UGC NET 2021 પરીક્ષા માટે ફરી ખુલી રજિસ્ટ્રેશન વિન્ડો, આ સરળ સ્ટેપ દ્વારા કરો અરજી

UGC NET પરીક્ષાની તારીખો જાહેર કરવામાં આવી છે. આ વખતે ડિસેમ્બર 2020 અને જૂન 2021 સત્રની પરીક્ષા એક સાથે લેવામાં આવશે. પરીક્ષા 6 ઓક્ટોબરથી 11 ઓક્ટોબર દરમિયાન લેવામાં આવશે. નેશનલ ટેસ્ટિંગ એજન્સી દ્વારા બહાર પાડવામાં આવેલી નોટિસ અનુસાર વિદ્યાર્થીઓને UGC NET પરીક્ષા માટે અરજી કરવાની વધુ એક તક આપવામાં આવી રહી છે.

જે વિદ્યાર્થીઓ અગાઉ નોંધણી કરાવી શક્યા નથી તેઓ 5 સપ્ટેમ્બર સુધી નોંધણી કરાવી શકે છે. તમામ રસ ધરાવતા ઉમેદવારો માટે આ તારીખ સુધી અરજી વિન્ડો ખુલ્લી રહેશે. અરજી ફી જમા કરવાની છેલ્લી તારીખ 6 સપ્ટેમ્બર 2021 છે. તે જ સમયે, એપ્લિકેશનમાં સુધારણા કરવા માટે 7થી 12 સપ્ટેમ્બર સુધી વિન્ડો ખોલવામાં આવશે.

UGC NET 2021 Registration: આ સ્ટેપ્સ દ્વારા કરો રજિસ્ટ્રેશન

1. સૌ પ્રથમ સત્તાવાર વેબસાઇટ ugcnet.nta.nic.in પર જાઓ.
2. પછી વેબસાઇટ પર આપેલ Application Form લિંક પર ક્લિક કરો.
3. હવે New Registration લિંક પર ક્લિક કરો.
4. આ પછી તમારું નામ, પિતાનું નામ, મોબાઇલ, ઇમેઇલ અને અન્ય માહિતી ભરીને નોંધણી કરો.
5. હવે લોગ ઈન કરી અને તમારું અરજી ફોર્મ ભરો, ફોટો અને સહી અપલોડ કરો.
6. તે પછી અરજી ફી સબમિટ કરો.
7. બધી પ્રક્રિયા પૂર્ણ કર્યા પછી અરજીની પ્રિન્ટ લો.

અરજી ફી

અરજી કરવા માટે જનરલ કેટેગરીના ઉમેદવારોને 1000 રૂપિયા અને ઓબીસી, ઇડબલ્યુએસ જેવા અનામત કેટેગરીના ઉમેદવારોને 500 રૂપિયા ચૂકવવા પડશે. આ સિવાય એસસી, એસટી અને ટ્રાન્સજેન્ડર કેટેગરીના ઉમેદવારોએ 250 રૂપિયાની અરજી ફી ચૂકવવી પડશે.

આ પણ વાંચો: IAS ટોપર ટીના ડાબી અને અતહર ખાને લગ્નના 2 વર્ષ બાદ લીધા છૂટાછેડા, ગયા વર્ષે પરસ્પર સંમતિથી દાખલ કરી હતી અરજી

આ પણ વાંચો: Surat: સુરતમા ફરી માથાભારે તત્વોનો આતંક, રામપુરા વિસ્તારમાં કુખ્યાત બૂટલેગરના પુત્ર પર હુમલો થતાં વાતાવરણ બન્યું તંગ