitment 2022: કેન્દ્રીય શિક્ષણ મંત્રી ધર્મેન્દ્ર પ્રધાને (Education Minister Dharmendra Pradhan) કેન્દ્રીય યુનિવર્સિટીઓમાં ટીચિંગ અને નોન-ટીચિંગ સ્ટાફની ખાલી પડેલી જગ્યાઓ અંગે મહત્વની જાહેરાત કરી છે. ધર્મેન્દ્ર પ્રધાને કહ્યું છે કે, આવનારા 6 થી 8 મહિનામાં ખાલી પડેલી જગ્યાઓ પર ભરતી કરવામાં આવશે. આ જગ્યાઓ ભરવા માટે એક ખાસ ભરતી પ્રક્રિયા ચલાવવામાં આવી રહી છે, જે અંતર્ગત આ ખાલી જગ્યાઓ ભરવાની કામગીરી છથી આઠ મહિનામાં પૂર્ણ કરવામાં આવશે. તાજેતરમાં પ્રધાને રાજ્યસભામાં એક લેખિત જવાબમાં જણાવ્યું હતું કે, દેશની કેન્દ્રીય યુનિવર્સિટીઓમાં (Central University) 6,558 અધ્યાપન અને 15,227 બિન-શૈક્ષણિક પદો ખાલી છે. 4,000 થી વધુ ટીચિંગ પોસ્ટ્સની ભરતી માટે પહેલેથી જ બહાર પાડવામાં આવી છે.
યુનિવર્સિટીઓમાં સરકારી નોકરીઓ (Government Job 2022) માટે તૈયારી કરી રહેલા યુવાનોની રાહ ટૂંક સમયમાં સમાપ્ત થશે. કેન્દ્રીય શિક્ષણ મંત્રી ધર્મેન્દ્ર પ્રધાને તમામ કેન્દ્રીય યુનિવર્સિટીઓમાં ખાલી પડેલી તમામ જગ્યાઓ ભરવાની માહિતી શેર કરી છે. ધર્મેન્દ્ર પ્રધાને કહ્યું છે કે, શિક્ષકની ભરતીમાં કોઈ બેદરકારી ન થવી જોઈએ. રાજ્ય શિક્ષક ભરતી નિયમોથી વાકેફ રહો.
શિક્ષણ મંત્રીએ આપી માહિતી
શિક્ષણ અને બિનશૈક્ષણિક ભરતી અંગે માહિતી આપતા ધર્મેન્દ્ર પ્રધાને જણાવ્યું છે કે, ભવિષ્યની પેઢી ઘડનારા શિક્ષકોની નિમણૂકમાં કોઈ બેદરકારી ન થવી જોઈએ. જે પણ આવું કરે છે તેને સજા મળવી જોઈએ. તેમજ શિક્ષકોની નિમણૂંકમાં પણ બેદરકારી થતી હોય તો રાજ્ય સરકારે તેની ચિંતા કરવી જોઈએ.
સંસદમાં વ્યક્ત કરી ચિંતા
સંસદના કેટલાક સભ્યોએ કેન્દ્રીય યુનિવર્સિટીઓમાં ખાલી પડેલી જગ્યાઓ અંગે ચિંતા વ્યક્ત કરી છે. 6 એપ્રિલના રોજ રાજ્યસભામાં બીજુ જનતા દળના સાંસદ સુજીત કુમારે કોરાપુટ, ઓડિશાની કેન્દ્રીય યુનિવર્સિટીઓમાં શિક્ષકોની ભરતી અંગે ચિંતા વ્યક્ત કરી હતી.
સુજીત કુમારે કહ્યું કે, ઓડિશાની કેન્દ્રીય યુનિવર્સિટીઓમાં શિક્ષકોની 154 જગ્યાઓમાંથી 137 જગ્યાઓ ખાલી છે. શિક્ષણ મંત્રાલયના અહેવાલ મુજબ, આ યુનિવર્સિટીઓમાં શિક્ષકોની લગભગ 89 ટકા જગ્યાઓ પર નિમણૂક કરવામાં આવી નથી. તેમણે કહ્યું કે, કોરાપુટ સ્થિત ઓડિશાની કેન્દ્રીય યુનિવર્સિટીઓમાં કોઈ પૂર્ણ-સમયના વાઇસ ચાન્સેલર નથી. યુનિવર્સિટીમાં કુલ 14 વિભાગો છે જેમાંથી માત્ર 17 જ નિયમિત શિક્ષકો છે. આ કિસ્સામાં 950 વિદ્યાર્થીઓની સંખ્યા માટે, દરેક વિભાગ દીઠ માત્ર એક શિક્ષક છે.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
Latest News Updates
