NBCC JE Recruitment 2022: જુનિયર એન્જિનિયરની જગ્યા માટે અરજી કરવાની આવતીકાલે છેલ્લી તારીખ, અહીં કરો અરજી
નેશનલ બિલ્ડીંગ કન્સ્ટ્રક્શન કોર્પોરેશન લિમિટેડ દ્વારા જુનિયર એન્જિનિયરની પોસ્ટ માટે બહાર પાડવામાં આવેલી ખાલી જગ્યા માટેની અરજીની પ્રક્રિયા આવતીકાલે એટલે કે 14 એપ્રિલ 2022ના રોજ બંધ થશે.
NBCC JE Recruitment 2022: નેશનલ બિલ્ડીંગ કન્સ્ટ્રક્શન કોર્પોરેશન લિમિટેડ દ્વારા જુનિયર એન્જિનિયરની પોસ્ટ માટે બહાર પાડવામાં આવેલી ખાલી જગ્યા માટેની અરજીની પ્રક્રિયા આવતીકાલે એટલે કે 14 એપ્રિલ 2022ના રોજ બંધ થશે. ભારતની નવ રત્ન કંપનીઓમાંની એક, NBCC India દ્વારા બહાર પાડવામાં આવેલી આ ખાલી જગ્યા (NBCC JE Recruitment 2022) દ્વારા કુલ 80 પદોની ભરતી કરવામાં આવશે. આવી સ્થિતિમાં, જે ઉમેદવારો અત્યાર સુધી આ માટે અરજી કરી શક્યા નથી તેઓ NBCCની સત્તાવાર વેબસાઇટ પર જઈને ઓનલાઈન અરજી કરી શકે છે. ઉમેદવારોને સલાહ આપવામાં આવે છે કે તેઓ અરજી કરતા પહેલા સત્તાવાર વેબસાઇટની મુલાકાત લઈને સૂચના તપાસે.
નેશનલ બિલ્ડીંગ કન્સ્ટ્રક્શન કોર્પોરેશન લિમિટેડ (National Buildings Construction Corporation Limited, NBCC) દ્વારા બહાર પાડવામાં આવેલ આ ખાલી જગ્યા (NBCC JE Recruitment 2022) માટેની અરજીની પ્રક્રિયા 15 માર્ચ 2202 ના રોજ શરૂ થઈ હતી. જેમાં જુનિયર ઈજનેર (સિવિલ), જુનિયર ઈજનેર (ઈલેક્ટ્રીકલ) અને ડેપ્યુટી જનરલ મેનેજર (સિવિલ)ની જગ્યાઓ ભરવામાં આવશે. સૂચનામાં આપેલી માહિતી મુજબ અરજી ફોર્મ ભરો.
આ રીતે કરો અરજી
- ઓનલાઈન અરજી કરવા માટે, પહેલા સત્તાવાર વેબસાઈટ- nbccindia.in પર જાઓ.
- વેબસાઇટના હોમ પેજ પર આપેલ ભરતી વિભાગ પર જાઓ.
- હવે આગલા પૃષ્ઠ પર NBCC India વિવિધ પોસ્ટ ભરતી ઓનલાઇન ફોર્મ 2022 ની લિંક પર જાઓ.
- આમાં Apply Online ના વિકલ્પ પર જાઓ.
- વિનંતી કરેલ વિગતો ભરીને નોંધણી કરો.
- નોંધણી પછી તમે અરજી ફોર્મ ભરી શકો છો.
લાયકાત અને વય મર્યાદા
આ ખાલી જગ્યા અનુસાર, જુનિયર એન્જિનિયર (civil) પોસ્ટ્સ માટે અરજી કરવા ઇચ્છુક ઉમેદવારોએ ઓછામાં ઓછા 60% માર્ક્સ સાથે માન્યતા પ્રાપ્ત સંસ્થામાંથી સિવિલ એન્જિનિયરિંગમાં ત્રણ વર્ષનો ડિપ્લોમા પાસ કરેલ હોવો જોઈએ. તે જ સમયે, જુનિયર એન્જિનિયર (ઇલેક્ટ્રિકલ) પોસ્ટ્સ માટે, ઇલેક્ટ્રિકલ એન્જિનિયરિંગમાં ત્રણ વર્ષનો ડિપ્લોમા 60% માર્ક્સ સાથે પાસ હોવો જોઈએ. બંને પોસ્ટ માટે ઉમેદવારોની ઉંમર અરજીની છેલ્લી તારીખ એટલે કે 14 એપ્રિલ 2022ના રોજ 28 વર્ષથી વધુ ન હોવી જોઈએ.
આ ઉપરાંત, ડીજીએમ (સિવિલ) પોસ્ટ્સ માટે ઉમેદવારો પાસે ઓછામાં ઓછા 60 ટકા માર્ક્સ સાથે સિવિલ એન્જિનિયરિંગમાં પૂર્ણ સમયની ડિગ્રી હોવી જોઈએ અને ઉમેદવારો પાસે ઓછામાં ઓછા 9 વર્ષ સંબંધિત કામનો અનુભવ હોવો જોઈએ.
આ પણ વાંચો: Meesho Layoffs: મીશોએ 150 કર્મચારીઓની છટણી કરી, વધી શકે છે સંખ્યા
આ પણ વાંચો: હવે કોલેજોમાં શિક્ષણ પણ થશે મોંઘુ : નર્મદ યુનિવર્સીટીની ટ્યુશન ફીમાં 10 ટકાનો વધારો
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
